الحكم في مشكلة حسام و نرمين

[| Silent Guardian ●]

الاول خالص
الموضوع اخد حقه و تمت المشاورة بين الادارة فيه
و الكلام ده كان في غرفة العمليات
و اولا .. لان الموضوع فيه الفاظ مش هينفع نطلعها بره
و لان غرفة العمليات او البريد حسام و نرمين مش هيقدروا يشوفوها
فعملت التوبيك ده بره عشان يقدروا يعرفوا احنا وصلنا لايه
و اللي منهم عايز نسخة من التوبيك .. ممكن يكلمني و انا هبعتهله نسخة من التوبيك


ده كده اخر كلام
و ربنا يجعلها اخر الاحزان
و قبل اي حاجة
انا عارف كل العالم المستفزة اللي مورهاش حاجة في المنتدى غير انها تخلق مشاكل
و يا ريت بنشوف منهم مواضيع كويسة
و كانوا السبب في ان ناس محترمة زي وهم مش بيدخلوا
بسبب استفزازهم البايخ اللي ملوش اي لازمة
و هما اتنين و عارفين نفسهم!

[Wezooo(•'.'•)]

ربنا يهدى يارب وياريت بقى اللى عارفين نفسيهم
يبقى عندهم ......... تم الحذف ل وجود رقابه طبعا مش بقينا بنشوف الكلمه دى
ياريت فكك يرجع كده تانى
علشان على الاقل نخلى المنتدى ده احسن من الاول

[Jasper]

ايه ياعم مصطفى الكوسه دى حسام حظر نهائى ونرمين حظر اسبوع وهى المشتومه مش شاتمه ازاى يعنى كل حاجه ليها رد عادى ردودها كلها استفزازيه ثانيا تغلط فى والدته يعنى ايه الحنطووووور ده تركبه انت ووالدتك حتى لو هو بيغلط فيها فهيا تغلط فيه مش فى والدته وبعد كده ايه حكايه ابن الحرام دى هى هتخبط فى الكلام ولا ايه والكلام ده المفروض هى كمان تاخد عليه حظر نهائى ثالثا غلطت فى والد حسام وقالت عليه خروف وابن لطخ فى نظير انه قال خير رد على السفيه السكوت يعنى هو كان ناوي يقصر الشر ومايردش بعد كده لكن هي فضلت تشتمه وتستفزه والشاهد ع الكلام ده شريف واكيد لما هيجيب سيرة الوالدة اكيد اكيد لازم يدافع عن نفسه لأنها لسانها ما بيسسكتش وياريته بأدب لأ ده بأسلوب أقل ما يقال عنه انه وضيع ومش أسلوب بنت خالص

[| Silent Guardian ●]

الحكم ده سواءا كان نهائي و اللاه اسبوع
اتاخد بناءا على عدد المخالفات و مجموع احكامها
هي كانت مخالفاتها زي ما انت شوفت في التوبيك بتاع الاحكام

بيتراوح بين مخالفة و حظر اسبوع و حظر تلات ايام
و احنا حكمنا خلاص!
اما حسام
مخالفاته 6 مخالفات
منها اتنين فيها حظر نهائي
3 مخالفات
و بعدين عادي جدا لما حد يقول لحد اركب الحنطور انت و اي حد
الا لو انت شايف ان ليها معنى تاني
ساعتها يبقى الغلط على حسام و هيبقوا سبع مخالفات منها 3 حظر نهائي!
ده بالنسبة لاعتراضك الاولاني
اما بخصوص مين الغلطان
الردود كانت واضحة و موجودة في غرفة العمليات
ان حسام غلط 4 مرات في نرمين قبل ما هي ترد عليه
وعلى فكرة لو كانت هي مرديتش مكانتش هتاخد حظر و لا حتى ساعة واحدة!
و غلطها اللي انت بتتكلم عليه هي اتحظرت عليه و اخدت عقابها خلاص

اما النقطة التالتة و مش الاخيرة
حسام اخد حظر نهائي
نرمين اخدت حظر 3 ايام مش اسبوع!

اخر نقطة :
انك تقول ايه الكوسة دي
فانت غلطت في 8 اعضاء
اصحاب الموقع
انا و ندوش
الAdministrators
شريف و معتز
نائب المدير
اه لو
السوبرات
ويزو و سبايدر و ميجو

و دي لوحدها انت تستحق عليها المخالفة!

يا ريت كل واحد يلزم حدوده في الكلام

[| Silent Guardian ●]

الكلام ده كان في وسط ردي اللي فات
الا اني فضلت اني احطه في رد لوحده عشان يتسلط عليه الضوء لوحده

المفروض انك قريت التلات توبيكات

نور عيني
المناقشة في الحكم
و الحكم اللي هو ده

انك ترجع و تقول دلوقتي حرام ان حسام ياخد حظر نهائي , يبقى انت اكيد اللي في دماغك حاجة غلط!
عشان ازاي انت ترضى لاختك ان حد يضايقها بكلام زي ده , اقل ما اتوصف بيه انه كلام سافل
و ان كانت هي ردت ( مع انها غلطت لما ردت ) , فهي بترد على حد غلط فيها الاول

[● TiTaNiC LoVeR ●]

اولا يا عم جاسر انا لما كنت بدافع عند حسام ده كله كنت مفكر ان احمد جمال صاحب التوبيك
حتى هتلاقينى رادد على التوبيك نايس توبيك يا احمد

ثانيا انا لما كنت معاك كنت عمال اقولك اقعد ساكت يا حسام ومتزودش فى الردود وانت برضو سايق فيها عاملى فيها ان كرامتك اتهانت

