هم ليه مش بيحبوا الاهلى؟!!!!!!!!!!!!!!!!!!!!

[Messi]

سلامو عليكم كلكم
انا دلوقتى هتكلم فى موضوع وياريت الناس تتفاعل معاه وتتكلم بحريه
دلوقتى الموضوع عن هم ليه مش بيحبوا الاهلى ؟!!!!!!!!!!!!!!!!!!!!!
هو يمكن الموضوع اتاخر كتير بس هو لسه موجود لغايه دلوقتى وكان موجود قبل كده وهيفضل موجود على طول تقريبا
يا جماعه الواحد شاف حاجات غريبه اوى اليومين اللى فاتوا دول خصوصا بعد خساره الاهلى البطوله الافريقيه من النجم
يعنى لما نلاقى ناس مصرين هه مصرين بس زملكاويه بيشجعوا النجم ضد الاهلى اللى هو فريق مصرى !!!!!!!!!!!!!!!!!!!!!!
لما يطلع فى الاسماعليه مسيرات فرح وزفه بالعربيات معظم اسماعليه كانت فيها ولا اكن اسرائبل هى اللى خسرت
لما بورسعيد واسكندريه ومحافظات تانيه كتير الرابطه بتاع فرقها تخرج تحتفل بخساره الفريق اللى بيمثل مصر واللى لو كان كسب كان هيرفع علم مصر فى اليابان مش علم الاهلى
ليه يا جماعه ؟!!!!!!!!!!!!!!!!!!
لما واحد صاحبى اسماعلاوى يحلف ليا بالله ان لو الاهلى بيلاعب (مكافى حيفا) وده فريق اسرائيلى هيشجع الفريق الاسرائيلى ؟؟
انا مش عارف ليه واللهى ده كله ؟ناس تقول ده علشان الاهلى بيكسب بالتحكيم وعلشان هو بياخدوا الاعيبه الكويسه اللى فى مصر ولا مش عارف ايه ولا ايه .................
ياريت يا جماعه اشوف ارائكم

انا اللى انا شايفه ان كرههم على الاهلى هو حقد مش اكتر
انت عارف لما تكون واحد فاشل ومعاك اخوك ناجح ومتفوق ففى ناس نفوسها ضعيفه بتحقد على اخواتها ومبتحبش لها الخير هو ده بالظبط اللى بيكرهوا الاهلى بيعملوه
وشكرااااااااااااااااااااا ااااااااا

[Spider GirL(•'.'•)]

اولا شكرا ميسى على الموضوع الرائع دة
وصدقنى لما اقولك ان الناس دى ممكن تكون اقلية ولو هما كتير مش لازم نحترمهم اصلا
انا بجد رغم ان انا زمالكاوية بس طبيعى ان الواحد يزعل لما فريق مصري يخسر رغم اجتهاده والاهلى وبصراحة هو اللى رافع علم مصر فى البطولات العاملية يبقى لازم نحترمه بغض النظر عن انتمائتنا وشكرا مرة تانية على الموضوع دة

[● TiTaNiC LoVeR ●]

كلام مظبوط يا ميسى لما الاهلى خسر فرحوا فرحه كبيره اوى على رايك يا ميسى اسرائيل بتقابل النجم
مش عارف ايه الحقد اللى طلع منهم ده
واه الفريق بيمثل مصر
على فكره انا مش اهلاوى
انا بشجع اللعبه الحلوه وبس
بس على العموم ان شاء الله يوفق الفرق المصريه كلها

[Messi]

شكرااااااااااااا على مرورك يا اسبايدر جيرل
شكرااااااااااااا على مرورك يا تايتنك ونورت الموضوع يا نجم

[..●●آه...لو●●..]

فعلا يا ميسي الناس دي حقوده وملهاش شغلانه في الحياه غير انها تنقد الاهلي وطلع في عيوب الدنبا وبعدين ده الاهلي بيلبس احمر زي مصر

[Messi]

شكرااااااااااااا على مرورك يا تافاتيفى
بس مصر هى اللى بتلبس احمر زى الاهلى مش الاهلى اللى بيلبس احمر زى مصر

[Spider GirL(•'.'•)]

يا سلام طيب مصر احيانا بتلبس اخضر واحيانا ابيض اللون الموجود بتلبسه مفيش لون ثابت ليها

[Spider GirL(•'.'•)]

ينفع كدة مهما كان الاهلى كبير ورغم ان المنتخب كسفنا على طول بس بردو مصر اكبر من اى حاجة وما ينفعش حاجة كبيرة تقلد حاجة اقل منها

[Messi]

اولا يا اسبايدر بالنسبه للالوان اللى انتى قولتى عليها دى كلها بتكون الفانله الاحتياطى يعنى مش الاساسيه علشان 99.99% بيكون الفانله الاساسيه هى الفانله الحمرا

ثانيا بقى الاهلى عمره مكان اقل من مصر فى اى حاجه ده كفايه انه جايب لمصر بطولات اكتر عشرين مره من اللى المنتخب جبها
وبعدين انا سورى بقى افضل مصر على اى حاجه فى الدنيا الا الاهلى

[فارس الرومانسيه]

شكرا على الموضوع