بص انا هنزلو بقى يا شومان وانته حر..

**..●●**آه...لو**●●..** · 21-08-2010 06:13 AM

بص بقى يا سيدي
كنت بحاول انام ومش عارف انام طبعا في الوحده الفظيعه اللي حاسس بيها هنا
ودماغي عماله تودي وتجيب
ومستني ارجع وبدعي ربنا يصبرني اليومين اللي فاضلين دول
عالعموم بقى
بص يا سيدي

الموضوع انا عاوز انزولو من زمان
بس خفت تزعل
وفكرت لقيت ان ممكن تكون دي اخر سنه لينا كاصدقاء وليا انا وانته على وجهه خاص

عشان ان شاء الله تخلص الدراسه ومش عارف الحياه هترمينا وتودينا لفين

بس
الموضوع بقى
زي مكلنا عارفين
ان كان في اسبوع من شهر تقريبا ولا حاجه
كان المنتدى مغلق
كان بيحصل فيه ترقيه وتطوير

وفي الاسبوع ده
وبالتحديد
يوم
25/07/2010
كان عيد ميلاد واحد من....

هو مش واحد من حاجه

هو يمكن كده
له مكانه لوحدو
مع ان ليا ناس تانيين بحبهم جدا
واصدقاء غاليين عليا

بس يمكن يكون عشان هو اولهم وااقدمهم
او بحكم عشرتنا سوى

طبعا كان عيد ميلاد
مصطفى بن رضا بن محروس بن شومان
" بالاماراتي : دي بن يعني ابن مش بن اللي هيا قهوه يعني ومش القهوه اللي هيا بنقعد عليها لالالالا اللي بنشربها

"
صاحبي

حبيت اقولك برضو
اني ساعات كتير براهن عليك بيني وبين نفسي
ومش دايما بتكسب الرهان بس كتير بتكسب
وده شيئ طبيعي مفيش حد فينا كامل

يمكن
بحبك عشان حاسس اني علاقتي بيك
لا تعتمد على مقاييس
او اننا تفكير واحد او خصال مشتركه
بالعكس يمكن
في حجات كتير متناقضين ويمكن
اساسا اساسا لو حد حسبها كده يبقى استحاله نبقى اصحاب

بس
هو زي م فيه حب كده ما بين المحبين
بحس اني صداقتي ليك حب اعمى
توديني بقى في داهيه توديني العباسيه
بس

الحب اعمى يا صاحبي
شفتك وانته طيب

وشفتك وانته حمااااار وتور وبتنطح كده

اكيد مش محتاج اقولك
نفسي تفضل طيب علطول

بس اصلا مقدرش اطلب كده
انا ساعات ببقى جحش اصلا

المهم
خلاصتو بقى

كل سنه وانته طيب يا صاحبي
حاجه اخيره بقى
لو هتزعل من الموضوع
اتفلق منا لما بزعل
بتفلق
" ده اخر مبادئي المستحدثه مؤخرا "

بس والختام
سلام
يا رب اعرف انام بقى

**| **Silent Guardian** ●** · 21-08-2010 03:09 PM

انا فتحت الموضوع ده امبارح
قبل ما انام بساعة كده
قريت عنوان الموضوع , افتكرت حد عامل فيا مقلب و منزل حاجة كده و اللاه كده
و لما لقيتك انت صاحب الموضوع
قلت هقراه لما اصحى

و لما قريته - وزي ما قلتلك على الماسنجر - انا مقدرش اقول اني اتبسطت او زعلت لما شوفت التوبيك
عشان انت لو كنت قلتلي كنت هقولك متعملش حاجة
بس انت حليتها لما نزلت التوبيك و زي ما يحصل يحصل و حطيتنا قدام الامر الواقع
بس هو توبيك لذيذ تسلم ايديك يا بوب و كل سنة و انت طيب يا اعز صديق
و بعدين يا درش اخر سنة و كلام فاضي ايه
يا بيبي بقى في حاجة اسمها فايس بوك يعني لو في القمر هجيبك
و بعدين هي الامارات بعيدة؟ تذكرة طيران ب3000 جنيه و شكرا
متقلقش انا على قلبك

شكرا على التوضيح يا حج

مفيش حد كامل و الحمدلله على اللي الواحد فيه , اهو احسن من ناس كتير
و كويس اني احيانا بكسب الرهان , مش بخسرك كتير
و صحيح بينا اختلافات كتير في العقل , بس القلب واحد
متفهمش ياض احنا بنتعامل مع بعض كده ازاي
ده احنا لو اتنين عاديين كان زماننا قتلنا بعض من زمان من كتر الخناقات
و ربنا ما يجيب خناقات يا رب
بجد يا مصطفى انت مش عارف انت بالنسبة ليا ايه
وربنا يكرمنا سوا يا رب و يديم الحب و المعروف
و اهو مهما نتخانق برده مرجوعنا لبعض
يا رب ما نتحرم من بعض ابدا

