نصايح جامدة طحن للشباب, النصف الاول من الموضوع ممنوع للبنات والعكس فى النصف الاخر

[| Nadooosh ●]

نصائح للولاد لزوم تظبيط البنات
أولا : البنت بتحب الولد التقيل
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش
تسوق
طلع
رخصه..... مطلعتش....اضرب رخصه

ثانيا : البنت بتحب الولد الغنى
ارسم عليها انك غنى
اشتغلها.. هو انت يعنى لاقى شغل يا فاشل اشتغلها


واعملها شغلانتك.

ثالثا : البنت بتحب الولد الى ماتفهموش

خليك متخلف فى اسلوبك وطريقتك
معاها خليك اهبل فى كلامك
ماتديهاش كلمه
مفيده ابدا تفهمها منك وان فهمت كلمه منك
ارجع قولها عكسها خليها تتهبل ولا تفهمش حاجه
خالص

رابعا : البنت بتحب الولد الكداب

افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.

خامسا :البنت بتحب الولد الحبوب المحبوب

استخف نفسك وخليك كده فريش طول الوقت وغلس على كل خلق الله
وهزر فى اى وقت وبداعى ومن غير حسسها ان كل الناس بتحبك تهزر معاهم.

سادسا : البنت بتحب الولد الى مش راجل
خليك ناعم كده وبسكوته وحساس اوى خالص جدا موت عالاخر ياى حس شويه


سابعا :البنت بتحب الولد الى يفهمها انها احلى بنت

اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الى حلوه وهى بس الى يتبصلها
لان البنت لازم تحس انها احلى واحده لان ماعندهاش عقل يفهم
ان ربنا فضل الناس على بعض فى خلقها واشكالها.

ثامنا : البنت تموت فى الولد الى شكله فانكى

البس لبس غبى ....لازم تسقط البنطلون
البس تيشيرتات مرسوم عليها فران و************ ******** و************ ********
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون
طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول
لو عمر دياب مره حلق حواجبه اوع تتردد اديها حواجب قرعه
علطول.

تاسعا : البنت بتحب الولد التافه

اتكلم ع التمثيليات وبرامج التليفزيون والاغانى الجديده
والفيديو
كليبات و والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفو
موهبتك وهيخلوك تغنى فى برنامج مواقف وطرائف ال************ ********* ********* *****

عاشرا : البنت تحب الولد الى بيحب غيرها.

عمرك سمعت عن بنت حبت واحد
بيحبها
لاء
طيب خد النصيحه دى.. اهم نصيحه وسر نجاح اى علاقه باى
بنت
البنت ماتحبش اى واحد يحبها.. وتحب اى واحد تكون هى
ولا
على
باله ..طنشها واركنها ولا تحسسها انها بنى ادمه
واهم حاجه الكلام
الى فات ده كله شرط انك تعمله مع
اكتر من بنت ويستحب
يكونو خمس بنات او من مضاعفات العدد خمسه
لان ده الرقم الى بيمنع الحسد والنقص فى النسوان .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار
ولا اى شحاته
((نوع كده وخليك واد كووووووول))
النتيـــــــــــجــة
هتعلق نص بنات الدنيا والنص التانى هيعلقو واحد تانى قرا
نفس الموضوع ولو
أنت و هو اتفقتو سوا ممكن تبقو تبادلومع بعض النص بتاعك
والنص بتاعه لو كل واحد اتخنق من النص بتاعه
طبعا هتسأل وباقى شبان الدنيا
يابنى دول خلاص ندهتهم النداهه كلهم كمنشات ومعظمهم مضحوك عليه
وعايش فى وهم معيشاه فيه بنت قرت الموضوع الى جاى ده .

الولد بيحب البنت اللى

أولا : الولد بيحب البنت الرقيقة

رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل
على الاحساس المرهف . أوائى له ..
نكدى عليه الليلة

ثانيا الولد بيحب البنت الرومانسية

اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى
وشوشة

ثالثا : الولد بيحب البنت المؤدبه

قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل style

كل ما تشوفى حاجه جديدة قلديها . يقولوا الموضه الشعر الاصفر
اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه
الموضه اختارى لك واحدة معينة او مذيعة و
قلديها .. خليكى نسخة منها .

