فضفضه (قول اللى ى قلبك)

[CRASH]

ازيكوا يا جماعه اخباركوا ايه انشاء الله تكونوا بخير

انا عملت الموضوع ده مخصوص علشان نقرب من بعض اكتر ونعرف بعض اكتر بس برضه فى حدود

ازاى

يعنى لو فى حد عنده مشكله من اى نوع ياريت يشاركنا بيها واحنا هانحاول نساعده على قد مانقدر

يعنى اكيد فى ناس كتير بتحب ولسه عايشه الحب ده وفى ناس حبت وانجرحت وفى ناس حبت وماحصلش نصيب

وفى ناس حبت ناس والحب ده اتفهم شئ تانى

مش بس كده

فى مشاكل عائليه صعبه ومعقده بس الانسان لما بيقع فى مشكله عقله بيقف عن التفكير ومابيعرفش يلاقى حل

علشان كده

انا عملت التوبيك ده علشان كلنا نبقى ايد واحده واى حد محتاج مساعده هانساعده واهم حاجه الثقه

لازم يكون فى ثقه بين الاعضاء ولو فعلا فى حد فى ازمه ماينفعش الموضوع يقلب بهزار لازم الجديه فى التعامل مع المواضيع الحساسه

وفى النهايه انا بأطلب من كل عضو وكل عضوه انهم يدخلوا ويكتبوا فى قلبهم واللى حاسين بيه

من زعل او فرح اهم حاجه ياريت نكون صادقين فى الكلام والتعبير

وانشاء الله اكيد هنلاقى حل لاى مشكله

[fary]

اعتقد انها فكره حلوه
انا دلوقتي متضايقه اوي لاني مضيعه
الوقت ادام النت وامتحاني فاضل عليه يومين
بس ربنا يستر

[Wezooo(•'.'•)]

اولا موضوع جميل جداااااااااااا لان هيخلى معظم الاعضاء
يشركوا بعض فى كل مشاكلهم ياريت الناس تفهم الموضوع صح
انا اللى مضايقنى دلوقت
ان حاسس ان النقطه الفضفه وحل مشاكل واندماج الاعضاء فى فكك مش زى الاول
ونفسى نرجع ده
وده مش هيحصل غير لما الكل يشيل من دماغه الافكار ........ ان شاء الله

[CRASH]

إن شاء الله الآعضاءهيرجعوا زى الآول
بس مشكله حسام ونرمين دى تخلص

[| love ●]

عجبانى اوى فكره التوبيك
وانا ذى الاء خايفه ومش مطمنه قد كده بسبب الامتحانات

[Wezooo(•'.'•)]

ان شاء الله كل اللى عندوهم امتحانات هينجحوا
وربنا معاهم يااااااااااااارب

[رجاء]

هاى
بصراحة انا عندى مشكلة انا 18 سنة عمرى محبيت قبل كدة
بس حية مرة واحد انا عمرى مفكرت فية الا زميلى بس وفالى انة بيحبنى وحت وجدة زملتى قالتلى حربى
قلت ماشى مع ان مش دة الى بحلم بية وارتبطنا اقل من سنة كان مش بيهتم بية مقعدناش انا وهو خالص نتكلم ولا مرة
كان بيتهرب من الكلام
عمرة مقالى بحبك
وطول السنة دى عمرة نهائى مكان يكلمنى على الموبيل يسال بس عليا كان بخيل كان يجى الحامعة من غير حتا مايقول سلام ويمشى وكان زميلى بقا يقولو هو منفضلك لية يجى وميسلمش عليكى
ومع ذللك طول الفترة دى وانا اقول لنفسى مش دة الى انا عيزة
مكنتش مقتنعة بية
بس لما كنت القية واقف مع وجدة كنت بضايق اوى بس انا زهقت وقلتلة الحال دة مش ينفع لازم تتغير وعدنى يتغير بس فضل الوضع كدة
وسبنا بعض انا الى طلبت دة انى اسيبة
بس لسة فكرة مش قدرة انساة وسمعت انة بيقول انة عمرة محبنى بس مش قدرة انساة بس بنتعامل اننا زمايل اعمل اية ولجد دلوقتى مش عرفة بحبة ولا لا انا فى حيرة

[Wezooo(•'.'•)]

بصى يارجاء انتى لازم تنسى انك كنتى تعرفى حد زى ده اولا
من كلامك باين انك مش كنتى بتحبيه بس كله كان مجرد اهتمام او مجرد انك بدورى على الحب
وده اللى خلكى مش قدره تحديدى انتى عاوزه ايه
وعلشان كده الواضح انه مش كان بيحبك وانه كان شايفك عادى يعنى مجرد صديقه وخلاص
علشان كده مش كان مهتم بيكى
اللى لازم تعمليه انك تنسى الشخص ده والحسن انك تبعدى عنه خالص لان مش هينفع حتى تكونوا اصدقاء
انسى وبدئى حياتك من جديد مش هيبقى صعب علشان انتى اساس مش بتحبيه
ام عن الحب فا مش تستعجلى
وربنا يوفقك فى حياتك