ساعات بشتاق بجد كلمات تحفه

[| Amino2 ●]

دى ياجماعه كلمات اغنيه فؤش ساعات بشتاق من الالبوم الجديد واللى انا كنت مستنيه بفارغ الصبر
بس الاغنيه دى معبره بجد ومائره فيا اوى رغم انى مش كبير اوى يعنى بس حاسسها جدا مش عارف ليه

كلمات أغنيه ساعات بشتاق

ساعات بشتاق ليوم عشته وانا صغير
لشكلي قبل ما اتغير
لأيام فيها راحه البال عشان كنا ساعتها عيال
ساعات بشتاق للحب القديم
ولصوت عبدالحليم
لنومي فحضن لبس العيد واحساس ان بكره بعيد
لفنجان قهوه من امي وانا بذاكر
لفرحه ابويا لما انجح واكون شاطر
للمه عيله فالصيف لما بنسافر ع مطروح
لاول لمسه من ايد اللي حبتها
لضحكتها ورقتها وبرائتها لدمعه فعيني يوم البعد خبتها
وانا مجروح
ساعات بشتاق ليوم عشته وانا صغير
لشكلي قبل ما اتغير
لأيام فيها راحه البال عشان كنا ساعتها عيال
ساعات بشتاق لخالي وعمي ولجدي
لحواديت من بتوع ستي لليله من ليالي زمان الفرح يملى كل مكان
ساعات بشتاق لبيتنا الكبير والناس مليانه خير
لا باتو فيوم مره شايلين ولا عملوا حساب لسنين
للعب الكوره فالشارع فحتتنا لأمي وهي بتعيد ع جارتنا
لرمضان بنوره بيهل ع بيتنا وكل مكان
حاجات عدى عليها سنين سابت فينا صور جوانا عايشه زي اسامينا
ولا الدنيا ولا الايام تنسينا ليالي زمان
ساعات

[..●●آه...لو●●..]

no comment

[| Mannora ●]

لسه سامعها من شويه مهما سمعتها مش باشبع

باسرح معها لاياااااااااااااام زمان بجد جامده وباحس انها معموله ليا

تسلم يا امينو

[| Amino2 ●]

ياباشا انت مش لازم تعلق
المهم انك نورت والمصحف
بس اغنيه لذيذه

[| Amino2 ●]

ايوه فعلا ماهى الميزه انها كل واحد يسمعها بيحس انها معموله ليه لانها بتعبر عنا كلنا
وبعدين هو فى زى ايام زمان
ايام ماكانت لافرخه ب 3 رجول والجنيه 13 بريزه
وميرسى على الورد الجميل ده
:">