مساعده اخويه ضروريه

[| Bugs Bunny ●]

ضرورى جدا

يا جماعه اللى عنده فكره حلوه تنفع تكون فيلم تسجيلى يقولى ضرورى بالفكره انا محتاجه فكره جدا اليومين دول ، الفيلم التسجيلى ده يعنى هنصور حاجه واقعيه من الشارع او من اى مكان يعنى
انا محتاجاه للمشروع بتعنا احنا كنا قولنا كذا فكره بس منفعوش و بعد ما استقرانا على فكره خلاص و قولنا نعملها اسكربت لقينا ان نقصها حاجات كتيييير و مش هتنفع بردو
انا هشرح بردو احنا عايزيين فكره عباره عن ايه او زى ايه
الفيلم التسجيلى اولا لازم يكون كله واقعى و مفيش حاجه دراميه او مصطنعه يعنى و طبعا الناس اللى هتكون فيه ناس عاديه مش ممثليين
يعنى مثلا فيلم عن التشرد الاطفالى او عن مستشفى 57357 او عن الايتام او كده يعنى بس دى افكار مكرره و معموله كتييير قبل كده
و فى افكار كانت على النت زى مثلا عن تفريغ الطاقات و ان كل واحد مختلف عن التانى فى تفريغ الطاقه بتعته يعنى فى ناس بتكون عن طريق الرسم فى ناس تانيه عن طريق اليوجا و كده يعنى و فى فيلم تانى كان عن القنابل الموقوته و هى غلاء الاسعار و الفقر الموجود فى مصر و فى حاجات تانيه بس بردو دول خلاص اتعملوا
و الدكتور بتعنا كان قايل لنا عن فيلم فكرته حلوه اوى عن الجزم و ان لكل جزمه نوع و كل واحد بيلبس الجزمه اللى تتناسب معاه و اكيد طوول الفيلم الصوره كانت على الجزم بس
الفكره دى كانت عجبانى موووت لانها غريبه و جديده بس اكيد مش ينفع نعملها عشان خلاص اتعملت
فى افكار كنت قولتها للبنات بس مش هنعرف نعملها صح و بردو مش اتوافق عليها اوى زى دار المسنين او اللقطاء او مستشفى الامراض النفسيه او عن القهاوى و انها كانت للشعراء و المثقفين الاول و دلوقتى هى للعواطليه و فى حاجات تانيه بس بردو زيهم يعنى
و الفكره بتعتنا اللى كنا خلاص هنعملها عن حلمنا لبكره و ان احنا عايزينه يبقا ازاى بس فى حاجات فى الفكره دى مش هينفع تتعمل فقولنا هنغيرها
انا عرفه انى طولت عليكم اوى بس يا ريت اللى عنده فكره حلوه و غريبه يقولى بسرعه عشان نلحق نعمل
انا بقالى اسبوعين و اكتر بفكر لحد ما ورمت دماغى
احنا المفروض نكون بدأنا من زمان بس عشان الفكره اتغيرت فخدنا وقت
المفروض يوم السبت نبدأ من تانى
يلااا سلام و مستنيه افكاركم عشان انا دماغى خلاص وجعتى من المشروع ده اللى مش عارفيين هنبدأ امته اصلا

[Spider GirL(•'.'•)]

اعملى عن منتخب مصر
لا بجد بقا
بس انا افكارى مش مجنونة يعنى بس هقولك حاجة كنت نفسى اعملها
اعملى مثلا عن الدراسة الجامعية وارتاطها بمجال العمل وإذا كانت الدراسة الجامعية كافية للمتطلبات العمل ولا لاء

بصى انا هفكر تانى وهرجع لك

[| MonyanA ●]

اعملى عن ملامح الوجوه
يعنى مع اختلاف البشر تختلف الملامح
فهناك الابيض والقمحى والاسمر
ومع اختلاف الملامح تختلف الشخصيات
تختلف التعبيرات
وتختلف التصرفات
حاجات زى كدا يعنى
كل الفيلم طبعا هيكون على الوجوه
بس كدا
دى فكرتى دلوقتى
ممكن ارجع تانى
ربنا معاكى

[!..!]

ربنا معاكوا ويوفقوا للي فيه الخير

فكرتوا في ذوي الإحتياجات الخاصة ؟؟

(ذوي الإعاقة) .. يمكن دول فعلا اللي ضايعين ومنسيين في مجتمعنا !!

..

[| Bugs Bunny ●]

شكرا يا جماعه كتيييييير جدا على المساعده ربنا ميحرمنيش منكم ابدا
فكره امانى حلوه بس لو اتعملت هتكون قريبه من الريبورتاج اكتر من انه يكون فيلم تسجيلى بس هشوفها تانى بردو
و فكره مونيانا حلوه اوى و تنفع هحاول اعمل لها اسكربت دلوقتى و هشوفها هتنفع للاخر و لا لاء
فكره وهم اكيد طبعا حلوه بس معموله كتير بردو ده غير ان فى مجموعه هتعملها خلاص

[..●●آه...لو●●..]

