تقرير كامل عن يوم فكك مني لليتيم 2010

[| Silent Guardian ●]

بصوا يا جدعان
انا مش هتكلم عن الحفلة
كل اللي هقوله ان صحيح اليوم مكنش مرتب نهائيا
و ان اليوم كان ماشي بالبركة
لكن الحمدلله عدى على خير
و الناس كانت مبسوطة
انا هستنى الناس اللي حضرت هي اللي تتكلم عن اليوم
يا الله ورونا مشاركتكم

[| Nadooosh ●]

انا هحجز المشاركة دى لحد ما راجع تانى وارد

اما كان حتة يوم ابن لذينة وبجد مش عايزة اسمع حد بيقول ان اليوم ماكنش مترتب

المفاجاة بقى الى محدش يعرفها ان اليوم نجح عشان مكانش مترتب

وعلى لسان الاطفال
اقسم بالله الى اتقالى فعلا انها اجمل خروجة خرجوها عشان مكانوش متقيدين ببرامج مضطرين غصب عنهم انهم يشوفوها
وهما كانوا براحتهم والجو كان لذيذ واحنا كنا بنتعامل معاهم حلو ودى حاجة عجبتهم قوى عشان قارنوا بيننا وبين ناس تانية بردة جابوهم نفس النادى


انتوا مش متخيلين اانا كنت طايرة ازاى لما سمعت الجملة دى

الحمدلله كان يوم تحفة ومن غير غلطات ومين قال انة مكنش مترتب

وهو التوتيب من وجهة نظركوا يبقى عامل ازاى

احنا خاريجن مكان مفتوح خضرة وملاعب ومراجيح يعنى كل واحد لازم يعمل الى يريحة ويبسطة يعنى لازم ننطلق واحنا خارجين عشان نبسطهم والحمدلله وصلنا للهدف الى عملنا اليوم عشانة

انا بشكر كل الى تعبوا معانا وكل الى شاركوا واتمنى ان الناس تكون اتبسطت وكان يوم خفيف على الكل


اسفة جدا للناس الى كانت جعانة انا بجد مكنتش عارفة احل المشكلة دى

يلا بقى سامحونى والله كان غصب عنى

[| Mannora ●]

راحه الكليه دلوقتى عندى سكشن ومش هالحق

الى عوده ان شاء الله مساحه محجوزه

[A-S-O]

على فكرة هو بالنسبة لان اليوم مش كان مرتبلة كويس من البداية فهو كدة فوق الممتاز
و الحمد لله على كل حال
و كمان
يا ريت لو فى مرة جاية يكون مرتبلة برنامج كااااامل على الاقل قبلها باسبوع
علشان يبقى كل حاجة معمول حسابها
و انا طبعا مش عندى خبرة اوى ف مش اقدر احكم على الموضوع كويس
و تحياتى و تقبل مرورى

[| Silent Guardian ●]

[| Amino2 ●]

طبعا ياشومان مدام انت معانا الحكايه مفيهاش ترتيب وسبحان الله بيبقى يوم جميل جدا
اجمل مافيه انى اتعرفت على ناس مكنتش اعرفهم اوى فعرفتهم واناس مكنتش اعرفهم خالص وعرفتهم وطبعا شعراء وملحنين ومطربين لا بجد كان يوم تحفه
وطبعا بالنسبه للاكل فاده كانت حاجه ضروريه فى اخر اليوم لانى كنت فصلت
بس انت تعرف رغم انه مش مترتب بس مشى حلو ليه وبصراحه
عشان الناس كلها كانوا عاوزين ينبسطوا ويبطلعوه يوم كويس فكل واحد عمل اللى عنده الا انت عملت اللى عندك وعند بتاع خمسه سته معاك
بتجيب صحه منين ياراجل للكوميديا دى كلها
بصراحه انا اتبسطت جدا رغم ان الاطفال دول كانوا متعبين جدا
المهم الحمدلله يوم جميل وكويس وانا عندى صور وفيديوهات لليوم كله من اوله لاخره بس بصراحه مش عارف متردد انى ارفعها
بص انا هديهالك وانت ظبت الدنيا بقى
وانشاء الله تتكرر قريب

[الهضبــــــــــــــــــه]

كان يوم جميل جدا رغم ان انا ماتكلمتش مع حد غير اللي اعرفهم بس ...بس كان بوم جميل وانا انبسطت فيه جدا ويارت يتكرر

[| please smile ●]

كان نفسى اجى معاكوا بجد
بس للاسف انا فيش وقت عشان ابص ورايا
بقت كل حياتى مذاكرة فى مذاكرة ويمكن دة سبب ان دخولى على المنتدى قليل
بس اكيد مادام الواد امين الكبير والصغير راحوا معاكوا هيبقى يوم جميل
جزكم الله خيرا

[● Moataz FoKak Meny Shoman ●]

هما كلمتين بس
ربنا ستر

[| Tears Of The Moon ●]

اليوم كان جامد
وانا اتبسطت اوى
الواحد كان مقضيها
واحلى فقرة فقرة الغنا
والتهييس كان جااااااااااااااااااامد
بس ده ما يمنعش انى ما عرفتش اخد راحتــى برضو
ولا ايه يا هضبة انت وجاسر وابو امين
ليا عودة ان شاء الله