ζζ…ΨΏΨஇ يعنى إية كوكا كولا زيرو இ₯ ΨΏΨ…ζζ

**Sunset Beauty** · 22-09-2010 12:52 AM

يعني ايه كوكا زيرو ؟
يعني تسهر بليل قدام الكتاب والإمتحان يجيلك من اللي انت ذاكرته

يعني ايه كوكا زيرو ؟
يعني تسهر في الشغل ومراتك تتصل بيك بالليل وتقولك ربنا يعيينك

يعني ايه كوكا زيرو ؟
يعني تتعرف على النت على شاب صالح ويطلع فعلا صالح ويعينك على الخير

يعني ايه كوكا زيرو ؟
يعني تبقي مخلي مراتك مش ناقصها حاجة وراضي أمك

يعني ايه كوكا زيرو ؟
يعني لما يكون أبوك فقير وتجتهد بعرقك وتجيب أرض أنت وزمايلك وتزرعوها وتجنوا الخير من وراها

يعنى يقولك إن من أهم انجازات عصر ما بعد الثورة هى مجانية التعليم.....
و أى أسرة فى مصر بتبيع اللى وراها و اللى قدامها علشان الدروس الخصوصية!!!!

يعنى يعملوا مؤتمر سنوى لأنجازات الحكومة ......و الناس كلها عارفة إن مؤسسة رسالة هى اللى فاتحة بيوت غالبية الشعب!!!!

يعنى باباك يسافر و يتغرب و يوفر شقة لولاده من فلوسه محدش دفع له فيها حاجة و يجى يوم يتفرض عليها ضريبة عقارية.!!!!!!!!

يعنى تبقى واثق أيام اختيار الدولة المضيفة لكأس العالم 2010 ان مصر هتاخدها هتاخدها
لأنعدام الامن فى جنوب أفريقيا و عدم و جود بنية تحتية فى المغرب
و فجأة تاخد صفر كبييير من الفيفا!!!

يعنى يبقى عندك ثلث أثار العالم فى مدينة واحدة وهى الأقصر و تلاقى دولة زى تونس عدد السائحين فيها أكتر من عندك!!!

يعني تترشح في الانتخابات عن فئة (العمال) وتنجح فتعيش عيشة (الملوك)!!!.

يعنى إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه لابس في قطر تاني !!!!.

يعني قناة (بي بي سي ) فيها مذيعات محجبات ... وبلد الازهر تمنع حجاب المذيعات)!!!!!!!!!!!

يعني قطرين يدخلوا في بعض واللي يتحاسب الكومسري وفي حادث آخر البقرة الي كانت واقفة على القضبان!!!

يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين
ووزير المالية وزوجة وزير الصحة بيتعالجوا بالملايين على نفقة الدولة!!!

يعني تبقي عندك بحرين و نيل قناة السويس و11 بحيره وبتستورد السمك من بره !!!!

يعني يكون عندنا مجلس قومى للمرأة و أعلى معدلات طلاق فى الوطن العربى!!!!

يعني بيصرفوا ملايين الجنيهات على المهرجانات و المؤتمرات كل سنة
و أول ما يحصل كارثة - كالزلزال او السيول - يقولك اتبرع للضحايا!!!!!

يعنى تيجى تشترى شقه فى إسكان محدودى الدخل تحسبها تلاقيها واقفه عليك بسعر السوبر لوكس!!!!

يعنى لما يعطوا لطفل عمرة 11 سنة وحافظ القرآن الكريم وأحاديث الرسول بالكامل ومعاة إجازات فى القرآن الكريم مكافآه 100 جنية
وياخد لاعبى المنتخب مليون جنية لكل جون وتاخد هيفا وهبى 60 الف دولار فى الساعة !!!!
!!!!!

يعني نعمل قانون مرور جديد..... و ضحايا حوادث الطرق سنويا أعلى من نسبة اللى ماتوا فى حرب اكتوبر!!!!

يعنى كولا زيرو
و غاز زيرو
و مرتبات زيرو
و ضمير زيرو
تنمية زيرو
و انتخابات زيرو
و صحة زيرو
و دقيق زيرو

