... أسئـلة غبيـة و ملـهاش أي لازمـة ...

[zekrayat]

اسئلة مالهاش اى لازمة وماعرفش بتتقال ليه ودى امثلة منها:


تبقى لابس و متشيك و ضارب الجل فى شعرك و ريحت البارفان جايبة لغايه اخر الشارع و بتفتح باب الشقة و جاي تنزل تلاقى حد من البيت شافك يقولك ( ايه ده هو انت خارج ؟ )



- لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء
^^^^^^^^^^^^^^^^^^^^^^^^^^
خلصت خروجت و راجع البيت بتفتح الباب و داخل تلاقي الى بينده عليك بعد ما دخلت
زكريا) ترد و تقول: نعم يقولك : انت جيت ؟ )


- لا لسه لما اجى هاقولكم
^^^^^^^^^^^^^^^^^^^^^^^^^^^^^^^^^^^^^^^^^^^^^^


قاعد فى اوضتك و كبس عليك النوم اومت اتغطيت و مظبط حالك و طفيت نور الاوضة و لسه بتغمض عينك تلاقى حد بيفتح عليك باب الاوضة ويقولك (ايه ده هو انت هتنام ؟)


- اكيد لأ مانتا شايفنى برقص باليه اهوه
^^^^^^^^^^^^^^^^^^^^^^^^^^^^^^^^^^^^^^^^^^^^^^


او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية


يا حسنين) ترد وتقول نعم يقولك : انت نمت ؟ )


- يااااااااه فى سابع نومة و بتفرج على كابوس كمان
^^^^^^^^^^^^^^^^^^^^^^^^^^^^^^^^^^^^^^^^^^^^^^


او روحت مسكت التليفون و لسه بتضغط عالارقام عشان تتصل تلاقى الى بيقولك
(ايه دا هو انت هتتكلم فى التليفون و لا ايه ؟)


- لا يا عم دا الكابتن فى الجيم قالى على تمرين صوابع بعمله عالتليفون
^^^^^^^^^^^^^^^^^^^^^^^^^^^^^^^^


او معزومين عند ناس و لاحاجة و راييحين ترنوا الجرس يفتحلكم طفل او طفلة عساسيييييل اوى يقولكم
( ايه ده انتوا جيتوا؟)


- معلش يا بنى العيب مش عليك انت لسه صغير
^^^^^^^^^^^^^^^^^^^^^^^^^^^^^^^^^^^^^^^^^^^^^^


رايح عند بتاع عصير القصب تقوله: سلام عليكم فى خروب؟
يقولك: فى سوبيا و عصير قصب و تمر هندى و دوم و مانجة وبرتقال


- طب يا عم قولى مفيش و خلاص
^^^^^^^^^^^^^^^^^^^^^^^^^^^^^^^^^^^^^^^^^


يجيى الراجل نازل من بيتهم الصبح ضارب البدلة و ماسك الشنطة و لسه بيدور العربية و جاى يطلع يلاقى البواب بيخبط له عالأزاز و يقوله ( هو انت رايح الشغل يا بيه ؟ )


- لا يا عم رايح العب نيد فور سبيد مع صحابى
^^^^^^^^^^^^^^^^^^^^^^^^^^^^^^^^^^^^^^^^^^^^^^


او التليفون رن و رحت رديت قعدت ترغى مع الى اتصل شوية و فى الاخر قفلت السكة


تلاقى بعد شوية حد جاى يقولك :كان حد عايزنى عالتليفون ؟


اه يا عم بس انا كلمته بالنيابة عنك و بعدين قفلت معاه ما اكيد لو حد عايزك كنت ناديلتك يعنى
^^^^^^^^^^^^^^^^^^^^^^^^^^^^^^^^^^^^^^
او بتكلم واحد صاحبك من على تليفون البيت تلاقيه بيقولك :انت فين دلوقتى يا بنى ؟
يااااااااااااه يا عم دانا فى اسكندرية بصيف ^^^^^^^^^^^^^^^^^^^^^^^^^^^^^^^^^^^^^^^^^^^^^^


