حبيت بجد

[لست قلبى]

حبيت زى أى حد باخلاص بيحب



وهيا كمان كانت بتقول انها ليا بتحب



وحكيت حبنا للدنيا واحساسها صدقته بجد



ماعرفشى ايه اللى عليها جَد ؟



احساسها اتقلب فجأة بقى كله كدب



والنهاردة جاية تقولى نفترق وانها مش بتحب



واللى عاشته معايا كان تقضية وقت



آل بتغيظ بمشاعرى حبيبها اللى سابها تشكى الحب



بتشعلل نار الغيرة فى قلبه علشان ليها يرجع ويعود لقلبه الحب



وانا ينكسر قلبى وعادى مش فارقة



انسان من لحم ودم بيموت من الحرقة



مشاعرى اتلعب بيها وجاية تواسينى وتقولى أسفة



لا ياللى كنت بحبك بجنون



مشاعرى مش بكلمة تواسيها ولا نظرة عين بشفقة تَرْضِيها

انا رافض حتى انى اشوفك او اسمع صوتك تقوليها



بس قبل ماتمشى وتروحى لحبيبك



لو سابك تانى فى يوم واكيد هيسيبك



متبقيش تلوعى قلبه



بقلوب ناس تخدعيهم بحنينك

[| Mannora ●]

احساس صعب بجد..لما تكون اللى معاه ديما ويسيبك فى وسط الطريق

ويفضل السؤال ايه اللى جد؟؟ايه اللى جد؟؟

[| Amino2 ●]

اتارى الدنيا دى ياجدع غداره ومحدش يامن لحد فيها ابدا
بس بقيت مشكله فعلا مفيش حب بيكمل دلوقتى
الكل دايما بيحب يدخل تجارب جديده وكلنا بقينا ننسى بسرعه
وهو ده طبع الحياه
مش عارف اتكلم ليه؟
بس تسلم ايدك