**| Tears Of The Moon ●** · 22-09-2010 05:56 AM

يعنى يكون عندك مليون كيلو متر مربع فى مصر
ومش عايشين غير على 5% من الوطن
يكون فى عندنا صحارى فيها خيييييييييييييير يكفـى بلاد العالم ومش قادرين نخرجه لنفسنا
يعنى يكون عندنا خمس واحات بزرعهم بخضرواتهم بفاكهتهم ونصدر الحاجة الحلوة برة ونستورد ونزرع لنفسنا الزرع المرشوش كيماويات
يعنى يكون عندنا صحارى ممكن نستصلح فيها ونقدر نغلب البطالـة
يعنى يكون عندنا أعظم كيميائى (احمد زويل ) ، وأعظم فلكـى (فاروق الباز) ، وعندنا أعظم جراح قلب مفتوح ( مجدى يعقوب ) ويخرجوا يشتغلوا برة .
يعنى يكون عندك مخترع الذرة مصرى الأم والأب ويكون المستشار الرئيسى للرئيس أوباما .
يعنى يكون عندك أعظم رئيس فى العالم وهو السادات وييجى شوية كلاب ولاد كلب يغتالوه بعد ما ضحك على دول العالم من روسيا لإسرائيل لأمريكا لألمانيا .
يعنى يكون عندك واحد زى الباز قالك نعمل مشروع فى الصحراء الغربية ويجيب خير لمصر ومنه نقضى على البطالـة ومنه ما نستوردش من برة أى حاجة ولا شبابنا يسافروا برة وفى الآخر يعترضو على المشروع علشان مجرد ان اسمه ممر التنمية والتعمير ويقولوا ممر توحى بالضيق .
يعنى يكون عندك واحد زى محمد الفايد رجل أعمال مصرى قالك هعمل نادى فى مصر اتنفـى برة مصر وبقـى صاحب نادى فولهام الانجليزى .
يعنى يكون عندك بنى أدمين متهانين برة بلدهم فى الجزائر وفى الكويت وفى نيجيريا وفى ألمانيا وفى لبنان وأخرهم فى اسكندرية ونقول كرمية المصرى من كرامة مصر ولن أقبل المساس بهم .
يعنى يكون عندك رئيس دولة مشرف على كرسى الحكم بقاله 30 سنـة ومش ناوى يقوم من عليه الا لما يرشق ابنه عليه .
يعنى يكون عندك رغيف العيش بالعاااااااااااااافية والخضروات غاااااااااااااالية والفواكه غالية
لما كيلو الطماطم ب6 جنيه .، وكيلو البطاس ب4 جنيه .
وغيره وغيره وغيره
الانسان كل أسبوع لو رايح اشترى اتنين كيلو طماطم واتنين كيلو بطاطس هيبقوا ب20 جنيه ده غير الخيار وغيره وغيره وغيره
والبنى ادم كفران وطلعان عين اهله وفى الآخر بياخدله بتاع 450 ملطوش ما يكفوش خروجة ولا أكل ولا شرب ولا تعليم ولا لبس ولا سكن ولا ... ولا ... ولا ... ولا ايه ولا ايييييييييه يا عبد الفتاح يا جرينـى .

وسمعنى سلام
بلدنا فى النعول متشالـة
والنبى خلوا الواحد ساكت .
عليا النعمة فعلا احنا خير أجناد الأرض لما مستحملين كل ده
ولا بلدنا دى فعلا يكون فيها خير لما تكون بتتسرق من 7000 سنة وبرضو فيها خير
ده بس علشان مذكورة فى القران
والحمد لله على كل حال
ادارة بلدنا عاوزة تتحط فى ميدان عام
والناس تمشى عليهم بالجزم تفعصهم وتقتلهم وترميهم للكلاب يتغدوا بيهم ويتعشوا بيهم .

كل سنة وانتى طيبـــة

**| لولا ●** · 22-09-2010 04:25 PM

الموضوع مهم جداااااااااااااا وشكرا ليكى على مجهودك وبجد بجد احمد قال كل حاجة مفيش كلام تانى الواحد يقوله ربنا يرحمنا برحمته

**Sunset Beauty** · 22-09-2010 06:24 PM

بجد يا احمد كلامك عجبنى اكتر من التوبيك نفسه
لولا شكرا لمرورك يا قمر

**..●●**آه...لو**●●..** · 24-09-2010 04:29 AM

طب وبعدين
ايه الحل

**| Amino2 ●** · 24-09-2010 07:27 PM

الحل اننا نشرب كوكا زيرو
او ننفذ الوصايا
ولا ايه

**| Tears Of The Moon ●** · 25-09-2010 04:02 AM

الحل مش صعب
بس احنا اللى بنخاف
الحل هو وقفـة
وقفة صح
مش أى وقفـة
انت لو أخدت البلد اللى انت قعدت فيها دى
وروحت اتظاهرت بجد
وعملت الى ما يتعملش
ان شاله لو انقلاب فى الحكم
هنعرف نعمل الصح

ليه مطبعة تنشر انجازات البرادعـى تتحرق؟؟
ليه واحد زى علاء مبارك اللى بيراعى ربنا فى نفسه وفى البلد
ابوه غضبان عليه؟

تفتكر ليه محمد حسنى مبارك مش عاوز يسيب كرسى الحكم ويبقـى مواطن عادى؟
أقولك ليه
لأنه لو بقـى مواطن عادى
ودينى
ماحد هيرحمه
مع أول بنى أدم ماشى فى الشارع
هيمسكه يطلع على جسمه البلا الأزرق
مشكلتنا ان احنا بنخاف

معلومات الموضوع

ζζ…ΨΏΨஇ يعنى إية كوكا كولا زيرو இ₯ ΨΏΨ…ζζ

الموضوع: ζζ…ΨΏΨஇ يعنى إية كوكا كولا زيرو இ₯ ΨΏΨ…ζζ

أدوات الموضوع