ازاى مش بحبك

**قلب صادق** · 14-06-2010 09:01 PM

حرام تقولى انى مش بحبك

لما اقولك بحبك لما قلبى يعشق قلبك لما اقرب منك واضمك لما ايدى تلمس ايدك وقلبى يدق جانب قلبك
لما اعشق صوتك ورسمك .. وهمسك ولمسك وانسى اسمى وافتكر اسمك

يبقى ازاى مش بحبك

لما اعيش العمر جانبك واحكى واحلم بملامحك واتمنى كل ثانيه ابقى جانبك
لما اسافر لبلدك واعدى جبال وبحور علشان اوصلك واسهر الليل تحت بيتك
واحب اهلك وبلدك وناسك واحب اسيب الدنيا كلها علشانك

يبقى ازاى مش بحبك

لما دموعى تنزل على فراقنا وابكى لوحدى من العزاب

واصرخ وانادى بأسمك واقول لكل الناس بحبك

لما اقسم بربى وتشوف الناس صورتك فى قلبى وتبقى اغلى

من حياتى وكل الدنيا عندى

يبقى ازاى مش بحبك

لما كل نبضه فى قلبى تنده عليكى وبحروف اسمك تناديكى لما عنيه متشوفيش غيرك
لما مسمعش الا صوتك لما مشوفش الا شكلك وفى عنيه ابتسامتك لما اشوف كل الدنيا انتى
لما انسى العالم وفاكرك لما محبش حد ادك لما احزن لحزنك واتعب واتألم لجرحك

ابقى ازاى مش بحبك

لما حياتى تبقى ليكى واتمنى اضحى بحياتى ليكى وعمرى كلو بين ايديكى

ابقى بردو مش بحبك ؟

لما احب الشوارع والبيوت والناس الطيبين اللى فى طريقى لبلدك وانسى اهلى وانسى ناسى
وابقى فاكرك لما انسى كرامتى والاهانه والعزاب كل ده علشان بحبك

يبقى حرام تقولى مش بحبك

لما اقسم بربى واخد عهد على نفسى محبش حد غيرك حتى لو كنتى لغيرى
لما اقسم ان عنيه مش هتشوف غير عنيكى ولا ايدى تلمس ايد غير ايديكى
لما اتمنى لقانا او اشوفك حتى من بعيد واحس واشوف ان قلبك مع غيرى سعيد

ابقى ازاى مش بحبك

لسه شايفه انى مش بحبك ومش حاسه بحبى ولا عاوزه تبقى جانبى
عاوز اقولك حاجه واحده

فعلا انا مش بحبك .. رغم كل حبى ليكى مش بحبك

لانى بحبك اكتر من الحب واكتر من اى حب ومهما كتبت

وقولت بردو مش كفايه فى حبك

والله العظيم والله العظيم .. بحبك

بقلمى المتواضع جدا

قلب صادق
9 / 6 / 2010

**| Mannora ●** · 15-06-2010 03:55 PM

لازم تصدق ....

احساسك عالى اوى ..تسلم كلكاتك

**Wezooo**(•'.'•) · 15-06-2010 04:06 PM

الله بجد كلام جميل مقدرش اقول حاجه عنه
بس بصراحه بحس كده وانا بقرا انى بقرأ اغنيه تامر حسنى
وشكرااااااااا ليك

**قلب صادق** · 15-06-2010 07:36 PM

هيه مين دى اللى تصدق يا منار ههههه

دى مجرد خاطره مبقاش فيه حب يابنتى ولا قلوب تستاهل

اهو بنكتب اى كلام من غير منعيش الحاله

نورتى التوبيك المتواضع منار

ادام عليكى نعمه الحب وعلى الجميع

دمتى بكل خير

**قلب صادق** · 15-06-2010 07:36 PM

هيه مين دى اللى تصدق يا منار ههههه

دى مجرد خاطره مبقاش فيه حب يابنتى ولا قلوب تستاهل

اهو بنكتب اى كلام من غير منعيش الحاله

نورتى التوبيك المتواضع منار

ادام عليكى نعمه الحب وعلى الجميع

دمتى بكل خير

**قلب صادق** · 15-06-2010 07:39 PM

تامر حسنى ياعينى ياعينى

ده انا بقى بكتب اغانى وانا معرفش

الاهم انك نورتينى بمرورك ونورتى التوبيك بتواجدك

وعاوز تشجيع بقى وانا اكتب مواويل كمان ههههه

دمتى بكل خير