ثالثا لما رجعت التوبيك تانى من اوله لاقيت ان نيرمين صاحبه التوبيك مش احمد
فعشان كده الموضوع اتغير من ناحيتك
وانت اللى بدات الاول

وانت جاى تقولى انى شاهد معاكم

لو انا كنت شاهد معاك
كنت رود رد احترام فى التوبيك

مش تخش تقولى مطرب زباله ومطربه زباله مش عجبك التوبيك مكنتش تخش ترد من الاول ومش تعملى الحوارات مش من حقك انكك تخش تقول كده من الاول

واوعى تفتكر انى مش عارف ان كان فى مشكله بين جاسر وبين نيرمين
وانت داخل وبترد وعاملى فيها دور صعيدى وبتاخد بطار جاسر ابن خالتك

وانت فضلت تشتم فى الاداره كام مره وعاملى فيها مش همك

وطبعا بعد رايى الادراه كلها

ودى اقل حاجه

واساسا بعد اخر ردود
المفروض تتشالوا خالص وحظر نهائى


واياك يا حسام اقبلك فى الشارع انت وجاسر وحد فيكم يفتح بوقه او يتكلم معايا فى الحوار ده تانى
عشان لو حد غلط مش هيحصله طيب

[| John cena ●]

انا قريت التوبيك من اوله يا حاج مصطفى
انا شايف ان اللى ابتدى الحوار من اوله حسام
لانه ابتدى الحوار بابتزاز ونرفزه لصاحبه التوبيك
وصاحبه التوبيك سايست الحوار
وبرضو زاد فيها
لحد ما الامور اتطورت وشوفنا الشتايم دى
وانا شايف ان نرمين ردت عليه بعد الشتايم لانه هو اللى بدا
والمفروض الاتنين يتعملهم حظر نهائى

بس ما دام الكل متفق على تخفيف الحكم عليهم مش مشكله

[| Amino2 ●]

بس على فكره هى غلطت فى اهله كمان فاده غلط برده

[| please smile ●]

انا ليا راى بسيط بردة بس ياريت محدش يزعل منى لا حسام ولا نيرمين ولا اى حد
بس ياريت تنظروا له بجدية
لازم العقاب للاتنين يبقى واحد ((دة رايى ))وللادارة ما تختار
انا مبدخلش فى الحكم بس بعقب مش اكتر

((الغلط من الاتنين وحسام بدأ بكلمة المنافق وكدة وهى بردة ردت عليه
يمكن حسام ذوها شوية بس هى اللى نرفزته ونرفزته بشدة كمان
وغير كدة درش بيقول انها صبرت بالعكس بردة ردت عليه وبنفس الشدة
يعنى لو هى عاوزة تصبر مكنتش ترد خالص والادارة هى اللىتحاسبه ودة كان هيحسبلها
انما ردت عليه ويمكن لما الفاظ زى دى تطلع منها لواحد هتبقى صعبه بمعنى اصح
كرامة حسام نقحت عليه ودة المفروض ان كرمته اتهانت فلازم يرد
انا مبعفيش حسام لكن الغلط للاتنين واحد
ونرمين بردة ع ما افتكر عملت مشكلة بردة قبل كدة
واعتقد ان الشتيمة دى صعب اوى انها تطلع من بنت
لانها مش وحشة دى شتيمة قذرة لاكمان دى فوق الحد انها تطلع من بنت
وبردة شتيمة حسام اقذر من شتميتها وشتيمة سافله اوى كمان))

اعتقدت يادرش ان الاتنين لازم يبقى عقاب واحد يااما حذر نهائى او حذر لاسبوع

((طبعا انا مش قصدى اتدخل فى الادارة بس دة رايى وانا اسف للادارة ان كنت عقبت ع الحكم))

وفى الاخر ياريت المنتدى ينضف تماما من الشتيمة والكلام دة
عشان بكدة دولا بيضروا المنتدى اكتر ما بيفدوه
مها كانت فعاليتهم او مشاركتهم فلازم يتحذروا نهائى

[| Silent Guardian ●]

و الله هو كلام محمد امين كويس من ناحية انهم هما الاتنين غلطوا و انها بعتت ليا اللينك فكان لازم تستنى
بس هي بعتت اللينك ليا قبل ما حسام يغلط في اخر مشاركتين
و انا مكنتش موجود
اما بخصوص المواضيع الشخصية .. فمش هقدر اعلق عليها
و بخصوص ان حسام جه في الرجلين ... فهو فعلا جه في الرجلين , بس دي مسئوليته هو ان كان سمع كلام حد
او كان بيكتب على لسان حد تاني
عشان الحوار كان مفقوس اصلا!
اما بخصوص غلطها في الاهل .. فزي ما رديت على جاسر
انا مش شايف ان فيها حاجة لما حد يقول لحد اركب الحنطور
امينة قعدت تقول اركب الحنطور درجن درجن محدش كلمها
و اخر حاجة بخصوص ان الاتنين ياخدوا نفس العقاب

حسام عامل 6 مخالفات في التوبيك ده
نرمين عاملة 3 مخالفات
و الاحكام فيها بتتراوح! من كذا الا كذا
و اللي حصل ان في ناس اخدت اقل الاحكام , و في ناس اخدت الاحكام القصوى .. و دي بترجع ليهم
و فعلا اللي يشوف الحوار من الاول و ابتدى ازاي
و مين بيستفز مين
و مين بيعمل ايه
يلاقي ان الحكم كده مظبوط