استنيتك كتيررررررر

[لست قلبى]

استنيتك كتير
كان قلبى يسألنى عليك والشوق يناديك

واتمنى افتح عينيا الاقيك
واصبر قلبى بصورة أشوفك فيها

وذكرى فى بالى أعيد لياليها
وأهون عليا غيابك واستحمل عذاب فراقك
واعد الوقت فى بعادك واحلم ليلاتى اسمع دقاتك
وقول ده بكرة هيجى والمس حبيبى بايدى
ويملى عليا الدنيا ويعيد لقلبى الجنة
وارجع واستنى
الاقى الشوق ميهداش ولا ثانية
ويزيد الحنين ويملانى الانين واروح لمكانا القديم

اشم فيه عطر السنين
واداوى بيه قلبى الحزين
وامسح دمعى اللى على الخدين
وتخدنى ذكرى المكان لبعيد
يفكرنى باول نظرة من عينيك
لحظة ماسلم قلبى وقال خلاص حبيت

وملكت فى لحظة قلبى و روحى
خلتنى فى ليلة انسى جروحى
وقلت يا عينى غنى وكفاية بلاش تنوحى
وميلى على قلب حبيبى

يا فرحة قلبى يوم مالقاك يا حبيبى
وبعدت وغبت عنى
وقلت
استنانى
واستنيتك كتيررر انا استنيت
ولا خليت شوقى يبقى لحد غيرك ولا اتمنيت
حبيب تانى يعوضنى بيك
ده عشان قلبى خدته معاك
وسبت مكانه حنين واشتياق
واديك رجعت ليا من تانى
لقتنى فى لهفة ليك واخدانى

وشوق فى عنيا ما خلانى
ادوق النوم ولو حتى ثوانى
حبيبى متغبش عنى تانى
خلينى معاك
ده روحى ليك وخدانى

　
　

[| Mannora ●]

وتخدنى ذكرى المكان لبعيد
يفكرنى باول نظرة من عينيك

لحظة ماسلم قلبى وقال خلاص حبيت




بجد تحفه تسلم ايديك كلها احاسيس ومشاعر جميله اوووى

عشتها بجد

[لست قلبى]

شكرا لمرورك الجميل
كم اسعدنى ردك
كم زادنى فخرا تواجدك

[..●●آه...لو●●..]

حلو اوي اوي يا لست قلبي بجد
انته ذوقك حلو اوي وكلامك بسيط وسهل وممتنع مش اي حد يعرف يوصل لقلوب الناس كده
دي ملكه
ربنا يديمها عليك