24 شارع الحجاز...جنب كنتاكي علطول؟!!

**..●●**آه...لو**●●..** · 30-07-2010 03:32 PM

جايبلكم انهارده حاجه خفافي كده من اشعار
قنبله الشعر الموقوته
هشام الجَخ
"بتعطيش الجيم"
هشام شفتو على اليوتيوب من فتره
وعجبني اوي
وكنت محضرهولكو مفاجئه
بس اتشهر بقى خلاص
ومعظم الناس بقت
عارفاه
بس برضو لسه فيه حاجه
انك
فعلا زي ممنى الشاذلي قالتلو
انا ممكن اقعد اتفرج على شعرك مره واتنين وعشره
وكل مره تقولو
استمتع فيه
خلاص هسيبكم اهو انا عارف اني رغاي
يلا بينا مع بعض نشوف الجدع ده
بيقول ايه

اذا لم يعمل مع هذا الفيديو فانت تحتاج الى Adobe Flash Player
حمل أحدث نسخة من هنا
http://get.adobe.com/flashplayer/

24 شارع الحجاز

ده عنوان القصيده
جنب كنتاكي علطول

وبقولها

ادلعي واتبغددي واتفاخري واتباهي
قولي لكل الناس
ده عشقني والله

لمي العيال حواليا زفوني
ظاظو عليا وحدفوني طوب
مانا اللي سبت عنيكي لفوني
وانا اللي استاهل كل يوم
مركوب

نقول تاني

ادلعي واتبغددي واتفاخري واتباهي
قولي لكل الناس
ده عشقني والله

لمي العيال حواليا زفوني
ظاظو عليا وحدفوني طوب
مانا اللي سبت عنيكي لفوني
وانا اللي استاهل كل يوم مركوب

فادلعي واتبغددي واتفاخري واتباهي
ادي ضحيه كمان
فدى رمشك الساهي

موت الضحايا جزايا
مانا اللي وديتك "حبيتك"
انا اللي وديتك
ولحد حد مودتوش ولا حد
وديتك

وقلعت كل سنيني على خصرك
ضفرت شعرك عش جوايا
بايعت حكمك وابتديت عصرك
ووقفت ورا عرشك
ومسكت
هوايا

موت الضحايا جزايا
وكلها ضحايا

مين اللي قال الحب اخرو عمار
الحب اخرو نهايه في رحايا
القسوه طاحنه والحجر دوار

فادلعي واتبغددي واتفاخري واتباهي
واستنكري من عزتي
واستهتري بجاهي
خليني مضرب مثل
من بعد هيبه
و وزن

كبي المرار في العسل
واملي الفرح بالحزن

يعني انتي اولهم
ولا انتي اول هم
ولا انتي اولهم
ولا انتي اول سهم
اتسن لي واتسم

لو تكشفي ظهري تلقي السهام علاماات
وانا زي زرع في هوى وطى حيي وعلا
مـــــــات

موت العلالي شرف
بس اسمها موته
مش عدل تبقي في ترف
وانا بطفح القوته

ما يا اما نقسمهم
وخزه قصاد وخزه
يا اما لا مواخذه
توته يا حدوته

وابقي اكدبي براحتك
وادلعي براحتك
طعم الهزيمه جزا
للي يزور ساحتك

وانا قلبي ياما غلب
مش عيب يبات مغلوب
اهو برضو فيدتينا
وكفرنا بيكي ذنوب

ولحسنا من شهدك

ولحسنا مش شهدك
وشربنا من ريقك
وسكرنا من كاسك
وكسرنا ابريقك
وطعمنا من حسنك
وشبعنا ببريقك
ومشينا في طريقك
ورجعنا ملو اليد

جرحي قصاد جرحك
ولا حد ظالم
حـــــد

ولا انتي فاكرانا رجاله خيبانا
نبكي على النسوان
ونسح في بكانا
كنت اسالي
نانا
اللي اسمها
نــــــــــانـــــــــا

