المصرى و دماغه العليا

**● **Snow White** ●** · 26-11-2007 01:17 AM

المصري هو اللّي

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره

ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت

لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

**Essoo** · 26-11-2007 01:32 AM

hhhhhhhhhhhhhhhhhhhhhhhhhhhhhh
توبيك تحفه يا سنو وايت
ميرسىىىىىىىىىىىى يا قمورتى

**● **Snow White** ●** · 26-11-2007 01:37 AM

العفو يا جميل أى خدمه نورتى الموضوع يا برنسيسه

**Messi** · 26-11-2007 01:41 AM

ههههههههههههههههههههههههه ههههههه
عندك حق يا اسنوا وايت
تسلم ايدك ع الموضوع ومنتظرين المزيد

**● **TiTaNiC LoVeR** ●** · 26-11-2007 03:53 PM

موضوع جامد اوى يا سنو وايت
بجد تسلم ايدكى

**Spider GirL**(•'.'•) · 27-11-2007 05:11 PM

شكرا snow white على الوبيك الجامد دة

**..●●**آه...لو**●●..** · 27-11-2007 09:49 PM

والله عندك حق يا سنو
يبقى انت اكيد اكيد في مصر

**| **Silent Guardian** ●** · 27-11-2007 11:22 PM

ههههههههههههههههههههههههه ههههههههههه
توبيك اكتر من تحفة يا سنو
sankio

**● **Snow White** ●** · 28-11-2007 11:22 PM

أنا دخلت لقيت الموضوع بيشع ضوء و حراره ههههههه
شكرا ليكم والله الموضوع أحلو بردودكم شكرا messi,tafatefe,titanic,spider,show man على التعليق
وشكرا كمان ل minnie, snow,ومصراوى عشان دخلوا و معلقوش