مــــمـــكـــــن نــتــغيـــر ولا خـــلاص مــفـــيــش امـــل؟؟

[● TiTaNiC LoVeR ●]

حاليا فى مصر مفيش اكثر من المشاكل
المشاكل كتير

احنا شعب من اكسل شعوب العالم بيحكموا حكومة لا تعرف كيف يعيش الشعب الغلبان
ومع ذلك الحكومة تتميز بميزة رائعة وهى قادرة على التحكم فى عدم انفلات اعصاب هذا الشعب الغلبان
و لولا هذه الميزه لقامت ثورة كبيرة تنتهى باخذ كل حقوق المواطن الغلبان ومع ذلك لا اتوقع حدوث ثورة لانى كما قلت الشعب كسلان وديما نايم
وكمان مع هذا النوم الى الشعب نايموا سهل جدا الحكومة تشغل بالنا بماتش كورة سهل جدا تخلينا نخسر شعب عربى مسلم زي الجزائر سهل جدا تخلينا نشغل بالنا بقضية زي سوزان تميم وطلعت مصطفى حجات كتير ممكن الحكومة تعملها عشان تشغل بالنا

سيبنا من الكلام الى فات عن الحكومة لان لو اتكلمنا على الحكومة الكلام مش هينتهى وانا مش عاوز اطول عليكم عشان متاكد انكم هتزقوا من الكلام الكتير
******************
هنتكلم عن الشعب يمكن لو الشعب اتغير الحكومة تتغير او احنا تبدا التغير بنفسنا

زي ما عند الشعب المصرى
التدين.. الكرم.. الشهامة.. الطيبة .. حب التميز .. خفة الروح .. احترام الكبير .. الصبر _أهم حاجة الصبر ده وخصوصا بكل اللي بيحصل دلوقتي _ وحب الخير .

وبنفس الوقت عندنا فلسفة الفهلوة .. السلبية .. عدم احترام الوقت .. ضعف الطموح .. الافتقاد للجدية .. التطفل ... الكذب - عدم النظام

انا مش بتكلم على جميع الشعب المصرى بس بتكلم على نسبة كبيرة اوى منوا


انا عن نفسى هتكلم عن حجات اتمنى انها تتغير

مثلا زي المترو
وده مثال بسيط بيوضح قد ايه الشعب المصرى عنيد جدا ومش عاوز يتغير

وطبعا قعدت اتفرج على الى بيحصل
شوفت الى طالع من المترو والى نازل من المترو قبل ما الباب يفتح والمجموعتين طبعا بيبصوا لبعض وكانهم دخلين حرب وتاتى اللحظة لما الباب يتفتح تلاقى

تبادل الأدوار وتبادل الآراء تسمع هذه العبارة "يا جماعة المفروض اللي طالع يستنى اللي نازل"..وفي المشهد الحالي تسمع نفس الشخص يؤكد "يا جماعة مش معقول..لازم اللي نازل يستنى اللي طالع".
عندنا للأسف مصلحة الفرد هي اللي بتحدد آراءه ومواقفه..وده بيحصل على كل المستويات للأسف.

المشكلة رغم أنها معقدة جدا إلا أن الإدارة نجحت في اكتشاف حل عبقري.. فمن حسن الحظ أن عربة المترو في القاهرة تتميز بأنها موجود فيها أربعة أبواب ، وبالتالي تقرر تخصيص بابين للنزول وبابين للصعود.
وبقى التحدي هو كيفية إقناع المواطن بأن يصعد من هذا الباب وينزل من ذلك الباب.. المهمة بدت في البداية مستحيلة.. فمنذ ما يقرب من خمس سنوات والمواطن يسمع عن خرافة أبواب الصعود والنزول في المترو.. وفشلت كل الجهود في إقناعه بأنها حقيقة
ممكن حد يقولى ان مثال المترو و مش ده الى هيغير الشعب لا احب اقلك لو اتعلمنا النظام فى المترو هنلاقى نفسا منظمين فى حجات كتير ما هو لازم نبدا

انا نفسى اشوف الشخص الى فى الشارع الى معاه ورقة وعاوز يرميها ومفيش قداموا صندوق قمامة فيحتفظ بالورقة فى ايدوا لحد ما يلاقى صندوق
طبعا صعب تلاقى الشخص ده ولو عملت كده وانت معاك صحابك اكيد هتكون تريقتهم

انا نفسى اشوف الشاب في الشارع ويشوف بنت لبسه لبس متحرر شوية فيمتنع عن معاكستها.. طبعا مش هتلاقى ولو فيه شاب كده صحابوا يقولولوا أن البنت ديه عايزه كده وهى بتشعر بسعادة لما اى شاب فينا يضاقيها

وفى حاجة تانية طبعا الكل بيشوفها اتنين شباب صحاب لازم عشان يثبتوا انهم بيحبوا بعض جدا لما يقابلوا بعض لازم السلام يكون بشتيمة الاب والام وطبعا الحكاية ديه منتشرة جدا وصعب تغيرها
-------------------------
انا لو فضلت اتكلم على عيوب الشعب المصري الى احنا وصلنا ليها مش هخلص
انا هسبكوا انت تعلقوا
وعاوز اى حد شاف موقف مش عاجبوا وبيحصل فى مصر يكتبوا يمكن لما نجمع المواقف الغلط الى بتحصل تكون حل ان بلدنا تتحسن

منقوووووووووووووووول

[Spider GirL(•'.'•)]

عيوبنا كتيييييييييير اوى
لكن احنا السبب فى معظمها
حتى الحكومة بكل افعالها احنا السبب فى دة بضعفنا وكسلنا زى ما انت قلت
وتفاهتنا كمان
بنهتم اوى بماتش كورة ( مش غلط لكن بنديله اهيمة زيادة اوى )

الكارثة دلوقت بجد هى العنف
العنف والبلطجة بقوا شئ لا يحتمل

[| Nadooosh ●]

عدم الامان يا شريف

دى اكتر مشكلة بحسها موجودة الايام دى

انا بقيت اخاف امشى فى اى وقت وفى اى مكان مبقاش فى اامان ومفيش بنت بتسلم من الشباب الى ماشى فى الشارع
انا عن نفسى مبقيتش بحب انزل من البيت عدم الامان دة سبب من الاسباب لعدم نزولى وبقيت بنزل للضرورى

[| Amino2 ●]

من غير ماقرا الموضوع اكيد فيه
التخلف البلطجه الغش الكسل الخداع التلوث الهبل بتاع الشباب الانحراف وهكذا كثيرا
فطبعا كل حاجه من دى عاوزه موضوع المهم ياسيدى انا اقدر اقولك بقى من وجهه نظرى المتواضعه مفيش حاجه هتتغير واللى مش عاجبه .........
انما يحصل حاجه وخصوصا الفتره دى اشك
فى ظل عدم الاطمئنان اللى احنا فيه ده
ده احنا دايما كنا بنقول ايه مصر بلد الامن والامان
دلوقتى بقيت مصر بلد البانجو والنسوان
يعنى بصراحه حاجه اخر نيله خالص
يالا ربنا معانا