كلمة تقال في المسنجر

[| لولا ●]

كلمة تقال في المسنجر تغضب الرب عزوجل
انتشرت كلمة في الماسنجر خطيره ومؤذيه
في حق الاسلام وبالخصوص في حق القرآن الكريم الا وهي كلمة((( بـــــرب )))

الكل قام يقولها وهي بمعنى دقايق او لحظه او عندي شغل .
وكل من قالها ماعرف معناها ولو سألتم اي شخص عن معناها
قال لك والله كلمة وتنقال ونقول زيهم !!!!!!!!!!!!!!!!
لكن هل فكرتم في يوم من الايام معنى هذي الكلمة.
(((بـــرب))) كلمة استغلها الغرب بواسطة أبناء الاسلام لإغاظة الله تعالى والاستهزاء بدينه وكلامه ,وكما قال الله في كتابه الحكيم ومن أصدق من الله قيلا {وَدَّ كَثِيرٌ مِّنْ أَهْلِ الْكِتَابِ لَوْ يَرُدُّونَكُم مِّن بَعْدِ إِيمَانِكُمْ كُفَّاراً حَسَداً مِّنْ عِندِ أَنفُسِهِم مِّن بَعْدِ مَا تَبَيَّنَ لَهُمُ الْحَقُّ فَاعْفُواْ وَاصْفَحُوا ْ حَتَّى يَأْتِيَ اللّهُ بِأَمْرِهِ إِنَّ اللّهَ عَلَى كُلِّ شَيْءٍ قَدِيرٌ }البقرة109فبأبسط الكلمات والعبارات تستطيع الاستهزاء بأعظم ما نزل على الارض.(((بــرب))) كلمة مذكوره في قوله تعالى {قل أعوذ {برب) الفلق
ومذكوره في قوله تعالى {قل أعوذ (برب)الناس}
فاستغل الغرب كلمة (برب) لاستخدامها في اتفه الامور من الكلام
للتنزيل من عظمة الله جل جلاله تعالى الله عما يقولون الظالمون علوا كبيرا.
اخـــــــــــوتــــــــــ ــي
وكل من مر على الموضوع
وكل من لديه نخوه على الامه الاسلاميه وحب لدينه
وكل من اقشعر بدنه لهذا الموضوع

رجـــــــــــــائــــــــ ـــــ ـــي منكمنشر هذا الموضوع لكل من تعرفون والتحذيـــــر من استخدام هذه الكلمه
اتمنى ان تنشروا ماقرئتم '''
لعل هذه الكلمات تكون شفيعة لنا عند رب الارض والسماواااات

[| Silent Guardian ●]

غرب ايه يا لولا اللي استغلوا الكلمة؟
الموضوع باين قوي ان مفيش فيه اي ترتيب
الاختصارات دي معمولة من قبل الانترنت ما يدخل مصر اصلا
كان عندي كتاب زمان كان معمول في اول التسيعينيات ابويا كان شاريه ( و انا قريته لما كبرت شوية مانا غاوي كمبيوتر من ايامها )
و كان فيه الاختصارات دي كلها
: ) يعني حد مبتسم
: ( يعني زعلان
و اختصاارت الكلام
زي
g2g = get to go
cu = see you
dc = disconnected
brb = be right back
و الكلام ده انا قاريه من زمان قوي في كتاب معمول من عشرين سنة
مظنش انه مخطط غربي و لا حاجة
كل الموضوع اننا عربنا الموضوع
و تلاقي حد بس شافها و غاظته , و قالك بدعة و كل بدعة ضلالة و دخلنا في دوامة الكلام ده
و سخن و اخدته الجلالة قوي و راح كاتب التوبيك ده
عامة شكرا جزيلا عالنقل يا لولا
انا حبيت اوضح وجهة نظري المتواضعة !
سلاموعليكم

[| Amino2 ●]

مش عارف انا دلوقتى قدامى وجهتين نظر من اقوى الناس اللى بحترم عقليتهم
يعنى لولا متفقه
ودرش معارض
بس انا بصراحه مش مع اننا نختصر كلام بحروف حساسه زى دى
لان كلمه برب واضحه جدا من الكلام
بس الافضل منقولهاش وخلاص
دى وجهه نظرى
شكرا لولا

[| Tears Of The Moon ●]

مش شايف ان الموضوع مستاهل كل ده يا ولاء
الحكاية فعلا باينة أوى
ان مافيش اى ترتيب من الغرب ولا حاجة
كلمة بتاعة وقتها وبتتقال
مش فيها اى حاجة
شكرا

[| لولا ●]

شكرا درش على مرورك ووجهة نظرك اللى انا ا قتنعت بيها جدااااا بس برضو لو عدت علينا الكلمة دى منقولهاش احسن احتياطيا مش اكتر ونورت التوبيك يا درش

[| لولا ●]

من الافضل برضو اننا منقولهاش وشكرا لمرورك محمد

[| لولا ●]

هى فعلا كلمة بتاعة وقتها بس منين نضمن انها كلمة عادية زى ما بتقول يا احمد على العموم منقولهاش احسن حتى لو كانت كلمة عابرة

[| Nadooosh ●]

اتقوا الشبهات

وطالما فيها شك يبقى نحاول ان احنا نبطلها

عشان متكونش ذنب على الفاضى

شكرا على التوبيك يا لولا
وشكرا على مجهودك

التوبيك للاسف مكرر

دة لينك الموضوع الاصلى