او يا سلام بقي عايز تروح حتة وتايه مش عارف توصلها قولت تسئل حد تقابل حد تقوله: لو سمحت ما تعرفش شارع كذا فين يقولك: هما قالولك فين ؟


طب انا لو عارف هسئل حضرتك على انهى اساس يعنى
^^^^^^^^^^^^^^^^^^^^^^^^^^^^^^^^^^^^^^^^^^^^^^
و نخش عالتليفزيوووووووووووون بقى
******************


تلاقى المذيعة فى برامج الاهداءات بترد على اتصال طفل صغير تقوله: عندك كام سنة يا عمر؟ يقولها؟ 5 سنين تقوله: انت بتحب بابا و ماما يا عمر ؟


يعنى اكيد الواد لسه ما طلعلوش عرق الندالة و هيقولك دانا متخانق معاهم وسايبلهم البيت يعنى
^^^^^^^^^^^^^^^^^^^^^^^^^^^^^^^^^^^^^^^^^^^^^^


ولا فى برنامج تانى واحد يتصل ترغى معاه شويه و فى الاخر تقوله تسمع معانا اغنية ايه يقولها مثلا اغنية تملى معاك بتاعت عمرو دياب تقوله( ايه ده انت بتحب الاغنية ديه؟ )


لا طبعا طالبها عشان اشوفها كام دقيقة
^^^^^^^^^^^^^^^^^^^^^^^^^^^^^^^^^^^^^^^^


او واحد متصل ليلة العيد تقوله: ياترى هتقول ايه بقى لصحابك و قرايبك وجرانك و اخواتك و الدنيا كلها


اكيييييد هقولهم البقاء لله

[| لولا ●]

هههههههههههههههه مفيش فايدة هى اسئلة غبية وتلاقى الناس برضو بتسالها شكرا ليك ذكريات وتسلم ايدك

[zekrayat]

منورررة يا لولا التوبيك

[lover phraou]

حاجه غبيه
هههههههههههه
تسلم يا معلم

[wahed]

هههههه..ولا ياسلام لما تبقا فعلا خارج و قايلهم انك خارج مع أصحابك

يقوموا يسالوك أيه بقا؟؟
أصحابك مين؟؟؟؟؟؟؟؟؟؟؟؟؟؟؟

أصحابى توتو و لولو و سوسو وبطوط وميكى ماوس...هههه هوه انتو تعرفوهم اصلا عشان تسألوا.

ولا يا سلام بعد ما تنزل و بتنضف عربيتك

الله هوه انتا نازل و انتا اصلا قايلهم فوق انك نازل

لا بطمن ع العربيه بس

و يا سلام بقا لما تكون بتتزفت و قاعد تذاكر
الله يا وحيد ما تذاكر بقا يا ابنى عشان نخلص من الكليه الطين دى

لا مش هذاكر عشان انا دلوقتى بلعب ف ودنى
حاجه فعلا تزهق
ولا ايه يا شباب

[| Nadooosh ●]

ههههههههههههههههه

ملهمش حللللللللللل

التوبيك دة نزل زية هنا فى المنتدى بس دة فية مواقف اجدد واجمد

شكرا يا ذكريات

[● Moataz FoKak Meny Shoman ●]

[MeEeGoOoO(•'.'•)]

ههههههههههههههههههههههههه ههههههههههه

لا جااااامديييييييييين

[| love ●]

ههههههههههههههههههههههههه ههههههههههههههههههههههههه هههههههههههههههههههههه
يالاهو توبيك ضحكنى موووووووووووووووووووووووو ووووووووت

وخصوصا رد معتز

[zekrayat]

هههههههههههههههههههههه
مشكووووووووورين يا مفكوكين على مروركم بس هى
دى الحقيقة
هههههههههههههههههههههه