ليه أخاف لو قولت أحبه

**لست قلبى** · 14-07-2010 03:36 PM

انا ايه اللى بقيت أحسه ده

وليه انا سهرانة للوقت ده

وبالى من امته بقى مشغول بالحد ده

وليه انا ساكتة وحابة أحس ده

ميكنشى ده اللى ياما قالوا عليه

وسمعت عنه فى كل حتة اروح بيحكوا فيه

بس انا خايفة أصدق احساسى بيه

وارجع بقلب مكسور وعين بتبكى عليه

منا ياما سمعت عن عذابه قبل حلاوته

وشفت جراحه قبل ماقابله

دلوقت بينادى عليا وآل الدور جه عليا

اسيبه ومردش

ولا أطاوعه واروحله

يمكن مندمشى ..... يمكن أحبه

وجايز أخسر لو فاتنى قلبه

فليه أخاف لو قولت أحبه

**..●●**آه...لو**●●..** · 15-07-2010 02:12 AM

جميل جدا
بس خاف/ي الحب مش حلو
هههههههههههههههههههه
جميله لست قلبي
بجد مبدع كعادتك
وجديد تقمص شخصيه الاخر
والتقرب الى تفكيرهم

**| Mannora ●** · 15-07-2010 03:17 AM

ههههههههههههه

حلوه اوى بس مهما حاولتى مش هتقدرو تجيبو كل ما يجول بداخلنا

مفيش غير نزاااااااااار الرائع من استطاع ان يدخل بداخلنا

جميله اوى الفكره بجد تسلم ايديك

موضوع الحيره والاختيار موضوع ابدى ولو قالت باحبه وفشلت هتقول ياريتنى ما قولت

ولو ما قالتش وحب واحده غيرها هتقول ياريتنى كنت قولت

ويبقى الحال كما هو عليه

**لست قلبى** · 15-07-2010 04:17 AM

منورنى ديما يا اه لو بكلامك الجميل
وحضورك الرائع
ديما بكون مبسوط لما بتشرفنى فى موضوعاتى
تقديرى واحترامى

**لست قلبى** · 15-07-2010 04:32 AM

هههههههههههههههههههه
انتى بتعيرينى بنزار ؟
وبعدين نزار ده ملوش نظير باى شاعر تانى
فهيكون فى وضع مقارنة بيا انا ؟ متحصلشى ابدا ههههههه
وياستى اوعدك اللى انا هحاول ادرس شخصيتكوا بقدر الامكان
احاول اجمع شوية كتب عنكوا واعرفلى كام بنت كده
عشان اعرف دواخلكوا ايه بالضبط؟
وبعدين انتى بتدخلينى فى دوووكة وديما شكرلى ليكى بيبقى
فى نهاية الرسالة
انا طبعا ممنون ومدين بالشكر ليكى على كلامك وردك
مش هنا بس على كل موضوع انتى بتنورينى فيه
شكرا لحضرتك وتقديرى