حكاية الغاء الدعم والموضوع اللى زاد عن حده ده (منعا للبلبلة)

**مواطن مصرى** · 10-12-2007 02:13 PM

**FokakMeny.Net** · 10-12-2007 02:24 PM

انا سمعت الخبر ده من كام يوم
بس انا اللى صعبان عليا الناس الغلابه
ومرتابتهم على قدهم
وشكرا يا مواطن

**Messi** · 10-12-2007 03:14 PM

شكراااااااااااااااااااااا ااااا يا حودزززززز ع التوضيح

ومنها لله المصرى اليوم دى جرنال عايز الحرق واللهى

**● **Snow White** ●** · 10-12-2007 08:41 PM

بص يا مصراوى أنا كنت متابعه الحوار ده على بعض البرامج فى الفترة إلى فاتت كانت بتناقشه وإلى فهمته أنهم عيزين يكون الدعم عينى يعنى مثلا هيشيل الدعم من على رغيف العيش يزود مرتيات المستحقين بنفس القدر و كان فى أختلاف فى الحوار ده أوك دى أول حاجه

ثانيا أن الموضوع إلى لفت نظرى أن هما هيعملو إحصاء تانى لتحديد المستحقين للدعم يعنى هيلفوا إلى ساكن فى مكان حلو و شقه مفيش دعم إلى عنده تليفون فى البيت مفيش وياسلام لو عنده دش بقه ولا عربيه يبقى هيخدوا منه؟؟

بيتهيألى ده مش نظام لأن المرتبات دلوقتى و فى وجود الدعم مبتقضيش الناس علما بأن البواب بتاع عمارتنا عنده دش ومتوسكل وبانيو ده بقه هيكون إيه نظامه؟؟؟؟؟؟؟؟؟؟
لو النظام ده اتنفز بيتهيألى أنهم هيلغوا الدعم؟؟؟؟؟؟؟؟؟؟؟

**مواطن مصرى** · 10-12-2007 10:13 PM

شكرا يا فكك منى على مرورك وتعقيبك على الموضوع
وانا بقولك ان ان شاء الله على حسب الكلام اللى بتقوله ده ان كدة الموضوع ده هيبقى فى صالح الشعب ومفيش اى ضرر منه لان اكيد كلنا مرتباتنا على قدنا والرئيس مبارك بنفسه قال ان لا تحقيق للتنمية من غير ما يحقق العدالة الاجتماعية بس هى الصحف والمعارضه هى الى بتقصد البلبلة

شكرا يافكك منى للمرور ونورت القسم السياسى

**مواطن مصرى** · 10-12-2007 10:15 PM

شكرا ياميسى لمرورك على الموضوع
ومشكلة قوى الجرايد اللى بتحرف الكلام دى وللاسف الكلام ده بيأذى اكتر الشعب الطيب اللى بيصدق

شكرا ميسى مرة تانية لمرورك

**مواطن مصرى** · 10-12-2007 10:28 PM

شكرا ياسنو لمرورك الطيب على الموضوع
وشكرا للتعقيب
وبالنسبة للكلام اللى انتى قلتيه ده
فبقؤلك ان كل التصريحات دلوقتى بتشير الى انه لا كلام عم الغاء الدعم أو حتى انقاصه
والمشكلة كمان ان عندنا فى مصر اتفهم موضوع الدعم ده غلط دلوقتى الناس فاهمة ان الدعم يعنى ثباااات الاسعار وده مش صحيح ابدا
وحاجة كمان ان دلوقتى دعم رغيف الخبز اللى الناس بتقوا انه هيغلى او الدعم هيتشال وكدة دعمه دلوقتى وصل ل15 مليار جنيه وبالنسبة لاسعار الطاقة اللى الناس بتقول انابيب الغاز برضه هيتشال الدعم فوصلت دلوقتى دعمها الى 50 مليار جنيه يعنى الدعم بيزيد والحمد الله
بس المشكلة فعلا ان كلام الرئيس مبارك فيه ناس اخدته غلط
الريس قال دعوة للحوار المجتمعى حول اسلوب وصول الدعم لمستحقيه وعلى فكرة كمان الحوار ده الريس دعا ليه كافة الاحزاب السياسية وهيئات المجتمع المدنى
فان شاء الله الموضوع يعنى يكون بالخير هلينا
نورتى الموضوع ياسنو
شكرا لمرورك

**..●●**آه...لو**●●..** · 10-12-2007 11:39 PM

معلش يا حوده يا ريت توضح اكتر الكلمه دي" حول اسلوب وصول الدعم لمستحقيه "
هما مين مستحقي وايه الشروط المتوافره فيهم ؟
ولو هما دول اكيد في فئات من الشعب هتضر لدرجه الموت اصل الدعم ده مش حكايه اكل وشرب ومنتجات بتروليه وغازيه لا في اللي اهم من كده "الادويه "يا ريت تشوف ميزانية دعم الادويه وصلت كام....

