الضَرَيبة

**Beauty** · 10-02-2010 03:08 AM

الضَرَيبة

مش غريبة ..
ندفع الأوجاع ضريبة ..
قَسَّمى الأحزان شرايح ..
عبَّى دمعى ف الصفايح ..
واسألى عمرى اللى رايح ..
المصيبة
لسة شايلك فى العيون أجمل حبيبة ..
قولى كذبة ..
حُبى ليكى يبقى حسبة ..
والأمانى والهوا ..
والشوق بنسبة ..
وإنتى عزبة ..
للى مالُه فيكى حِسبة ..
المُصيبة ..
لِسة شايلك فى العيون ..
أجمل حبيبة ..
مين اللى قرر ..
يقتل الحلم .. فى عيون كُل الطيور ..
ليه تسلَّمينى ..
من طابور .. تانى لطابور ..
قَيَدّى البخور ..
بركات جراحنا المزمنة ..
كل الأمانى الممكنة ..
تبقى يادوبك دمعتين ..
فوق صورة باهتة ملونة ..
سايبة الجراح ليه تهدنى ..
إيه فيكى تانى يشدنى ..
ده أنا اللى حُبى عززك ..
وإنتى اللى عشقك ذلَّنى ..
لسه ياحلوه بتسألى ..
بتحبنى ..
نفسى اشترى ..
شبرين فى حضنك وارتوى ..
فكرك مسافر أغتنى ..
خدى اللى حيلتى ..
الهدمتين والقرشينات ..
بس استُرى عرض البنات ..
لو حسينا على دمنا ..فى قلوبنا مات ..
لو بكرة فات ..
وإحنا بياكلنا السُكات ..
كُل الأمانى الممكنة ..
تبقى يادوبك دمعتين ..
فوق صورة باهتة ملونة ..

على سلامه

**| Mannora ●** · 10-02-2010 06:06 PM

جامد اوى يا يسرا انا حبيت الراجل ده بجد

وهاحاول انا كمان اجيب ليه حاجات تانيه

بس همتك انتى كمان...

وعلى قد ما كلامه حلو وسهل وبسيط

على قد الواحد ما بيجى ليه اكتئاب وغم...

بس هى دى الحقيقه هنعمل ايه

**Beauty** · 28-02-2010 05:42 PM

انا بحب على سلامه جدا
ومتابعه من حوالى 3 سنين
وان شاء الله يا منار حنزل ليه حاجات كتير
ميرسى ياقمر ع مرورك الجميل

**| Nadooosh ●** · 12-03-2010 12:21 AM

حلو قوى قوى قوى
اسلوبة لذيذ فى الكتابة
شكرا يا بيوتى يا قمراية

**Beauty** · 14-03-2010 01:27 AM

شكرا ليكى انتى يا قمرايه ع مرورك الجميل

**لست قلبى** · 14-03-2010 07:07 AM

المصيبة
لسة شايلك فى العيون أجمل حبيبة ..
قولى كذبة ..
حُبى ليكى يبقى حسبة ..
والأمانى والهوا ..
والشوق بنسبة ..
وإنتى عزبة ..
للى مالُه فيكى حِسبة ..

ما أأشقاها حياةً بدون حبيب
كالقلب حين يُسلب منه الوريد
اختيار صائب لكلمات شاعر
مميز
تقديرى اليك اختى لما امتعتينا
بهذه العبارات غاية الروعة

**Beauty** · 16-06-2010 10:35 PM

ميرسى كتير لست قلبى على المرور الجميل

**Wezooo**(•'.'•) · 16-06-2010 10:59 PM

اللله بجد كلام جميل جدااااااااااااااااااااااا ااااااا
ومش هقدر اقول حاجه عنه
شكرااااااااااااااااا ليكى يا يسرا على التوبيك الجامد ده

**..●●**آه...لو**●●..** · 23-06-2010 02:31 PM

ده أنا اللى حُبى عززك ..
وإنتى اللى عشقك ذلَّنى ..
لسه ياحلوه بتسألى ..
بتحبنى ..
نفسى اشترى ..
شبرين فى حضنك وارتوى ..
فكرك مسافر أغتنى ..
خدى اللى حيلتى ..
الهدمتين والقرشينات ..
بس استُرى عرض البنات ..
لو حسينا على دمنا ..فى قلوبنا مات ..
لو بكرة فات ..
وإحنا بياكلنا السُكات ..
كُل الأمانى الممكنة ..
تبقى يادوبك دمعتين ..
فوق صورة باهتة ملونة ..
............................................
مكنتش اعرف انك يؤوبا زمان وعمال اقول مين دي
بجد كلام جميل بيوجع القلب ويقلب المواجع
وفي حاجات كده الواحد بيسمعها او يقراها نهايتها تنهيده وسكات طويل
انا بقرا لعلي سلامه
في كلام له مبكنش راضي عنو او مش بحسو بس دي جامده جدا جدا
وعارفه
مش عارف حسيت ليه وانا بقراها
كاني بسمعها من الابنودي خاصه الجزء اللي نقلتو ده
وبالذات كلمه
القرشنات والهدمتين
لاني بحب لهجتو اوي وكلامو اوي اوي
.................
شكرا beauty على التوبيك الجميل ده

**Beauty** · 24-06-2010 01:43 AM

ميرسى ليك انت يا وسام على مرورك الجميل

معلومات الموضوع

الضَرَيبة

الموضوع: الضَرَيبة

أدوات الموضوع