خاص للديابية نداء من الأيهابيه للديابية

**روح إيهاب توفيق** · 15-01-2010 01:13 AM

السلام عليكم ورحمة الله وبركاته

أزيكم يا أحلى فانز يارب تكونو بخير أنا داخله النهارده علشان اوضحلكم حاجه مهمة جدااا جدااااااا

طبعا كل الصحافة اليومين دول بيتكلموا على الحرب اللى قايمه بين اللى ميتسماش اللى أسمه محسن جابر وبين الأمبراطور ( إيــــــــــهــــاب تـــوفــــيــــق ) اللى بيوضح فيه إيهاب مدى الظلم اللى اتعرضله فى شركة عالم الفن المهم انا جايه اقول اى كلام محسن جابر هيقولوا عن جمهور إيهاب لجمهور عمرو متصدقهوش لأننا احنا بجد بنحترمكم وبنحترم الفنان الجميل ( عمرو دياب ) ودى لعبة من الاعيب محسن جابر وياريت واحد زى ده ميوقعش بين جمهور اهم نجمين فى الوطن العربى

ويــــــــــارب مكونش طولت عليكم

والسلام ختام
ولاء توفيق

**● **MiSs. NeRmOo** ●** · 30-01-2010 10:25 PM

ع البركة

**| **Silent Guardian** ●** · 31-01-2010 02:39 AM

من المعروف عن محسن جابر ان اول اولياته هي المكسب المادي
بغض النظر عن مصلحة المطرب اللي معاه
يعني انا هتكلم عن عمرو دياب الاول ( لاني ديابي في الاساس ) عانى كتير مع عالم الفن خاصة في البوم علم قلبي لما عالم الفن عملت احتكار لكليب انا عايش و هو ده اللي فجر المشكلة بينهم
و من الجدير بالذكر ان عمرو دياب قبل "ليلي نهاري" ( اول البوماته مع روتانا ) مختلف تماما عن بعد دخوله روتانا
من ناحية الدعايا و التسويق
انا فاكر يوم ما نزل ليلي نهاري (ايامها كنت في لسه مخلص تانية ثانوي) مكنش في محل كاسيت,مطعم,عربية ملاكي او تاكسي او حتى ميكروباص او حد ماشي في الشارع مع نفسه الا لما كان مشغل ليلي نهاري او بيغنيها مع نفسه
روتانا اكتسحت السوق بتسويق دفعت فيه كتير لكنها حصدت من وراه اكتر (و ده عكس سياسة محسن جابر)

* و بغض النظر عن مشاكل تسريب البومات عمرو اللي محصلتش الا مع روتانا
*و بغض النظرعن التسويق الهايل اللي عمله محسن جابر لالبوم تامر حسني

بس نرجع و نقول ان محسن جابر راجل بتاع مصلحته
فتح قناة زووم على اساس انه هياكل بيها الجو على ميلودي و روتانا و اسمه مشغل قناتين و هيبقى ربح اعلانات قناتين بيعرض فيهم نفس المحتوى
بس خسر برده , و عملنا القناة المتخلفة صاحبة الاسقع و الابرد دم على النايل سات (مزيكا زووم)
اهيف قناة شوفتها هي و ميلودي تريكس
و الغرض منهم الربح المادي فقط

هوبة هو الكسبان انه يسيب عالم الفن
و ان شاء الله ربنا يوفقه ممكن هو ينتج لنفسه , او ممكن يروح شركة تانية افضل
بس يا ريت لو يبعد عن نصر محروس (فري ميوزيك) لو هيسيب عالم الفن بكل تاكيد

**روح إيهاب توفيق** · 31-01-2010 04:37 AM

هوبة هو الكسبان انه يسيب عالم الفن
و ان شاء الله ربنا يوفقه ممكن هو ينتج لنفسه , او ممكن يروح شركة تانية افضل
بس يا ريت لو يبعد عن نصر محروس (فري ميوزيك) لو هيسيب عالم الفن بكل تاكيد

إيهاب فعلا ساب عالم الفن

وبوب مش عبيط عشان يتعاقد مع نصر محروس

وربنا يسهل ونعرف هو ناوى على ايه وميرسيييي على مرورك