هتعمل ايه لو كنت مكانو

**memaro** · 03-07-2008 07:25 PM

ياجماعه الموضوع ده بيفرد نفسو علي عقل اي فرد فينا
ومش احنا بس لاء
ده كمان كل الوطن العربي
اصلهم كانو بيقولو ان عم حسني ده حمامه سلام
امال الحمامه راحت فين دلوقتي محدش سامع لها حس ليه؟
شكلها طارت واشترت دماغها ومستنيه دورها علشان تندبح؟
لاء وكمان ايه فالح بس يجيب لنا الوزراء بتوع الدول العربيه والرؤساء
ويجو يعمل معاهم في اسكندريه اجتماعات
طيب ما يعملها عندهم في القاهره

بس احنا ظالمينو بردو ياجماعه
الراجل جي يشوف شغلو وبالمره يفسح المدام والاولاد وقال يصيف شويه
يارب ما يجي عليه صيف تاني ونسمع خبرو قريب( هيحذف في الرقابه)
لا ومش بعيد يحذفوا الموضوع كلو

معلش اعذروني
اصل الواحد خلاص وصل لاخرو

المهم
دلوقتي تعالو نفكر لو انت او انتي مكان عمو مبارك كنتو عملتو ايه

يعني انا عن نفسي ..بصراحة
ممكن تاخدنى الحماسة والعروبة والقومية العربية وأعلن الحرب على اسرائيل !!
ولا قبل ما تاخدنى الحماسة اخــد دوش مية عشان افوق

لكن انا بقترح ان الخطوات اللي لازم نخدوها او انا عني نفسي اخدها
اصلي عمري ما هتوقع ان انكل حسني وعم نظيف ممكن يعملو كده
انا ممكن
كنت قفلت قناة السويس قدام اسرائيل وامريكا
كنت منعت الغاز الطبيعي بتاعنا ولكهربا عن اسرائيل
كنت طردت سفير اسرائيل
كنت سحبت السفير المصري
كنت منعت اي تعامل مع اسرائيل وامريكا اللي بيقول بوش الاسلام الفاشي

في حجات كتيره ممكن تتعمل بس مين يفكر ومين يخاطر ومين يقرر ومين ...ومين....

يالا حسن الختام بقي

قولولي هتعملو ايه ؟؟؟؟؟؟؟؟؟؟؟؟؟