خامسا :الولد بيحب البنت الدلوعة

ادلعى ياختى انت و هى . ما تبقوش مسترجلين نفسكو كده .

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى
مدوخاهم
بسحرك
و جمالك .

سابعا :الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها
دى احلى عضلات شفتها فى حياتى .
يا سلام !! ايه الشيا كة دى كلها . انت أشيك ولد شفته فى حياتى .
مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه
و طول مانتى قاعده اشكرى فيه خليه كده قاعد نافش ريشه . و فرحان
بنفسه .
ثامنا : اتمحكى فيه خليكى دايما معاه

كل شويه كلميه فى التليفون بأى حجة . قابليه فى كل حته يروحها
إعملى عليه كماشة . بحيث مايعرفش يفلفص منك
و لا يشوفش غيرك ادامه . روحى له الشغل

تاسعا عددى مواهبك

اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده .
وبلون البيض المسلوق .

عاشرا : رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن
النتيـــــــــــجــة
لو الولد وقع فى دباديبك و قال عاوز يرتبط بيكى : اوعى تقولى ايوه !
لااااا .. اتقلى شوية . اعملى نفسك يتفكرى .. سهريه ..
لوعيه
بهدليه .. لكن ماتتقليش العيار ليطير منك .
لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 10مع ولد تانى بعد
جمع المعلومات اللازمة عنه

وربنا يقدم الى فيه الخير
موبايلات بقى

[| Silent Guardian ●]

هههههههههههههههههههههه
موضوع طويل لكن لذييييييييييييييييييييييذ
يا ريت كل الاولاد والبنات ياخدوا بنصايح اختهم Mintoosa
هي ناقصة يا mintosa?? مش كفاية اللي بنشوفه كل يوم في الجامعة؟
هههههههههههههههههههههههه
بس موضوع جامد قوي يا mintossa
و ربنا ميحرمش المنتدى منك

[| Nadooosh ●]

thnx ya man
we 5aly el sha3b ye3esh

[● TiTaNiC LoVeR ●]

هههههههههههههههه
حلوه منك يا منتوسه
بتفكرينى بتامر حسنىفى فيلم سيد العاطفى لما كان بيدى درس للشباب والبنات
مشكووووووووووور على موضوعك

[Spider GirL(•'.'•)]

شكرا يا منتوسة على النصايح المدمرة دى المهم بقى انا عايزاكى تنفذى الجزء الخاص بالبنات وانا هراقبك وشوف النتيجة لو كويسة ممكن اعملها
وبقول لكل الاعضاء اول ما منتوسة تنفذ التعليمات دى هجيب لكم الاخبار والنتيجة النهائية كمان عشان تنفذوا النصايح وانتو مطمئنين

[فارس الرومانسيه]

الف شكر ممكن اروح اغنى تحت البلكونه
زى تامر حسنى واضرب مش مشكله كله فى سبيله

[ReRe]

هههههههههههههههههههه

انتي كده بس جباااااااااااااااااااااره


والله يا منتوسه انا عارفه ان نيتك خير وتهدفي لتنمية الموارد ال......................

[| Nadooosh ●]

[quote=ReRe;26109]هههههههههههههههههههه

انتي كده بس جباااااااااااااااااااااره


والله يا منتوسه انا عارفه ان نيتك خير وتهدفي لتنمية الموارد ال......................[/quot

ههههههههههههههه
اهم حاجة انك فهمتى نيتى وكلة للة وللوطن
احنا مبناخدش حاجة معانا كلة على اللة
ولادايم غير وجة اللة
نورتى يا قمررررررررررر
ربنا مايحرمنى من ردودك

[Hegazy]

جبااااااااااااااااااره وانا بقول من زمان اتقى شر كل من اقترب من الارض

بجد انا همشى على نصايحك انتى عارفين اعز اللطيف و اقدره واحطه فى عنيا كمان

[| Nadooosh ●]

شكرا ياحجة على ردك
واهم حاجة انك تستفيد
وكلة على الله
شكرررررررررا يا مان