انها حقا عائله...............جنان!!!

[ReRe]

المفكوكين في اجازه.........
النهارده يوم ولا في الاحلام
يوم يتقال قبليه كان يا مكان
النهارده
النهارده
النهارده

ايييييييييييييييييييييييه ؟؟؟؟
النهارده اول اجازات المفكوكين
يعني اتقابلنا
واتعرفنا
وضحكنا ولعبنا وكمان هرجنا
وقبل ده كله طبعا اكلنا
(بقي عيش وملح يعني)
يعني بقينا عيله واحده اسما وفعلا
والنهارده البدايه
وان شاء الله مش النهايه

البدايه: 27 رمضان

9\10\2007
كانت ايه البدايه؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
اتقابلنا ف الجامعه
وبعديها خرجنا فطرنا ف اليوفنتوس
ومنه خرجنا علي المصريه بلازا
وبعد يوم جميل مع ناس أجمل كل واحد رجع مش هقول بيته هقول سريره لانه ده بيتنا ودي عيلتنا اما التفاصيل بقي هسيب اللي جه يحكي علشان تفضل ذكره حلوه نرجعلها دايما




وفي النهايه
بقول شكرا يا احلي شباب ف احلي عيله ولا اقولكم
نورتوا حياتي يا احلي اخوات في الدنيا
:Xبحبكم موووووووووووووووووووت:X

[..●●آه...لو●●..]

بجد كان يوم تحفه والاجمل كان احنا المفكوكيييييين
وزي ما ماما ريري قالت كان يوم جميل وميتنسيش
ويا رب مع بعض على طول واحب اقول على حاجه حصلت
واحنا بنلعب بدون كلام وتبعا استارز مش معانا كالعاده جبنا حتة فيلم استار كان بيمثله اسمه
"حسن ومرقص وكهين"
تخيلو استارز بقى كان بيمثل ازاي وافطسوا من الضحك......بس للاسف خسرنا في الاخر وادبسنا في كانز فقمت رايح مع الفريق الغالبين وبكل بساطه لان انا كنت بغششهم الافلام يعني مفازوش بمجهودهم...

[*star_alone*]

ايوه يا ريرى كان يوم مفكوك وجاااااااااااااااااااامد
والضحك فيه كان بالهبل
وبجد حسيت اننا عيله واحده وحسيت انى اعرفهم من زمان

وانت يا تفاتيفى يا بتاع مرقص دى اسامى افلام بزمتك
ستارز عمل اللى عليه
انا كل ما افتكر شكل ستارز اقعد اضحك

فقمت رايح مع الفريق الغالبين وبكل بساطه لان انا كنت بغششهم الافلام يعني مفازوش بمجهودهم...

نعم نعم نعم ده مين ده اللى كان بيغششنا قول اللى كان بيصدعنا ويغلوش علينا
ده انت هبلتنى يا اخى
بس فزنا عليكم برضه ومتنساش بين الاطلال

فعلا احنا عيله جنااااااااااان ويارب نفضل اخوات ونتقابل كمان وكمان
لانه بجد كان احلى يوم
واحلى فطار مع احلى اخوات

واللى مجاش فاته كتيييييييييييييييييير

[● TiTaNiC LoVeR ●]

يوم المفكوكين كان يوم جميل جدا
وعمرى ماهنسى اليوم ده
عشان قابلت فيه ناس كنت نفسى اقبلها
واتعرفت عليهم
وكان يوم ظريف قوى
فقمت رايح مع الفريق الغالبين وبكل بساطه لان انا كنت بغششهم الافلام يعني مفازوش بمجهودهم...

انت بتفضحنا يا تيفا
انت من ضمن اللى اتهزموا
دا احنا كان شكلنا كنافه بعد ما اتهزمنا
وعمال تعيب على استارز مانتا كمان مكنتش عارف تمثل
واللى مجاش معنا فاته نص عمره
على رأى استار اللون احنا عيله واحده وعايزين نفضل اخوات

[Messi]

اولا كل سنه وانتم طييبين وكل رمضان واحنا ان شاء الله متجمعين

انا بقى مش هحكى على اللى حصل واحنا مع بعض انا هحكى على اللى حصل ليا انا ومحمود(مواطن مصرى)وميدو بعد الفطار علشان اتبهدلنا