اهو هما بقى الجملتين اللي بالاحمر دول
اللي بيموتوني من الضحك
هههههههاااااااااااااااي
عاجبني قوي قوي
قلبي هيقف يخرب عقلك
احنا ساعات فعلا بنقلب عربجية و حيوانات
بس قلبنا طيب
و اصلنا كويس , عشان كده حتى لما بنجحش , حبايبنا بيسامحونا:">
انا كل شوية افتح التوبيك
و اقراه من الاول عشان اقرى الجملتين دول
بس لازم يكونوا في وسط الموضوع , لو لوحدهم مش بضحك عليهم

و انت طيب يا حبيب قلبي
يا اجدع صاحب في الدنيا

و النبي ما عارف انا زعلت و اللاه مزعلتش
بس لو زعلت هتفلق عادي يعني
مهو انا برده لما بزعل الناس , بسيبهم يتفلقوا
(جتها نيلة اللي عايزة خلف)
مش عارف ايه فايدة الجملة دي في الحوار بس اتزنقت فيها و لقيتها عايزة تطلع دلوقتي

انت يا حبيبي قلبي مش فاهم
لما انت نزلت التوبيك ده
الكلام ده كان الساعة 05:13 AM يعني بتوقيتكو كانت 6:13
في الساعة دي , اسمع كلامي انا , بيحصل فيها حاجات كتير خارج حدود السيطرة , عشان كده انا عاذرك برده
و كل سنة و احنا كلنا طيبين
و بعدين يا تيفا , انت عارف انا كفاية عليا قوي ماسج مكتوب فيه كل سنة و انت طيب
و السنة يمكن حتة ان الموقع -كعادته في المناسبات- هييس في الاسبوع ده جت مصلحة , عشان في ناس كتير جدا مكنتش متوقع اصلا انهم فاكريني , لقيتهم بيتصلوا بيقولوا كل سنة و انت طيب
و في اصحاب كتير كنت بتعامل معاهم على انهم اشخاص عادية في حياتي , لقيتهم فاكرين الميعاد و عاملين الواجب و زيادة كمان
عيد ميلادي السنة كان مليان بالمفاجأت , بس كان يوم جميل نفسي
و يا عم كفاية ان السنة دي , اتعملي تلات اعياد ميلاد

الجملة دي كانت على الجملتين اللي بالاحمر , فطسوني من الضحك يخرب بيتهم
و كل سنة و احنا طيبين يا بيبي و خليك انت كده كل سنة سافر الامارات في الصيف عشان تهرب من الهدية
فانا فاهمك يا فهمي

**Messi** · 21-08-2010 08:07 PM

ياض يا مصطفى قول كلمتين على بعض
يعنى انا عاوز افهم ده موضوع عيد ميلاد وللا موضوع عتاب وللا موضوع وداع وللا موضوع ذكريات وللا موضوع تحليل نفسى؟
وللا موضوع نوم؟
كل سنه وانت طيب يا شومان
ويارب يا درش تكون عرفت تنام بعد موضوعك الملعبك

**● **TiTaNiC LoVeR** ●** · 22-08-2010 12:13 AM

يلا اهو توبيك واتكتب يا ديفا

وكل سنه وانت طيب يا عم درش
عبقال السنه الجايه
ونعملهولك فى شهر 9

ورمضان كريم

**| Mannora ●** · 22-08-2010 12:24 AM

مش هاقول الا....................هـــــــــــ ـــــــــتنهيدهــــــــــ ــــــــه

وكل سنه وانت طيب وكويس وخير يارب يا مصطفى

وربنا يخليكو لبعض ويخلى كل الشله بخير ومتجمعين يارب

**| **المقصرة في حق الله** ●** · 22-08-2010 12:50 AM

كل سنة وانتوا صحاب ومع بعض

وكل سنة والبشمهندس طيب وبخير

**| NoOoDy ●** · 22-08-2010 04:32 AM

كل سنة وانت طيوب يا شومان
وعقبال كمان 19 سنة

**..●●**آه...لو**●●..** · 22-08-2010 07:07 AM

اهو شفت بقى
ومعلشي يا ميسي على قد العبكه اللي جوا اللي جوه الواحد

**| **Silent Guardian** ●** · 22-08-2010 04:33 PM

و اديني كده عدلت الرد بتاعي , و حطيت الرد اللي كان محجوز

اعذره يا احمد , انت مش فاهم التوقيت
و ياما قلت للناس , يا جدعان نامو عشان تفكير اخر الليل ده بيودي في ستين داهية

اللهم اني لا اسألك رد القضاء

امين يا مانو
انتي طيبة يا دوك

**| **Silent Guardian** ●** · 22-08-2010 04:37 PM

و انتي طيبة يا باشمهندسة

حبيب هارتي
من غيرك السنة دي , موضوع عيد الميلاد ده , كان هيبقى فاكس قوي
بس يا نووودي 3 مليون ميرسي يا عسل
و لحد دلوقتي انا برده مش مصدق ان الهدية كانت ليا , و مقتنع انها كانت ل... للي بالي بالك

تفتكر بقينا نقدر نعيش من غير لعبكة؟
و النيعمة كنا هنمل من العيشة

معلومات الموضوع

بص انا هنزلو بقى يا شومان وانته حر..

الموضوع: بص انا هنزلو بقى يا شومان وانته حر..

أدوات الموضوع