آخر مشاركاتى فى المنتدى ويا قلبى كفاية

[لست قلبى]

صعب اوووووووى لما تكون بتحب حد اوى ومش عارف توصله احساسك وخايف حتى تعترف له بحبك اللى انته غلبت ياما تداريه عليه ممكن تكون خايف انه بيحب حد تانى ويصدمك ويمكن يكون مش هيبادلك نفس الحب اللى انته حبتهوله طول السنين دى.................... فانته ياأما تنسى الحب ده يأما تكون عندك الجرأة وتروح تقولها ويا صابت يا خابت وياأما تحاوووووول بكل الطرق انك تقولها انك بتحبهاااااااااااااااااااا ااااااااااااااااا
(( لست قلبى))

يا قلبى كفاية أخبى عليه

أعيش محتار و دارى عليه

يخدنى الشوق ونفسى أناديه

احكيله كلام سنين بداريه

ازاى عايزنى اعيش لياليه

واسهر ليلى افكر فيه

وانته مانعنى اقول لعنيه

كل الشوق جوايا اليه

عرفنى يا قلبى وقصدك ايه

ولا ده عاجبك اللى انا فيه

خايف يعنى اروح والاقيه

حد سابقنا شاغله عنيه

بس خلاص الشوق فاض بيه

عايز ارتاح من اللى انا فيه

احساس بيقولى مهونش عليه

لو رحت له وحكيت لعنيه

غرامى وشوقى ولهفتى ليه
************************


ودى تبقى آخر مشاركاتى فى المنتدى وأشوف وشكم فى منتدى تانى
والسلام عليكم
ورحمة الله وبركاته

***وقبل ما تنزل الستار أحب اقوووول انى بجد كنت مستمتع باشتراكى فى المنتدى فكك منى واسعدنى اكتر كل الاعضاء اللى بجد كانوا بمثابة اخواتى واللى اسعدونى بردودهم الجميلة ................... احمد

[| Mannora ●]

بجد زعلتنى ليه اخر مشاركاتك وليه تسيب المنتدى

يادوب فوقنا من الامتحانات ومالحقتش اشوف كل كتباتك...عامه اهم حاجه تعمل اللى يرحيك بس ديما هتلاقى اخوات هنا مستنين زيارتك

وبجد ديما احساس جامد جداااا

ومن رأى تعترف بحبك....ويا عالم

ممكن بعد الصبر والعذاب ده كله ربنا يجزيك

بحاجه عمرك ولا حتى فى احلامك تخيلتها

[| Amino2 ●]

ليه هتمشى يا احمد
انت اصلا ملحقتش تقعد معانا حاجه لسه ولسه معرفناش بعض حتى
عموما اللى يرحيك اعمله والمنتدى مفتوحلك بكل اعضائه فى اى وقت واحنا تحت امك فى اى حاجه تحتاجها

بس بصراحه لو ان منك بقى اروح اقولها وخلاص يمكن تكون بتحبك هى كمان وتعيشوا قصه حب
وتبقى تحكيهالى بقى
نشوف وشك بخير يابوحميد