(وهم) (احلام) =(هبل بنات)

[| Amino2 ●]

مش عارف ابدا منين ولا ازاى ولا عارف اختارت العنوان ده ليه بالذات بس
كل الحكايه ان شايف اننا فعلا عمالين نضيع وقتنا فى كلام فاضى كل شويه حد يتكلم على حقوق المراه وكل شويه البنات تخبط فى الولاد والولاد يخبطوا فى البنات ومش فاهم ليه كل ده عادى المشكله بقى واكثر حاجه استفذتنى ان فى الوقت اللى احنا مستنين ومترقبين ترشيحات الرئاسه وعاوزين نعرف مين هيبقى رئيسنا وبنحاول نبص على برنامج كل واحد الاقى الهوانم الستات اللى هما عاملين فيها نصف المجتمع متقدمين بطلب قانون للتحرش اللفظى
ده ايه الهبل اللى احنا فيه ده واللى يكيدك الاقيهم بيتكلموا ويقولولك ان المفروض اى ولد يعاكس اى بنت حتى لو مش باللمس ولكن باللفظ لابد من ان تقوم عليه عقوبه وغرامه
يعنى انا مثلا لو ماشى وفى واحده ماشيه وبقولها ايه الجمال د اتحبس بسبب الكلمه دى لا بسم الله ماشاء الله نصف المجتمع بجد
ثم ان اصلا البنات لبسهم هو الى مش محترم وعشان كده الولاد بيعاكسوهم
بصوا الكلام ده بقى انا مقصدشى بيه حد ولا حاجه بس انا حسيت انى عاوز اقوله وخلاص
ومن خلال ردودكم هنفتح مناقشه وحوار ونتكلم ونعرض فيها وجهه نظرنا
ومحدش يزعل منى
انا اصلا زهقان ومخنوق وفيا اللى مكفينى
شكرا ياجماعه

amino2

[اريج الورود]

يعنى انت زعلان علشان القانون
المهم قانون ظريق والله
بس مش مبنى على اساس
والستات مشيين فى الشارع عرايا اخر وساخ مفيش فرق بينا وبين اليهود والامريكان
بس عايزة اقولك حاجة لو فعلا البت ديه لبسها مش كويس وبصت لها ربنا هيجعل برده اختك او مراتك او زوجتك اللى حتى لو لبسها محترم يتبص لها
لاتن كما تدين تدان
المفروض لا نبرر غلط بغلط صح ولا ايه؟
تسلم يا عم محمد ولا يهمك محدش يستاهل انك تزعل

[TOYOTA]

شكرا امينوا على الموضوع الهايل ده
وطرحه
بس انا من رأى ان هما ليهم حقوق ولازم يخدوها
وعليهم واجبااااااااااااااات لازم يأدوها


بس القانون ده هيكون فيه مشاكل كتيير
اى وحده هتكون مضايقه من واحد ممكن تروح القسم تتبلى عليه
ودى هتحصل وترقبوها
الولد مش بيعاكس اللى لما يمون فيه سبب
والسبب هو عدم اتفاق هذه المرأه مع المجتمع الشرقى
التى تعيش فيه
محاولة بذلك تقليد المجتمعات الاخرى ا
كالمجتمع الغربى مثلا
فى طريق اللبس
الكلام
التصرفات
المعامله
الحريه
كل هذا ينعكس
على الولد
فيترجم هذا
الى معكسات او اى تصرف تانى

فلابد من معالجة السبب قبل معالجة النتيجه

ومشكور يامينوا على الموضوع الهايل

تقبل مرورى
toyota

[Spider GirL(•'.'•)]

مش شايف انك زودتها شويا
وحسستنى انك مهتم اوى بسياسة الدولة
وان يهمك تعرف مين هيكون رئيسك وبرنامجه الأنتخابى اية

كل دة من حقك وكويس جدا لو فعلا انت كدة
لكن فى نفس الوقت انت حسستنى ان البلد لازم كل حاجة فيها تقف لحد لحد ما نشوف مين رئيسنا اللى جاى

انا طبعا مش بأيد القانون دة ولا حاجة
بس يمكن طريقة عرضك للموضوع استفزتنى

اى كان مين هيكون رئيس
اى كان جيشنا وضعه اية
اية كان مشاكل الفقر والبطالة وارتفاع الأسعار

كل دى حاجات مهمة فى مجتمعنا
لكن فى نفس الوقت فى حاجات تانية ممكن نفكر فيها معاها حتى لو اقل اهتمام

بالنسبة للقانون
كفاية اللى الأعضاء قالوه وعندهم حق جدا
البنت هى السبب فى دة وقبل من كدة البيت والتربية

شكرا محمد

[| Amino2 ●]

انا معاكى يا اريج فى كلامك بس ليه هى تعرض نفسها اصلا لحاجه زى دى من الاول
شكرا لمروك ومنوره التوبيك

[| Amino2 ●]

ايوه صح انا معاك ان هما ليهم حقوق وواجبات بس مش كل شويه يطلعوا فى حاجه جديده وبتكوا مش مهمه اوى يعنى يالا ماعلينا
شكرا لمرورك ياتويوتا ومنور التوبيك

[| Amino2 ●]

لا يا امانى انا مش سياسى اوى كده يعنى عشان تقولى مزودها ولا حاجه انا بس كل قصدى ان الفرق بين الحاجتين كبير عشان كده جيبت المقارنه مابينهم مش اكثر والدليل انى شايف اجماع ان ده قانون مش مفيد وهيبقى وراه مشاكل
يبقى ازاى نعلق دماغنا بحاجه فاضيه زى دى والبلد داخله على حاجه اكبر ده كان كل قصدى
شكرا لمرورك طبعا ومنورانى يامونى

[الهضبــــــــــــــــــه]

انا كل اللي عايز اقوله ان احنا ناخد من كتاب ربنا والسنه النبويه القوانين اللي نمشي عليها لو كل بنت سمعت كلام ربنا والتزمت بالحجاب الشرعي اللي مش فيه اي تبرج او فحش هنشوف كل البنات صوره جميله لما تكون عفيفه ومحترمه وعندها حياء مافيش اي ولد هيعاكس اي بنت لو شافها محترمه وحني لو البنت مش محترمه المفروض كل الولاد يسمعوا كلام ربنا والرسول ويغضوا نظرهم ومايعكسوش اي بنت
اللهم اهدي الشباب اللي ماتحبه وترضاه

[| Amino2 ●]

والله انت عندك حق ياحسام فى كلامك ده وهو فعلا لو البنات التزموا بجد هيبقوا اجمل
ومفيش بنت مش بتتجوز بسبب اللبس او كده يعنى
شكرا لمرورك ياهضبه

[wahed]

أه.. والله العظيم مناظر البنات بقيت تحزن يا شباب... تلاقى الواحده فيهم ماشيه و لابسه الحجاب و لابسه لبس أختها الصغيره .....لا اله الا الله..
وقال ايه ماشيه ع الموضه؟؟؟؟؟؟؟؟؟؟؟موضه ايه دى اللى تخلى البنات
يمشوا بالمنظر ده...حقيقى حاجه تحزن ومأسااااااااااااه
وشكرا ع موضوعك الشيق ده