يدوب زعلنا يومين
واهي دنيا لهيانا

هبكي عليكي انتي

متكدبيش عالناس
الناس دي عارفاني
قلبي خشب لو غطس
بيقب من تاني

فمتحرجيش روحك وتقولي
ده عشقني
بدال ما صحباتك يقولولك
ادي دقني

حبي على قدك
واحكي على قدك
وان جت سيرتنا في يوم
ابقي الزمي
حدك

تدلعي ماشي
تتبغددي
هَــه
وتقولي حبني موت
برضو ميجراشي

بس انتي من جوه فاهمه ان زمنك مات
وبقيتي زي اميره
قلبها شحات

لفي على اصحابي
سبيني في غيابي
قولي ان عمرك يوم ما وقفتي على بابي

لا كويتي قمصاني
ولا جيتي زرتيني
ولا تعرفي مكاني
ولا تعرفي تجيني

واني يدوب واحد دايب في دباديبك
عامل كما عيل شابط في جلاليبك

وانتي يا عيني
"اوف"
زهقانه مني خلاص
عملتي زار بالدف
وسقتي كل الناس

وانا برضو لازقلك
معلش حظك كده
ربك
ورازقلك

روحي يا شاطره هناك
انضمي للالبوم

انا كل عشرتي بيكي
اتنين وعشرين يوم

عملتي نفسك حكايه
ومحبه فياضه ومخده بكايه
وسهر وسهد وويل
وبكى وغنى ومواويل
في اتنين وعشرين ليل ؟!

على اي حال
شكرا وشكرا
ثم شكرا
للقصيده
قلما تاتيني يا امراه
بافكار جديده
.................................
هـــــتنهيدهــــه

انا عن نفسي استمتعت جدا
وانا بكتب كل حرف بيقولو
ومتفكروش الامر سهل
بس يمكن عشان
انا واتش
شعرا زي بعضينا
هههههههه
لا بجد انا استمتعت
انتو ايه رايكم
؟؟؟؟؟؟

**| Amino2 ●** · 30-07-2010 03:37 PM

دى جميله اوى على فكره
حتى انا سمعتها على الفيس تقريبا حد من فكك كان حاطها
ميزتها ان 24 شارع الحجاز ده انا تقريبا عايش فيه لانى الاكاديميه بتاعتى هناك
ثانكس ياتيفا

**| Amino2 ●** · 30-07-2010 03:38 PM

ياسلام بقى لو نزلت (انسحبو بتاعته برده)
وجحا

**Spider GirL**(•'.'•) · 30-07-2010 05:11 PM

انا حبيتها خالص
ومعظم اشعاره الموجودة فى اليوتيوب جميلة اوى

انا ماكنتش عايزة اقولها
لكن اشعاره فيها حاجة قريبه من كتاباتك يافهمى
بيعملك مفاجأة فى نص ويصدمك فى النهاية

**| NoOoDy ●** · 30-07-2010 08:14 PM

جميل اوى اوى الراجل دة وطريقتة جميلة جدا
تسلم يا تيفا يا عسل

**..●●**آه...لو**●●..** · 31-07-2010 03:11 AM

ههههههههه
عشان كده عنوان القصيده عجبط يا امينو
تسلم ياقمر وباذن الله انا مش ناسي هشام
بس باذن الله
حبه حبه عشان كلامو صعب حبتين وانا بحب اكتب سماعي مش بنقل الكلمات
...............................................
موني مرسي عالكومبيليمونت
بس هيهات فين وفين
ما بين السما والارض
بس مكدبش عليكي
انا طول عمري مبقتنعش بحاجه مما قرات وان حد يعبر عن اللي جوايا
دائما كنت مؤمن اني اقدر اكتب اللي عاوز اوصلو
بس لما سمعت هشام
وف قصيده معينه كده
قلت انا لو كتبت مليون سنه
مش هعرف اعبر عن اللي جوايا زي مهو عبرلي
ربنا يزودلي ملكه الكتابه وان شاء الله اطورها
مرسي ليكي قمر
.....................................
نودي نودي نودي
بفرح لما الاقيكي متابعه
خليك على كده خليك
وابقي علطول منوراني
ومبسوط انها عجبتك
وتسلمي يا قمر عالمرور
والرد

**| Nadooosh ●** · 31-07-2010 06:35 AM

ملهاش حل يا واد يا تيفة

وكمان الى انت بعتهالى
تحفة تحفة تحفة

الراجل دة جامد قوى
ويخلى الى ملوش فى الشعر ممكن يسمعلة

**..●●**آه...لو**●●..** · 31-07-2010 06:41 AM

اها
عشان كده يا دودن بقول انو قنبله شعر موقوته
لانو صانع سوق الشعر في الفتره اللي جايه
وبقولك ايه القصيده اللي سمعتهالك دي
خليها مستخبيه
اصلها
فيها احساس بحاجات عجيبه وشعور متداخل بدرجه بتخليني ابكي كل مشوفها

**| Nadooosh ●** · 31-07-2010 06:49 AM

\

تاويتة

**..●●**آه...لو**●●..** · 31-07-2010 07:13 AM

موووووووووووووووه

معلومات الموضوع

24 شارع الحجاز...جنب كنتاكي علطول؟!!

الموضوع: 24 شارع الحجاز...جنب كنتاكي علطول؟!!

أدوات الموضوع