هام جدا لمنع سرقة صور البنات من على موبايلاتهم

[Designer Mekano]

هام جدا لكل البنات

فى احد محلات بيع وشراء الكمبيوتر سمعت هذا الحوار

الذى اصابنى بالرعب والدهشة..لانعدام الاخلاق....

واحد بيكلم صاحب المحل...ما اشتريتش الموبايل من الراجل اللى خرج

ليه ..واشتريت موبايل البنت مع ان موبايله احسن كتير...

قال له البنت لما بتشترى الموبايل بتهرى نفسها تصوير

قال طيب ماهى بتحذف كل حاجة لما تيجى تبيع الموبايل..

فرد عليه اه هى بتعتقد ان كل الملفات اتحذفت..لكن احنا بنستخدم

برنامج اسمه.back2life

والبرنامج دة بيسترجع كل الملفات المحذوفة فى الممورى وفى التليفون .

.قاله انت بس اللى بتعمل كدة

رد عيه انت عايش فين كل اصحاب المحلات بيعملوا كدة..

وممكن ينزلوا الصور على النت ......

انا حبيت اقول لكم الموضوع دة لانى حسيت بمدى خطورته على البنات

اللى نيتها سليمة..وييجى حظها فى واحد زى دة.

.وتصبح ضحية لانسان بلا ضمير

اللهم احفظنا مافيش حد ليه امان....اللهم بلغت اللهم فاشهد


منقوووووووووووووووووول ياجماااااااااعة

[| Silent Guardian ●]

شكرا Designer Meckano
الصراحة الخبر ده غريب شوية , لان قبل كده في ملفات ليا على الميموري بتاعتي مسحتها بالغلط و معرفتش ارجعها باي برنامج
شخصيا مجربتش back2life ده
نفس المشكلة كانت بتقابلني لما كنت ببيع الهارد بتاعي القديم
و بخاف على حاجاتي الخاصة اللي فيه
الفكرة في عملية استرجاع المحذوف من الهارد او الميموري , ان لما بتم عملية الحذف , بيتمسح عناوين الملفات بس مش الملفات نفسها
يعني بمسح عنوان الملف , لكن الداتا بتاعته بتكون موجودة ( و عشان مش معايا عنوانه مبيظهرش و مبعرفش اتعامل معاه كأنه محذوف بالكامل )
و عشان كده لو نلاحظ نلاحظ ان عملية المسح بتكون اسرع عملية بيقوم بيها الكمبيوتر ( ده عشان مبياخدش الوقت اللي بيحتاجه في نقل الداتا بتاعت الملفات , هو بس بيمسح عنوانها )
و الحل بقى
الحل ده مليون في المية شغال على اي وسط تخزيني ( هارد او ميموري او حتى ديسك )
(ملحوظة : الاسطوانة السي دي مبيتمسحش اللي عليها و حلها انك تكسرها )
الحل هو انك تعمل كوبي لاي ملفات عندك على الجهاز
اي ملفات
يستحسن تكون مساحتها كبيرة
و تقعد تنسخ الملفات دي لحد ما الميموري يتملى تمامااااااااااااااا
تماما يعني ميبقاش فيه الا 100 كيلو بايت بس اللي فاضيين مثلا!
( 100 كيلو بايت =0.1 ميجا يعني اقل من مساحة صورة)
و بعد كده ادي الميموري بتاعك او الحاجة بتاعتك لاي حد و انت مطمن
لان الداتا القديمة مش بس اتمسحت عنوانها , لا دي كمان اتحط مكانها داتا تانية و بيبقى استحالة استرجاعها

شكرا ميكانو على التنبيه , و ان شاء الله الحل يفيد اخواتنا البنات

[| Amino2 ●]

انت عندك خق بس فى حاجه ياميكانو
دلوقتى انت بتتكلم على البنات وخايف عليهم انا اعرف انك تقصد البنات الكويسه بس برضه فى بنات كتير اصلا هى اللى بتحط صورها
يعنى مثلا الفيس بوك او الياهو ماهو هما اللى بيحطوا صورها واحنا سهل جدا ننزلها عندنا ونعمل بيها اى حاجه
يعنى مش حكايه الموبايل اوى هى اللى مشكله
لكن انت صح بس بناتنا لازم تاخد بالها بجد وخصوصا الفيس زفت ده
اما بالنسبه للى بتقولوه على مسح الداتا وكده فلاء مهما مسحت من الهارد تقدر ترجع كل حاجه ببرنامج اسنه recover ده عندى وجربت بيه حاجات كتير
يعنى ممكن الهارد مليان ارجع الحاجه على هارد تانى او فلاشه
هو الحل فعلا ان لاما البت بايعه القضيه وعاوزه الكل يشوف صورها لاما مش عاوزه كده وبالتالى متحطش صورها فى اى مكان
ولو هتبيع الموبايل بلاش تبيع الميمورى ياسيدى مش هتيجى من العشرين جنيه دول يعنى
شكرا ليك

[Spider GirL(•'.'•)]

شكرا ميكانو ع التنبيه
ربنا يستر