موضوع للمناقشه كلنا هانشجع الجزائر فى كاس العالم

**Designer Mekano** · 29-03-2010 10:16 PM

السلام عليكم ورحمه الله وبركاته
عوده بعد غياب طويييييييل
اعود اليكم انا ميكانو بموضوع من الاهميه بمكان
الموضوع باين م العنوان وهو اننا ان شاء الله هانشجع الجزائر العربيه المسلمه فى المونديال

انا شايف ان خلاص مافيش مشاكل بينا وبينهم
لو هانقول على مستوى الكوره احنا خدنا كاس افريقيا ولبناهم 4 وهم صعدوا لكاس العالم
يعنى خالصين
ومنهم لله اليهود اللى اتدخلوا وولعوها نار بين الشعبين

وكمان لما بنشتم اى جزائرى فاننا فى الحاله دى بنشتم مسلم موحد بالله يعنى اخ لينا فى الاسلام

ومش عيب اننا نشجع منتخب الجزائر المسلم العربى ممثل العرب الوحيد فى المونديال

فياريت الكل يتفاعل معايا فى الدعوه دى ....

**Spider GirL**(•'.'•) · 30-03-2010 10:30 AM

ودى حاجة تفرح يعنى لما يكون ممثل العرب
العرب دول اساسا بيكرهونا كلهم

وبردو استحالة اشجع الجزائر اطلاقا
دى ناس هانتنا
ومش مقتنعة اننا لما فزنا اربعة خلاص الموضوع انتهى
لأن الموضوع ماكنش ماتش كورة اصلاااا
المصريين اتهانوا فى السودان والجزائر
المنشات المصرية فى الجزائر اتدمرت
المصريين اللى هناك كانوا بيتصلوا بالبرامج محبوسين وخايفين
كل دة مش ماتش كورة
هما همجيين
وللأسف بيسيئوا اصلا لينا
وبعدين عرب اية بس
هما بيعرفوا يتكلموا عربى اصلا

**اريج الورود** · 30-03-2010 02:00 PM

لا طبعا مش معانا اننا ردينا اعتربنا لما دخلنا فيهم اربع اجوان عنب اننا نسامحهم على اللى عملوه
وبعدين المسلم من سلم السلمين من لسانه ويده واحنا مسلمناش من لسانهم ولا من اديهم يعنى معتقدش انهم مسلمين اصلا
يا رب ميتوفقوش فى حاجة وتكون سنة سودة عليهم بلا نيلة
هتننا متحملين اهانة كل دولة لحد امتى ولما يكون فى حرب ولا نصيبة يقولوا
(هندافع عن بلادنا لحد اخر جندى مصرى)

**| Amino2 ●** · 30-03-2010 02:13 PM

لا انا مش معاك بصراحه
يعنى انت عاوز تفهمنى ان احنا ببطوله كره قدم او ب4 اهداف كده احنا رجينا اعتبرنا
اصلا احنا انضربنا واتشتمنا واتهزئنا وسكتنا
وكمان لو بتقول الموضوع خلص لا انت لو متابع هتلاقى ان احنا دلوقتى احنا اللى متورطين امام الفيفا بتهمه الاعتداء على القافله الجزائريه لما جوم يلعبوا هنا ماتش القاهره
وكمان رئيس الاتحاد بتاعهم مش عاوز يتنازل واحنا كمصر معرضين لعقوبه من قبل الفيفا
والله يابنى بص مهما حصل اللى فى القلب فى القلب
وهما كده خلاص ظهرا وبانوا على حقيقتهم
تقوم انت تقولى عشان احنا عرب واخوات ماخلاص هما نهوا العقه دى مش موضوع ماتش مكوره لا كان فى ابعاد تانيه خالص
ومش معنى ان احنا خدنا بطوله وجيبنا فيهم اربعه نبقى كده خلاص خدنا حقنا
لان احنا حقنا اكبر من كده بكتير
ده كفايه الشركات اللى ادمرت دى والناس اللى ماتوا واتصابوا