تعرف مينا وحد القطرين ليه

[Spider GirL(•'.'•)]

نجد فى الصفحه الاولى
من اي كتاب تاريخ
مينا الشهير بنارمر مؤسس الاسره الفرعونيه الاولى

وموحد القطرين القطر الجنوبى والشمالى

ولكن لم يذكر لنا التاريخ الاسباب الحقيقيه لقيام الحرب بين الشمال والجنوب والذى ادى

لتوحيد البلاد


اول حرب فى التاريخ المصرى حرب توحيد القطرين


الفكره الاولى


دخل نارمر على زوجته الحاجه ام حورس ووجدها تبكى بكاء مريرا

وسألها عن سبب بكائها وهى زوجه اول فرعون فى تاريخ الاسرات

فقالت له : احنا فى اغسطس والدنيا نار نار

نفسى يكون لينا مصيف نصيف فيه انت فرعون على الصعيد

يعنى بنصيف فى الترع والنيل مافيش بحر عندنا

نفسى اصيف على البحر واروح مارينا


فقال لها نارمر : بسيطه حاكم الشمال صديق حميم وبيننا علاقات تجاريه ومصالح

مشتركه وحياتك انتي لاجيب لك احلى شاليه فى مارينا وتعيشى حياتك

ويذكر التاريخ ان ملك الشمال رفض تخصيص قطعه ارض لمينا فى مارينا

حيث ان مارينا تخصص لمحاسيب الملك واولاد الناس

وصعب ان نخصص فيها لصعايده وان كان ولابد ممكن نخصص لك فى مطروح
او بحري


وقامت الحرب الاولى فى التاريخ المصرى واستطاع مينا ضم الشمال الى الجنوب

بسبب مارينا والمصايف
و استطاع مينا يروح مارينا

ولكن رغم ذلك مازالت مارينا للطبقه الشماليه فقط طبقه الاثرياء والمحاسيب واولاد

الناس اللى همه اما باقى الشعب الجنوبى والفقرى مازالوا يصيفوا فى ميامى وشارع خالد بن الوليد ومرسى مطروح




الفكره الثانيه


وهناك نظريه تقول انه قبل توحيد القطرين حربا

ان القطرين متوحدين بالفعل بموجب اتفاقيه سلام بين حاكمى القطريين

على ان يتم اختيار حاكم من الجنوب يليه حاكم من الشمال

وكان الدور على حاكم الجنوب لحكم القطريين وكان اسمه مينا

وفى يوم كان الملك مينا يجلس مع كبير الكهان يقراء له الطالع ويفتح له الفنجان

فقال الكاهن : ان اخر حاكم جنوبى سيحكم البلاد اسمه جمال _ عبد _ الناصر

وبعدها سيقوم الشماليون حكم البلاد ابديا وذلك بأنشاء اسره المنايفه ومؤسسها


الاول سا- دا-ت ويليه مبا-ر-ك ويليه ابنه جما-ل وينحصر الحكم فى هذه الاسره
المباركيه لحد ماالقيامه تقوم

فثار الملك مينا وشن الحرب على الشمال وقام بتوحيد القطريين

مستني ردودكم
ورغم ذلك قامت الاسره المباركيه بحكم البلاد الى ابد الابدين


الفكره الثالثه

معروف ان الفراعنه هم اول من عرفوا كره القدم ووجدوا ذلك منحوت على الجدران


الفرعونيه القديمه وكان هناك منافسه شديده بين القطر الجنوبى ويمثله فريق زما- لك


والفريق الشمالى ويمثله فريق الاه _ لى

وكان الفريق الشمالى الاه_لى يحصد جميع البطولات كأس امون ودورى ازوريس

وكان فريق زما_ لك يأتى دوما فى المركز الثانى وكان زما_لك يشتكى من الحكام

المحليين وكان يستقدم حكام اجانب من البلاد الفينيقيه وسبأ


وفى يوم كان نهائى كأس امون بين الفريقين ويقام فى ستاد الكليه الحربيه

واستطاع اللاعب ابو _ تر_ يكه احراز هدف رائع اعتبره الفريق الاخر انه تسلل

وان رافع الرايه كان مسطول وبيستهبل ونسى يرفع الرايه وهاجت جماهير الفريق

الابيض الجنوبى ودخلت فى صراع مع جمهور الاحمر الشمالى

وانتهت الحرب بأنتصار الفريق الجنوبى بقياده مينا رئيس رابطه نادى زما _ لك

ورغم توحيد القطرين ومرور اكثر من خمسه الالاف سنه


مازال الفريق الاحمر هو الذى يحصد جميع البطوالات

[| Nadooosh ●]

ههههههههههههههههههه
الله بقى
هو انتوا متقطعين من ايام مينا
b-)b-)b-)b-)b-)b-)b-)b-)
نايس توبيك ياسكر

[Spider GirL(•'.'•)]

نايس توبك اية بقا ؟!!!!!
انتى داخلة تغيظينى يابت
ندى
خدتى واجبك
اطلعى برة

[| Tears Of The Moon ●]

هاهاهاهاااااااااااااى
حبيب قلبــى
بحييكى على التوبيك ده يا امانى
وعلى أخر جملة خالص
بيعجبنى فيكى الحيادية بتاعتك

[Miss Cute]

فيه اييه

حد يفهمني بس

[Spider GirL(•'.'•)]

مش حيادية
انا منزلة التوبك عشان تضحكوا بس مش عشان تغيظونى
احمد حصل ندى واطلع برة

[Spider GirL(•'.'•)]

اصل انا زمالكاوية وهما اهلاوية فبيشمتوا فيا يعنى

اوعى تكونى انتى كمان اهلاوية

[!..!]

بس تقريباً العصر المباركي أقوى من مينا ..

الأول البلد كلها في جيبه ، والتاني مكانش عارف حتى يصيّف في مارينا !

الكبير كبير برضه يا أماني

[| Amino2 ●]

وانتهت الحرب بأنتصار الفريق الجنوبى بقياده مينا رئيس رابطه نادى زما _ لك

ورغم توحيد القطرين ومرور اكثر من خمسه الالاف سنه
هاهاهاهاهاى
انتو بتحلموا من زمان
بس برده جدو مش هتاخدوه
ههههههههههه
هموت من الضوحك

[CRASH]

هههههههههههههههههههه
حلو الموضوع