عايز تكون اغلس زوج فى الدنيا ...ادخل وشوووووووف !!!

**● **Moataz FoKak Meny Shoman** ●** · 03-03-2010 04:26 PM

الصبح وانت رايح على شغلك وهى نايمة تعمد اسقاط اى شيئ اوخبط الباب

** بصوت عالى علشان تصحيها هى كمان 00 اشمعنى انت ؟ ولو حاولت ترجع تنام
** تانى قول لها مادام صحيتى حضري الفطار بقى>>

** اصحى يوم الجمعة بهمة ونشاط وجهز الافطار لزوجتك بس متنساش انك
** تستخدم15 طبق واكبر كمية من الملاعق والشوك و 5 حلل من اللى عندكم فى
** المطبخ و10 كوبيات لاعداد طبق بيض وسندوتش جبنة
** طبعا يراعى ترك اثار سمنة على الارض مع ترك التلاجة مفتوحة وقشرالبيض فى الحوض>>

** فى عيد ميلادها زين لها تورتة عيد ميلادها بخمسين شمعة ولو سألتك
** لية خمسين رغم ان عندها15
** سنة بس ؟ اتحجج بضعف الاضاءة فى البيت وانت بتبص على النجفة اللى
** عندكم اللى فيها 30لمبة مع ابتسامة صفراء خفيفة>>

** لو عملت ريجيم اجرى على السوبر ماركت ومحلات الحلويات واملى
** التلاجة شكولاتة وحلويات وجاتوهات يرعى التجول وانت مستمتع بأكل الجاتوة امامها>>

** متنساش رأيك فى طبيخها لو عاملة لحمة قول لها حلو اوووى الفراخ دى
ولو طبخه بامية 00 جميلة اوى الملوخية دى حطة عليها اية يا حبيبتى ؟؟ ولو
عملة كيكة قالها انا بحب اشرب شاى مع البسكويت الحلو دة>>

** لو طلبت منك تنشر الهدوم قالها حاضر مع ابتسامة حانية وبعد ما
تخلص نشر الهدوم ادخل عليها وقولها انا نازل اجيب الهدوم اللى وقعت منى فى
الشارع ولو سألتك هو اية اللى وقع ؟ اذكر لها كل هدومها اللى كانت
مغسولة مع فردة شراب من بتوعك علشان متبقاش مقصودة منك>>

** لو الزوجة قررت مسح الارضيات فى البيت حاول انك تروح وتيجى
على المناطق المبلولة متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون
هيرن كمان شوية> >

** لو كانت مشغولة فى نظافة البيت او مع الاولاد وطلبت منك تغسل
كوبيتين الشاى بتوع الصبح الموجودين فى الحوض ارجعلها كمان دقيقة من دخولك
** المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟>>

** وانت قاعد تتفرج على التلفزيون وهى طالع عينها فى تنظيف البيت
وبعد ما تخلص معلش ممكن كوبية مية علشان ضهرى بيوجعنى

بعد كل ده اوعدك انك حتكون ارخم واغلس زوج في العالم

**| Nadooosh ●** · 03-03-2010 05:18 PM

ههههههههههههههههههههههههه هه

دة انت ربنا هيكرمك اخرررررررررر كرم

**korean lover** · 03-03-2010 06:30 PM

ايوة كده .... عايزين من النصايح ده كتير ... ههههههههه

**Spider GirL**(•'.'•) · 03-03-2010 08:12 PM

ان شاء الله مراتك هتعذبك يا معتز
رغم انك طيب ومش هتعمل كدة
بس هيكون ذنب ناس قرت كلامك دة

وبعدين لسة قايلين النهاردة اول حاجة فى حاجات البنت اكياس بلاستيك والسكاكين جاهزة ههههههههههههههههههه