ذكرى فى كتاب مقفول

**قلب صادق** · 11-03-2011 11:06 PM

اضحك يا قلبى ومتخبيش ضحكتك

اضحك وافرح وامرح وخليك سعيد

خليك بين القلوب سعيد فرحان بدنيتك

ما انت خلاص بقيت ذكرى فى كتاب مقفول

بقيت مجرد ذكرى على الجدران مكتوب

بقيت مجرد طيف يعدى وتنساه القلوب

افرح يا قلبى ولا ابكى من جرحك والمك وهمك

اصرخ ونادى وهز الدنيا بصرخه المك

ما اللى حبيتو خلاص يا قلبى رماك وسابك ومهنش عليه دموعك

بقيت ذكرى يا قلبى ملكش وجود ما خلاص نسيك وباعك ولا فارق معاه عزابك

بقيت مجرد ذكرى فى كتاب مقفول ولا حتى تعدى لحظه على فكرو وتفتكرك العقول

بقيت مجرد ورقه فى كتاب عدت وانتهت رغم حبك وعشقك ونبضك بأسمو

بردو بقيت مجرد سطور مكتوبه زى باقى السطور اتساويت يا قلبى بالخاين والجارح

والبايع واللى ملوش امان وبقيت واحد من قلوب كتير انتهت بيها الحياه فى كتاب الفراق

بقيت يا قلبى ذكرى فى كتاب مقفول

اصرخ بأعلى صوت نادى واخرج من السكوت املى الدنيا بصوتك مش سكوتك

قفل خلاص كتابك سابك وراضى بعزابك مهونتش عليه يا قلبى ومش فارقه معاه غيابك

بقيت ذكرى فى كتابو ومش فارق معاه حب القلب اللى سابو ورغم حبك وعشقك لقلبو

خلاص ناسيك ومش عاوز كمان لمسه ايديك ولا حتى يتمنى نظره عنيك ولا كلمه بحبك يسمعها منك

خلاص خلاص خلاص يا قلبى انت مخلص فى حبك وبتتمنى يرجع لحضنك وهو خلاص

عايش حياتو مع قلب تانى وحب تانى وياريتو يعرف يا قلبى محدش هيحبو ادى ويضحى بحياتو

علشانو غيرى اطلب يا قلبى من ربك وربى ترتاح من عزابك ومرار ايامك واللامك

يمكن تعيش سعيد ومتبقاش تانى وحيد فريد .. رغم ان الحب الحقيقى مش ممكن تلاقيه القلوب

وعمله نادره فى زمن غاب فيه صدق القلوب

وللاسف يا قلبى بقيت ذكرى فى كتاب مقفول

تحياتى للجميع

قلب صادق

5 / 2 / 2011

**● **MiSs. NeRmOo** ●** · 13-03-2011 12:54 AM

مش مهم نبقى ذكرياات لماااضى
المهم انناا نحس ب سلعة اسمهاا حب بس للأسف هيا السلعة الوحييدة اللى بترخص ف عيونااا وف قلووبناا وحتى كماان ف ذكريتنااا
مشكوور يااقلب صاادق

**قلب صادق** · 13-03-2011 01:55 AM

والله صدقينى احنا اللى بنظلم الحب معانا

الحب موجود فعلا وفيه قلوب صادفيه صادقه جدا

لاكن يمكن بتقابل قلوب اقل تقدير للحب ده

والدنيا بتستمر والامل فى الله موجود ان بكره يكون اجمل اكيد

نورتينى جدا جدا اختى الفاضله