يومك ماشى ازاى؟؟

**سجين الاحزان** · 06-08-2009 11:16 PM

السلام عليكم
اما عن رمضان هذه السنة فهو مختلف إن شاء الله عن البقية بعد السحور اقرأ قران بعدها انام لحد الساعة 10 او من الممكن 11( أنا ما أحب اطول في النوم) بعدها اذهب للمحل وهنا تسكب العبارات الشغل المتعب اليومي وبعدها افطر إن شاء الله وبعدها اصلي التراويح وبعدها ارجع للبيت أو من الممكن نعمل شيء السنة جديد يخلي رمضان أجمل من الي قبله إن شاء الله

**كوكى** · 07-08-2009 02:25 AM

السلام عليكم ورحمة الله وبركاته
كل سنة ومنتدى حكاية كله بخير
بالنسبة لرمضان عندى بيبقى عيد والله يعنى انا اليومين دول مشغلة اغانى رمضان على طول
انا غالبا مش باتسحر علشان لما باتسحر باجوع تانى يوم وبعدين ممكن اقوم اصلى الفجر او لا بصراحة لانى بيبقى عندى شغل الصبح
باقوم الساعة 8 الصبح واصلى الضحى واروح شغلى وبصلى الظهر فى الشغل وامشى منه الساعة 3 وبعدين اروح واصلى العصر فى البيت وبعدين طبعا ادخل المطبخ الى اذان المغرب وبعدين اصلى المغرب قبل الاكل عشان انتو عارفين الواحد بياكل ويكسل وبعدين اقرا قران شوية لحد اذان العشاء وانزل اصلى العشاء والتراويح وارجع انااااااااااااااااام علشان الشغل الصبح

ده يومى فى رمضان بقالى 4 سنين من ساعة الجواز

يالا كل سنة وانتو طيبين مرة تانية

**ali_202000** · 22-08-2009 02:33 PM

والله اليوم زى كل الناس يعنى اصلى الفجر وبعدين قراءن كريم وبعدين نوم واصحى زى كل يوم على صوت بابا هو مفيش مسؤليه وعايز تبقى رب اسره ياعم على حرام عليك قوم من النوم ده دى الناس صحيه بقااالها سنين وانت لسه نايم ههههههههههههههههه
فطبعا بضطر اقوم من النوم فصلى الظهر وبعدين العصر واستنى المغرب وطبعا فى اشراف ع الفطار
وبعدين صلاه العشاء والتروايح ارجع بقى النت شويه وبعد كده حسب التساهيل بتاعت ربنا اخرج اتفرج على التلفزيون يعنى زى كل الناس

**katy** · 22-08-2009 02:50 PM

كل سنة وانتو طيبين
انا طول النهار صلا وقرآن ومطبخ
وطول الليل بعد التراويح تليفزيوووووووووووون
بس خلاص

**حكايه** · 22-08-2009 02:53 PM

ياعلى ياصرييييح هههههه
انا بقى اول سحور وشربت ميه كتيير
وصليت الفجر ونمت مدرتش بالدنيا الا الساعه11 ونوص
فتحت للقطه فطرتها الفاطره ههههههه
وصحيت مريم ..وام مريم صحيت فنفس التوقيت مع انها نادر اما بتحصل
وصلينا الظهر وها انا ذا فاتح حكايه وبشارك
نسيت اقولكوا ان الانبوبه فضيت ولازم حد يعزمنى افطر عنده

**noha** · 25-08-2009 02:36 AM

**see_1987** · 31-08-2009 03:46 PM

**حكايه** · 02-09-2009 02:37 PM

يومى امس بقى كان كالاتى
استيقظ الساعه12 ظهرا تقريبا
طبعا اطمنت على حكايه حبيبى واللى فيه
وشويه وخرجت رحت الشقه التانيه اطمن على حالها
وعدت بعد العصر..قعدت معاكم ع النت شويه الى الافطار
ثم خرجت للحسين وضواحيها انا وحاتم اسال عن اسعار واماكن للافطار الجماعى
وعدت على 12 مساءا

**همسة حب** · 02-09-2009 05:11 PM

انا باه امبارح صحيت الساعه 10 كده وقعدت شويه ع النت لحد الضهر وقمت صليت الضهر ودخلت المطبخ كنت بعمل كنافه بس بطريقه جديده اول مره اجربها بس طلعت جميله
العظر اذن صليته وقعدت اقرا شوية قران وبدات احضر الفطار
وبعد الفطار روحت اصلى العشاء والتراويح رجعت الساعه 10 وقعدت اتفرج ع التليفزيون شويه ونت شويه لحد الفجر وصليت وقريت قران ونمت الساعه 5
وتقريبا كل يوم بيكون كده النظام