عميد طب الزقازيق استقال لرفضه تغيير نتيجة ابنة رئيس الجامعة

[| Silent Guardian ●]

قبل اي كلمة
الخبر على مسئولية مصراوي

القاهرة - قدم عدد من الأساتذة في كلية الطب جامعة الزقازيق، مذكرة إلي الدكتور ماهر الدمياطي، رئيس الجامعة طالبوا فيها بإعادة عميد الكلية الدكتور عصام نور الدين، الذي تقدم باستقالته بعد خلافات مع الأساتذة بسبب تغيير نتيجة ابنة رئيس الجامعة، الطالبة في الفرقة الثالثة في الكلية.
كان العميد قد تعرض إلي ضغوط لتغيير ترتيب الطالبة ندي ماهر الدمياطي من المركز 154 إلي المركز الأول، وهو الترتيب الذي حصلت عليه في الفرقتين الأولي والثانية.
وأكد عدد من الأساتذة أن عميد الكلية غير عدداً من أعضاء الكنترول، بسبب انتشار شائعات حول حرص الأساتذة علي منح ندي المركز الأول، وأدي التغيير إلي حصولها علي هذا الترتيب المتأخر، وعندما حدثت خلافات بين العميد وعدد من الأساتذة الذين كانوا يريدون مجاملة رئيس الجامعة، قدم العميد استقالته، بدعوي سفره إلي العمل في السعودية، حسبما ذكرت جريدة المصري اليوم.
من جانبه، نفي الدكتور ماهر الدمياطي، رئيس الجامعة، هذه الأحداث، مشيراً إلي أن ابنته تفوقت في الفرقتين الأولي والثانية وخانها الحظ في الفرقة الثالثة.
علي جانب آخر، عقد مجلس كلية الطب اجتماعاً طارئاً قبل فيه استقالة العميد، بعد تكليف رئيس الجامعة الدكتور سعد العش بمهام عمادة الكلية لحين صدور قرار رسمي بتعيينه.

[*star_alone*]

والله يا مصطفى الواحد مش عارف يفرح من موقف العميد ولا يزعل من موقف الدكاتره اللى عاوزين يجاملو رئيس الجامعه
الجامعه عندنا بقت كوسه اصلى ولما واحد ظهر ضد الكوسه للاسف انسحب لان الكوسه بقت كتيره ومحدش قادر عليها

ربنا يرحمنا بقى من الفساد والمحسوبيه اللى ظلمو ناس كتير وضيعو حقوق ناس كتير

[..●●آه...لو●●..]

معنديش كلام اقوله غير كلام استاذنا العملاق صلاح جاهين:
"لو كان نهر النيل صلصله مش هيكفي الكوسه في مصر....."

[| سندباد ●]

حسبى الله ونعم الوكيل
هو طبعا كان أحسن عميد عدى ع الكلية
بس كويس انه عمل كده عشان يلفت انتباه الناس للى بيحصل عندنا
استحالة يتعوض د / عصام


تقبل مرورى

[| Silent Guardian ●]

شكرا يا جماعة على المرور

[| المقصرة في حق الله ●]

مش ممكن تكون البنت فعلا متفوقة الله اعلم

[eng.smooth]

حسبي الله ونعم الوكيل

[ARMA]

ياجماعة ماتستغربوش الظلم والوساطة واللى معاه فلوس بقى هو القانون السائد في مصر دلوقتى مش في الجامعة بس ولكن فى كل حاجة....... وربنا على الظالم والمفتري.... ولك يوم ياظالم.... والحق عمره مابيضيع...... وان الله يمهل ولا يهمل

[Spider GirL(•'.'•)]

انا بقى ضد موقف العميد هو صح طب لية ينسحب ويقدم استقالته
كان لازم يواجه الموقف باصرار مش يهرب

[| Silent Guardian ●]

شكرا على مرورك يا Arma

مهو بكده وقف في وش الموقف يا سبايدر
عشان لو ماستقالش هيرفدوه
ايهما افضل بالنسبة ليكي؟