حبيتها/حبيتيه و هي/هو مش على دينك تعمل ايه؟

[| Silent Guardian ●]

مممم
موضوع جامد جامد جامد جامد
و بيحصل كتير
كتير قوي

بس انا عايزكم تتخيلوا كده انكم في الموقف ده
هتعملوا ايه؟؟?
بجد هتعملوا ايه لو لقيتوا ان البني آدم اللي انت / انتي بتحبها/ بتحبيه مش على دينك
و الناس كلها مش موافقة

و خدوا بالكم احنا عندنا احتمالين دلوقتي

1- الولد مسلم و البنت مش مسلمة
2- الولد مش مسلم و البنت مسلمة

عايز تعليقاتكم على الاحتمالين و تعمل ايه لو كنت مكانهم
مش بس كده
لا و عايز تخيلكم لرد فعل الاسرة و المجتمع و وجهة نظرهم لو اي حالة من الحالتين دول حصلت فعلا
و السؤال الاهم بقى
يا ترى تفتكروا ده ممكن يحصل اصلا بنسبة كام في 100؟

سلااااااااااااااااااااااا ااام

[| Alyaa ●]

على فكره يا شومان الموضوع ده مهم جدا وكويس انك طرحته
بس انا عوزه اقوللك ان موضوع ولد يحب بنت كرستين دى بتحصل كتير وشوفنها كتير
اما ان بنت مسلمه تحب ولد كرستين دىنادر انها تحصل هنا فى اسماعيليه او نقول انها نسبه قليله بس بتحصل كتير فى القاهره وخصوصا مع البنات المسلمات الغير محجبات
نيجى بقى لنقطه لو كنت مكانهم
-لو كنت ولد مسلم وحبيت بنت كرستين دى نقول عادى لان الدين حلل الموضوع ده
والمشكله هنا هتكون بالنسبه ليها
-اما بقى لو انا بنت مسلمه وحبيت واحد كرستين دى الكارثه حتى لو انا واثقه انه هيسلم علشانى برضه غلط
لان اولا: ان اكبر حرام واحده مسلمه تحب واحدمش على ديانتهاوده مفهوش نقاش
ثانيا :مفيش واحد كرستين بيسيب ديانته علشان واحده الاقليل جدا وانا برضه شوفت من القليل دول
وده طبعا للى هيواجهوه من اهلهم ومن الكنيسه وما الى ذلك
وخاصه لو كان الولد او البنت الكرستين دول مستوى عالى يعنى من حصاده المجتمع
بص يا شومان هو الموضوع كبير اوىوالواحد مهما اتكلم برضه مش هيقدر يقول على اللى بيحصل
بس العبء الاكبر على البنت المسلمه انما لو الولد المسلم مفيهاش مشاكل

[mr_gawafa]

استعني علي الشقي بالله
بص يا بشمهندس مصطفي
اولا:
محرم علي البنت تحب واحد علي غير دين الإسلام
بمعني انه متفكرش من الأساس فحكاية الحب دي
ثانيا:
ولد يحب واحدة مش علي دينه...فده عادي جدا وبتحصل كتير ولكن عند رفض الأهل فأستحالة تقام الجوازة حتي ولو كانت مسلمة ( طاعة الوالدين )
اما لو الوالدين موافقين والبنت كويسة بس علي دين مختلف فعادي جدا ومفيش مشاكل من الجواز
وشكرا علي الموضوع الجامد ده يا شومان

[Romance_taha]

لأ ... معلهش ممكن الولد مسلم والبنت مش مسلمه ... يعنى مش موضوع انى باتيح لنفسى وباحرم غيرى لكن الدين كده ... وكمان خد بالك ان الغلبه والقوامه للرجل .... انه ممكن يقدر يخلى زوجته مسلمه ... لكن العكس هيبقى مستحيل ... خاصة للراجل الأجنبى اللى له عادات وتقاليد مش هتقدر تأثر عليه المرأة المسلمة بالعكس ... فالحمدلله انه تم تحريم الأمر من البداية .... لكن بالنسبه لزواج المسلم من التى على دين آخر .. فلازم تكون من أهل الكتاب ... يعنى مسيحيه أو يهوديه .. حتى لو كانت كافره فالأمر محرم ... على العموم شكراً على عرض الأمر ... أمر مهم جداً ..

[ReRe]

لا الموضوع كبير كبير
وبما انك قولت تخيل هروح وارجعلك باحلي فيلم هندي عن الموضوع ده وسلام لحد ما اخرج الفيلم

[7oDa_elray2]

شكرا يا درش على الموضوع الجميل ده
وبما ان فيها تخيل انا هعيش

[Sandrella]

بصراحة الموضوع حلو اوى وعلياء قالت اللى كلنا عايزين نقوله
اما ان ممكن يحصل بنسبة فمن وجهة نظرى من 10الى 20%
معتقدش انه اكتر وياريت يكون اقل
اما بالنسبة لموضوع الاهل فده بيرجع ليهم هما شخصيا
بس فى حالة واحدة لما يكون مسلم وغير مسلمة
اما الحالة التانية تبقى عبيطة اوى المسلمة اللى تفكر تتجوز من غير مسلم
وتسلم عالموضوع يا درش

[| لولا ●]

اولا موضوعك رائع يا شومان وموضوع مهم جدااااااااااااا وبالنسبة للبنت المسلمة اللى بتحب واحد مسيحى فده حاصل اساسا ادامى وشيفاه بعينى ومش قادرين يستغنوا عن بعض ما انهم عارفين ان الجوازة دى اصلا لا يمكن تتم لانه ما ينفعش واحدة مسلمة تحب واحد مسيحى انما ممكن العكس فى شباب مسلمين كتير بس ممكن يتجوزوا مسلمة عادى يعنى وهما دلوقتى عايشين كده ومستنيين الفرج مع انه مش هييجى خالص لانه صعب
وبالنسبة للاهل مش موافقين طبعاااااااااااااااا وعندهم حق وهو يعنى يا بنات الشباب المسلمين خلصوا ما هما قاعدين وكتير كمان بس تقول ايه بقى الحب

[| love ●]

شكرا شومان على الموضوع هو جديد فعلا بس انا عاندى وجه نظر انا شوفتها من ردود الاعضاء الكل هاجم ان البنت المسلمه متنفعش انها تحب واحد مش مسلم وهجمتوها بشده اوى طب ليه ايه المانع ان البنت تحب واحد مش على ديانتها هو اه غلط وحرام طبيعى بس ممكن هى تحب واحد مسلم بس مش على خلق ويعملها اسوء معامله وممكن الولد المسيحى او الياهودى او اى ديانا هواليعاملها احسن المعامله وممكن كمان توصل لمعامله الملكه او الاميره الحب مش غلط ولا حرام ولا عيب وفى الحب مفيش فرق بين الصح والغلط كله متساوى بس ده لو حد حب بجد
ومن ناحيه الجواز فهم اليقررو ويشوفه هل الولد هيغير الديانه ولا لا احنا ملناش تدخل ومنحيث الاهل فهى بترجع ليهم با ردو وعلى حسب كل عيله