شاارع بيتنا القديم

**● **MiSs. NeRmOo** ●** · 02-04-2011 12:44 AM

شارع بيتنا القديم
أنا فاكر وصفته
ع الناصيه فكهاني
وناصب فرشته
كان يجى ساعة العصارى
وينادى على فاكهته
وينادى بصوت جميل
ياحلاوه غنوته
وع الناصيه التانيه كشك
وصاحبه عجلاتي
كان يقوم الفجر يصلى
ودا طبع فيه يوماتى
أنا فاكر لسه اسمه
بالوشم على ايده راسمه
وكان اسمه عم حمزه
وكنا لسه تلامزه
وف أخر الشارع
كانت هناك مدرستي
أنا فاكر اسمها
مكتوب على كراستي
وكنت اصحي الصبح بدري
فرحان بمريلتى
وف ايدى شنطه قماش
صنعاها أم احمد جارتي
وعلى ناصية ألمدرسه
واحد بعربيه
كان اسمه عم حسن
بتاع التمريه
أنا برضه لسه فاكره
كان بعمه وجلابيه
وف شارع مدرستنا
كنا نرسم ع الأرض صوره
ونلم عيال حارتنا
ونلعب ماتش كوره
وكان فيه بنت جارتي
أنا فاكر شكلها
بضفيره وبلوزه بمبي
واسمى على اسمها
لما العب ماتش كوره
تشاورلى اشاورلها
كنا لسه صغيرين
وسني من سنها
وياخساره الفرحه ماتمت
وساعتها الناس اتلمت
على زماره الخطر
وبدأنا ف التهجير
والناس زعلانه كتير
على فراق بعضها
ويعدى سنين وسنين
وأنا كلى شوق وحنين
لشارع بيتنا القديم
اللي على ناصيته فكهاني
وكشك عم حمزه
وبتاع التمريه

**| Amino2 ●** · 02-04-2011 02:35 AM

شابوووووووووووووو كبيره

حلوه بجد بجد

**● **MiSs. NeRmOo** ●** · 02-04-2011 01:31 PM

منور ياثكر

معلومات الموضوع

شاارع بيتنا القديم

الموضوع: شاارع بيتنا القديم

أدوات الموضوع