اعملي فكره عن الانتماء للوطن
حد مسافر ومش بيحب البلد وحد مش لاقي شغل ومتفائل مثلا ويكبر عشان يكبر بلدو معاه اللي هيا مصر طبعا
وممكن نقول لوجو "البل دي بلدنا...ومصر هيا احنا "
.................................................. .
اعملي حاجه عن كيفيه التعامل مع البيئه من حوالينا "التلوث بانواعه" وطبعا هنجيب الهوا والشوارع والكلكسات والعوادم ودخان المصانع وطبعا محتاجه شعار كويس نحو بيئه نظيفه
.................................................. .
ممكن نعمل حاجه عن الطبيعه وتغير المناخ ودرجه الحراره وفصول السنه اللي بنشوفها في يوم واحد ونكتب لوجو حلو بيقول مثلا " احذرو غضب الطبيعه " مع شويه ككوارث او نواتج في التغيرات الملموسه
.................................................. .
حاجه عن الشباب تقول ان منومتش جوانا احلامنا او ازاي ننظم مخراجتنا او نقسم حياتنا ما بين دين ودنيا وعلم وعمل ورياضه حاجه كده عن الشباب
.................................................. .
التعليم التطبيقي
وهو فكره انك تظهري الفرق ما بين الدراسه التي لا تستند الا تطبيق عملي والدراسه اللي بيكون معاها تطبيق عملي وده مش جامعي ده من الابتدائي لوجو مثلا "يلا نتعلم صح "
.................................................. ..
يا رب حاجه تعجبك او تشدك وتكون جديده وان شاء الله افكرلك اكتر واكتر يا روكا ولو عزتي ممثلين مغمورين قوليلي واسمي ع الافيش ايه مصطفى فهمي ههههههههههههه
بالتوفيق يا قمر ولو عزتي مصورين قوليلي برضو انا بصور حلو
يلا فكري بقى وظبطي حالك
..................
افكار عالسخان
الفجوه بين الاباء والابناء
قيمه الصداقه الصديق الجيد صديق السؤ
ان الانسان لما يقع يقوم ويكمل مش نهايه المطاف
الثقافه وتوسيع الافق
التراث ومحاوله احيائه وتكريم رموزنا عشان نتعلم منهم
انجازات لشخصيات مصريه
يا رب
يا روكا حاجه تنفع وبرضو مش هسيبك وراكي وراكي يلا اختاري بقى ونقي براحتك وشوفي في حاجه تنفع اسكريبت وايه الحوار والسيناريو والفكره تتبلور ازاي
معاكي لغايه التخرج

[| Amino2 ●]

الافكار دى كلها حلوه على فكره
بس انا جيه فى بالى فكره ممكن تعمليها وهتكون سهله مش صعبه وهتبقى الجامعه
هى هتبقى كالاتى
عن الشباب ومعاكسته للبنات سواء بقى بالتحرش وكده
بس طبعا هتبقى باسلوب لائق ومحترم
يعنى مثلا عن لبس البنات فى الجامعه وطريقه مشيهم واكيد فى مجموعه من الولاد قاعدين يبصوا عليهم ويعاكسوهم
طب ايه السبب فى كده او ليه الشباب ده بيعمل كده وبيعاكس البنات وهل فعلا البنات هما السبب فى الحاكيه دى بسبب طريقه لبسهم
انا مش قادر اوصلك تخيلى صح بس انتى خدى الفكره وفكرى فيها كويس من كل جوانبها وفى الاخر ممكن مثلا تجيبى اى ضيف متخصص فى السلوك البشرى هيتكلم كلمتين عن الحكايه دى وكام راى من الشارع وكده
هى هتبقى فكره جديده وفى نفس الوقت جذابه فهتلفت الانتباه لجرئتها
بس انتى هتقدرى تنفذيها صح باذن الله
انا كده خلصت خلاص ففكرى بقى وشوفى
وربنا يوفقك انشاء الله وخدى راى المجموعه اللى معاكى وربنا يسهل

[| MonyanA ●]

امممممممممممممم
ممكن تعملى عن الاصوات المختلفه للكائنات
يعنى صوت المياه يسمى خرير وتجيبى صوت ليه
صوت القطه ... صوت الحمامه ... الخ
وفى الآخر تتكلمى عن صوت الانسان
بانه وسيله خلقها ربنا للتعامل
ومن غيرها مش هيبقى لحياتنا معنى
وتجيبى جزء من الفيلم بعد كدا من غير صوت
يعنى حاجات زى كدا

[| Bugs Bunny ●]

شكرا يا تفاتيفى انت و امينو 2 على افكاركم
افكاركم كلها كويسه اوى والله
و الفكره اللى احنا كنا خلاص استقرينا عليها كانت شامله معظم افكاركم و كانت عجبانا عشان ممكن نصور حاجات كتيير ندمجهم مع بعض
بس المشكله كانت ازاى هنبدأ الفكره
بس خلاص هنبداها بأى مشهد و المشاهد يبقا يعرف احنا عايزيين نوصل ايه بعدين بقا
و ده هيدى للفيلم غموض اكتر
مش عارفه بردو كل حاجه هتبان يوم السبت و اخر كلام هنستقر عليه براى الاغلبيه
شكرا يا جماعه انكم ساعدتونى انا عرفه انى تعبتكم

[| Bugs Bunny ●]

شكرا يا منى يا قمر على فكرتك العسوله دى بس الدكتوره هتفضل تقول لنا و ايه الهدف من الفيلم هى عايزانا نفيد القسم بحاجه
انا بردو هشوف فكرتك و هقول للباقى عليها
و اللى فيه الخير يقدمه ربنا