**مواطن مصرى** · 11-12-2007 10:19 PM

شكرايادرش لتشريفك الموضوع
بالنسبة لموضوع الدعم ووصوله لمستحقيه فيامصطفى الموضوع اتفهم بالعكس فيه ناس غلابة كتير الدعم مش بيوصلها فيه تجار بتاخد الحاجات المدعمة دى وبتبيعها فى السوق السوداء وبتحرم الناس من الدعم ده فاهمنى يادرش ده اللى الريس كان بيقصده
وولسة ما اتحددتش اى اليات لتنفيذ الكلام ده
كل اللى قاله قال انه عايز الدعم يوصل لمستحقيه

واكيد طبعا الادوية من الحاجات اللى مطلوب فيه الدعم بس برضه انا قلتلك ان عندنا شيئ اتفرض فى مصر نتيجة لسوء الفهم ان الناس افتكرت ان الدعم يعنى ثبات الاسعار وده مفهوم خاطئ يادرش
وبالنسبة لموضوع الادوية يامصطفى
فدى حاجة بالتحديد الريس ركز عليها وقال انه لا الغاء لدعم الدواء
وبالنسبة لكدة فوزارة الصحة عملت حاجة كويسة خالص
عملت دراسة واقعية علي عشر شركات مختلفة للأدوية، ودرست ميزانياتها لمدة عشر سنوات ونتج عن هذه الدراسة أرقام واقعية لجميع بنود التكلفة للأدوية، وتم جدولة الأدوية بدءاً من تكلفة الخامات ومواد التعبئة وصولاً الي السعر النهائي للبيع، وقد رأت وزارة الصحة في ذلك نوعاً من الدعم يتمثل في أن تكون ربحية الشركات.
من الأصناف الأساسية لا يتجاوز الـ5% من التكلفة بينما تصل هذه النسبة الي 15% في أنواع اخري من الأدوية الكمالية مثل المقويات وما شابه ذلك حتي تتمكن الشركات من تغطية تكليفها

ده بالنسبة للرقابة على اسعار الدواء
اما بالنسبة لرقم الدعم الفعلى فانا كنت قريته من يومين بس مش متذكره والله بس هشوفهولك تانى وهبعتهولك بس هو على العموم فى تزايد ما تستغربش الدعم بتاع الدواء بيزيد على الرغم من ارتفاع اسعار دالدواء
فبالنسبة لارتفاع أسعار الدواء، فمنذ عام 1952 حتي الآن لم تتوقف أسعار الأدوية عن الارتفاع في مصر، ونستطيع ان نعرف ذلك من خلال بعض الأصناف التي لها فترة زمنية طويلة في السوق المصري مثل نقط الأنف «بروزلين» كان سعرها«25» قرشاً اصبح الآن «225» قرشاً خلال 40 عام، وبالطبع لم تقفز هذه الزيادة دفعة واحدة إنما علي دفعات تدريجية علي مدي زمني طويل، وهذه الزيادة اجبارية علي الشركات لأن جميع مكونات هذا الدواء زادت اسعارها بنسب كبيرة خلال الفترة الماضية، ولا نستطيع ان نفكر في الاستغناء عن مثل هذه الاصناف الشعبية والرخيصة لأن البديل ثمنه اضعاف السعر المحلي، ونجد ان عدد الاصناف التي يتم زيادتها سنوياً لم يتجاوز في أي عام 450 صنفاً من الدواء من بين 6600 صنفاً في الأعوام السابقة و8630 في الوقت الحالي أي أن هناك 6150 صنفاً أو أكثر لم يتم المساس بأسعارها.

وان شاء الله خير يعنى وربنا يسهل ونشوف ايه القرار اللى هيوصله الحوار المجتمعى اللى الريس دع اليه

شكرا يادرش مرة تانية لتشريفك للموضوع وتعقيبك الجميل ياريس

خالص تقديرى