اغنية ليا عشم وياك يا جميل للصوت المرح الضحوك (محمد فوزى)

**لست قلبى** · 14-07-2010 03:47 PM

ليَ عشم وياك يا جميل

إن بحت بالسر تصونه

مكتوب عليَ احب واميل

وحبيبي واحشاني عيونه

ياهل ترى يرضيك

من بعد ما جيتك

اخذك نصير وسند ليَ

تخلف رجايا فيك

انا ياللي حبيتك

من كتر ما تحبك هيَ

اشرح لها حالي واوصف لها حبي

حلفها بالغالي ترحم ضنى قلبي

يمكن تواسيني في كويتي ونوحي

هيَ ضياء عيني هيَ منى روحي

ليَ عشم وياك يا جميل

إن بحت بالسر تصونه

مكتوب عليَ احب واميل

وحبيبي واحشاني عيونه

شاهدت حسن كتير وقليل

في دنيتي ألوان

ما لقيتش في جمالها مثيل

ولا حتى في الغزلان

والشوق محيرني والليل عليَ طويل

وانا ايه يصبرني غير شكوتي لزميل

يسمع ويتألم يتألم

ما يهونش وجدي عليه

ساكت ويتكلم يتكلم

لاكن بطرف عنيه

ليَ عشم وياك يا جميل

إن بحت بالسر تصونه

مكتوب عليَ احب واميل

وحبيبي واحشاني عيونه

**| Mannora ●** · 15-07-2010 03:12 AM

باموت فى الاغنيه والفيلم بجد تحفه جدا

**| Amino2 ●** · 15-07-2010 03:25 PM

هى فى فيلم ايه دى؟

**لست قلبى** · 15-07-2010 03:49 PM

اولا شكرا على مرورك يا امينو
ثانيا دى من فيلم تصدق انى نسيت اسم الفيلم
بس انا فاكر ان من ضمن اغانى الفيلم
اغنية شحات الغرام
والفيلم بطولة ليلى مراد ومحمد فوزى
بس صدقنى اسم الفيلم غايب عن بالى
بس اوعد ادورلك على اسمه