واحنا رايحين نوصل محمود للقطر لقينا القطار كان لسه قدامه تلت ساعه المهم اقترحت انى اروح اكل على القطر مايوصل نزلنا على زيزنيا وسرحنا فى الاكل روحنا المحطه كان القطر لسه بيتحرك فوقنا انا فضيلت اصرخ واقول حد يوقف القطر والناس عماله تبص اقول مين العبيط ده المهم طلعنا جرى لقينا القطر قدامنا ب100متر المهم القطر فاتنا
قام محمود داخل عند ناظر المحطه يساله على ميعاد القطر اللى بعده وبعد مخرج لنا لقينا واحده حجه كبيره واقفه عماله تزعق لينا انا وميدو ومحمود وعماله تقول لنا انتو مش عارفين توقفوا القطر لينا ليه وفدماغها اننا شغالين فى المحطه وانا اقول لها معلش يا حجه انا كنت ماسك فيه وهو مش راضى يقف ومحمود يقولها كله بسبب الراجل اللى قاعد ده (قاصده على الناظر اللى فى المحطه) ويقولها انه قاله يوقف القطر للحجه وهو مرضيش وان الرجال ده ابن ستين فى سبعين والست كانت عايزه تدخل تضربه المهم الست هديت الحمد لله واقف انا ومحمود وميدوبعدها نشوف هنعمل ايه لقينا واحد زى الفل شكله من قبل التاريخ واقف قدامى وبيبرق ليا فى وشى ميدو البطل اللى فينا قام جارى الراجل شكله يخوف انا بصيلته وقلته انت يا عم الحج شايف الناس دى احنا رايحين لهم(اى حاجه بقى) والراجل عمال يقرب وشكله هيضرب ومحمو بيبص ليا ويضحك وانا مش عارف اعمل ايه قمت تيبه بش مجرتش طبعا انا كبرت الخطوه بس والراجل عمال يبرق لنا وكان شكله ربنا ميوريكم ومحمود عمال يضحك بيضحك على ايه مش عارف؟!!الحمد لله الموقف عدى على خير بس الواحد قلبه كان هيقف
واحنا مروحين بقى وقلنا هنركب محمود موصله عاديه لقينا محمود الروش لسه مروحش وكان واقع فى مشكله بقاله اكتر من ساعه وكانت مشكله كبيره بس الحمد لله حللناها ليه ومش هقدر اقولها الا لما استأذن منه الاولبس كده واللهى الواحد على قد ما ضحك فى موضوع الحجه على قد ما قلبه وقف من الراجل الغريب دهوكل سنه وانتم طييبيبن مره تانيه
واليوم كان زى الفل وكفايه ان الواحد شاف الناس اللى كان عمال يمسك فى خناقهم وكده

[Spider GirL(•'.'•)]

انا بقى كدة زعلت وضايقت عشان انا جيت متأخرة كانت ريري وهمسة ومجموعة كبيرة كانت مشيت مشيتوا بدرى لية؟؟؟
احنا لازم نتقابل تانى كلنا حتى لو فى الجامعة ولو هو ماينفعش غير فى رمضان ماليش دعوة رتبوا لليوم دة قريب !!!عشان حتى الناس اللى ماعرفوا يحضروا لظروف خاجة عن ارادتهم عايزة وعد اننا نكرر اليوم دة اوك

[● همسة ●]

كان يوم تحفه فعلا
اقل ما يوصف بانه رائع
الناس كلها جميله واليوم كان دمه خفيف اوى
والالفه بينا كانت موجوده فعلا عيله واحده واخوات ويارب دايما
بس يا تيفا احب اقولك ان star alone كانت حنينه لما قالت صدعتنا
ده انت عملت عمايل ايه ده
وكمان متنساش اننا اتنازلنا عن الكانز يا بتاع حسن ومرقص وكوهين
ومتزعليش يا سبيدر ان شاء الله نتقابل قريب جدا
وكل الناس تحاول تيجى
ويارب ايا منا مع بعض تبقى كلها سعاده وفرح

[● Moataz FoKak Meny Shoman ●]

بصراحه كان يوم المفكوكين ولا فى الاحلام وانا زعلان على الناس اللى ماجوش معانا كان يوم تحفه بقى انت يا تيفا بتقول انت غششتنا فى لعبه بدون كلام ده كفايا الفريق بتاعى اتنازل عن الكنز وانا رجعت فى كلامى وعايز الكنز بتاعى وبتاع الفريق
وبصراحه كان شكل استار
كان تحفه لما كان بيمثل

[7oDa_elray2]

انا طب يا جماعة حد يعرف يمثل دى
حسن ومرقص وكهين
حد يعرف يمثلها
انا مثلتها بس بطريقة غريبة شوية
واولا كل سنة وانت طيبين كلكم وبالف خير
بس بصراحة كان يوم تفحة يعنى
ههههههههههههههههههههههههه ههه
حلوة تفحة
بس بصراحة كنت انا اللى فوزتهم فى الاخر على فيلم القاهرة 30
انكر يا تافاتيفى
وخلناهم يشيلوا حق الكنز
بس مشربناش
بس بصراحة اللى مجوش فتهم نص عمرهم
احلى ما فيها اننا اتجمعنا وفطرنا فطار جماعى مع بعض واتعرفنا على بعض
بس انا امثل الفيلم ازى حد يقلى بس محدش يقول انا مثلته ازاى

[مواطن مصرى]

كل سنة وانتم بخير ياجماعة
وان شاء الله ماتكونش دى اخر لقاءاتنا مع بعض ونتجمع دايما
واليوم فعلا كان جامد جدا وكفاية قوى ان احنا اتقابلنا مع بعض واتعرفنا ولعبنا وهيصنا والعيش والملح طبعا اللى بقى بينا وبين بعض
ومرقص طبعا بتاع ستارز اللى ابدع فى تمثيلها الصراحة
ههههههههههههههههههههههههه ههههههه
بجد كانت كلمة شديدة فى الفيلم

ولا المواقف بتاعة المحظة ياميسسى
يخرب عقلك ياخى
بس بجد حرام على اللى حصلى ده والقطار اللى يفوتنى بسبب انط عايز تاكل
بس بجد كانت مواقف فظيعة والله الناظر ولا الحاجة ولا الراجل بتاع ماقبل التاريخ اللى كان معجب بيك قوى ده ياميسسى
الواحد فعلا كان بقاله فترة ماضحكش الضحك ده من زمان والله
ربنا يديم اللقاءات
وكل سنة وانتم طيبين
واشوفكم بإذن الله على خير