عيلة تشل بجد

**| Mysterious man ●** · 21-01-2010 01:32 AM

عيلة تشل بجد

الام: انت لسة اعد على المخروب داه؟

الابن:اسمو الكمبيوتركمبيوتر.

الام:طب قوم هاتلى قطرة العين

الابن:ليه هتتعمى(سافل سافل)

الام:يا حيوان جفنى وجعنى.

الابن:جفنه بيضة ولا اسطمبولى؟

الام:لا حول ولا قوة الا بالله

الابن: العالى العظيم.

الام:ياجزما قوم زاكر.

الابن:جزمة سودة ولا بونى طب برباط ولا من غير.

الام:لا إله إلا الله

الابن:محمدا رسول الله

الام:قوم يابنل ـــــــــــ زاكر

الابن:يعنى اقول لبابا طب يابابا ماما بتقول عليك ـــــــــــ

ويتحول الموقف بين الاب الغلبان والام

الاب:انتى ازاى تقولى عليا كدا ادام الواد

الام:على اساس انى بقولك كدا من وراه

الاب:ياشيخة ارحمينى بقا

الام:ليه شيفنى مسكاك من رجلك وعمالة اضرب فيها

الاب:وانتىى تئضر تمسكينى من رجلى لوحدك

الام:مهو ابنك هيسعدنى اصلو حمش وميحبش حد يمسك رجل ابوه غيرو

اللاب وهو بيموت وخلاص شويه وهيفرقع وتجيله النئطة: انتى ايه؟

الام: انا انسان, كائن حى يعيش ويتعايش

الاب وهو اتنرفز اخيرا بعد عناء:لاء انتى زودتيها اوى بقا

الام:هى ايه القهوة ؟؟ لا والله داه انا عملاها مظبوت ياخويا

وتأتى الجدة علشان تشوف اخرت المجانين دول ايه

الجدة:فى ايه ياولاد

الاب: انتى ايه الى ئومك من ع السرير بس

الجدة: اصلى سمعت حسكم عالى شويه

الاب:وهو انتى بتسمعى اصلا

الجدة:الله يسمحك يابنى مش قلتلك تجيبلى السماعة

الاب:الله! مهو ابنك هو الى اتفلحس اوى وقال هيجبها من برا وهو جى

الجدة:اتفلحس؟اتفلحس ازاى يابنى

الاب:حتى لو قلتلك مش هتفهمينى

الجدة وهى اتنرفزت خلاص: متلم نفسك ف يومك داه

الاب:الى مش فايت حفظها حفظها

الجدة:ربنا على الظالم

الاب:والمفترى والى بياكل حق غيره

الجدة:اسكت ابنك قاعد ممكن يئل ادو عليا

الابن:كداب ياخيشة كداب اوووووووى

الاب:سيبك منو هو واد سافل اصلا

الابن:ظلم واقتدار

الجدة:حرام عليكو بت ياسيدة هاتى الدوا من عندك يابت

سيدة الشغالة: والله يازمن مابئدينا زرعنا الشوك ولا روينا يا زمن

الجدة وهى بتموت:اشهد ان لا اله الا الله واشهد ان محمدا رسول الله

الاب:يلا ف داهية...........ماما يا ماما ماااااااااااااااااماااااا ااااااااااااا

النهاية