تعرف منين ان الفيلم عربى

[مواطن مصرى]

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأه انة يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )

عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )

عندما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )

عندما تقول البطله للبطل انها حامل فيرد البطل على طول .. اللي في
بطنك ده لازم ينزل
( غالبا بيكون يوسف شعبان )


عندما تفاجئ باغنيه مالهاش أي لزمه في نص الفيلم مش عارف اية العلاقه بين
الاغنية والفيلم

عندما تسمع عباره البوليس الشهيره فى كل فيلم
( مفيش جريمة كاملة وانت فاكر انك هتهرب من البوليس بعملتك دي )

عندما يسكر البطل فتجدة يصب كوب ممتلئ علي اخره
( بيسكر بعصير قصب )

عندما يكتشف الزوج الخيانه مصادفه لانه نسي شيئا فعاد الي البيت
وفي الدقائق القليلة يكون العشيق قد وصل للمنزل وقلع هدومه واصبح في
الفراش مستعد لتصوير الفضيحه

عندما يخرج الطبيب من غرفة العمليات يرد بجملتة الشهيره
احنا ضحينا بالاب والام والجنين علشان راحه الدكتور

عندما يجلس البطل والبطله في نفس الكازينو بتاع كل فيلم اللي في
وش ماسبيرو
ويطلبوا نفس العصير اللي في كل الافلام
( تانج او ميراندا )
ويخلص المشهد من غير ما حد يشرب حاجة علشان هيتصور بالمشاريب دى فيلم
تاني

عندما يصاب البطل بطلق ناري في قلبه وتنزف الدماء من بطنه زي صلصلة
الكشري
ويظل يتحدث بطلاقه وتركيز لمدة خمس دقائق
يقوم خلالها بفك لغز الفيلم والاعلان عن القاتل الحقيقي او البطل
يبقي ابن مين

عندما تتناول الابنة الفطار وهيا واقفة وبتاخد لقم سريعة فتقولها
الوالدة ما تفطري يابنتي كويس
تقولها لا علشان الحق المحاضرة وتبوسها وتمشي فتنظر الوالدة الي
الوالد ويبدأن في الدعاء

عندما تغير حرب اكتوبر اخلاق كل المنحرفين الموظف المرتشي والراقصه
والجاره
اللعوب والبلطجي والمجرم بطبعه

عندما تجد مقر العصابة ملئ بالقش والبراميل الخشبية
التي تستخدم لاحقا في المعركة بين افراد العصابة مع البطل وصديقه
الذين جائوا لانقاذ البطلة

عندما تشاهد فيلم اغراء بطولة ممثلة فوق الستين
( تقريبا نادية الجندي)

ولما يكون من اول الفيلم خالص البطل ملوش الا اخت بس
وبعد صراع و ضرب واكشن يقول الضابط للبطل
قدامي عشان انت مطلوب للتجنيد

عندما ينجح الفيلم دة وينتصر الحب وتتزوج البطلة بنت العائلة الكريمة
من البطل البيئة
ويعيشوا في تبات ونبات ويخلفوا صبيان وبنات

وطبعا ما ننساش بوسة اخر كل فيلم
لازم طبعا البطل يبوس البطلة وبعدين البطلة تقفل الباب أو تنزل
الستارة
بتتكسف يعني

[Messi]

ههههههههههههههههههههههههه ههههههههه
شكرااااااااااااااااااااا يا حوده يا نجم الله ينور عليك

[● TiTaNiC LoVeR ●]

شكرا يا مواطن على الموضوع الجامد ده

[مواطن مصرى]

شكرا ياميسسى لمروك وتعقيبك
خالص شكرى وتقديرى

[مواطن مصرى]

شكرا تيتانيك لمرورك وردك خالص تقديرى

[Spider GirL(•'.'•)]

ههههههههههههه
جامدة جدا بس نسيت تضيف الملل الذي يصيب المشاهد من اول مشهد لانه بيتوقع باقى الفيلم وفى بيكون توقعه صح
شكرا مصراوى على الموضوع

[مواطن مصرى]

أووووووووووووف فاتتتنى دى ياسبايدر معلش عندى دى المرادى
ههههههههههههه
شكرا لمرورك وتعقيبك