امتحان نص السنة

[Beauty]

اختار الجواب الصحيح
من وجهة نظرك
واحسم أمرك
بدون غش وكدب وتزوير..

■ الفساد فى مصر وصل إلى:
- الركب
- منطقة أسفل القفا
- أبعد كتير من المناخير..

■ مجلس الشعب عبارة عن:
- قبة تحتها مفيش
- قبة تحتها كراسى
- قبة تحتها دكان عصير

■ مين اللى وضع المادة ٧٦:
- بكر الترزى
- ميكانيكى دستور مشهور ف عابدين
- عمل مشترك بين ميكى وسمير

■ كيف يتم اختيار عضو مجلس الشعب؟
- عن طريق الاتصال بـ ٠٩٠٠
- اللى يجمع أكبر عدد من أكياس البطاطس
- اللى قضى الخدمة العسكرية ف البلكونة
واتعلم ينط من ع المواسير..

■ المؤهلات المطلوبة لشغل وظيفة وزير:
- دمه خفيف وعنده رؤية مش واضحة
- عنده لاب توب وموبايل بكاميرا
- عنده ١٧ بدلة ماركات و١٦ كرافتة حرير..

■ كيف يتم إقالة الوزير؟
- يبعتوله رسالة ع الموبايل
- يقولوله روح اتطعم
- إزالة كشك الحراسة اللى قدام بيته مع سحب الغفير..

■ يعتبرالهجوم على البرادعى:
- أكل عيش
- قلة أدب
- التطور الطبيعى لأصوات الحمير..

■ مصر بتعمل إيه بفلوس الضرايب؟
- بترفع مستوى معيشة النصابين
- بتشرب بانجو وتلعب قمار
- بتدفع أتعاب المحامى وغرامات التأخير..

■ أزمة مباراة الجزائر فين؟
- عند بتاع الطرشى اللى ف القلعة
- فى قهوة المعلم سعد رزة
- فى قلب اللحاف القديم
اللى نايم تحت السرير..

■ العملية التعليمية فى مصر:
- تساعد على ارتفاع معدل البطالة
- تساعد على انتشار أمراض القلب
- تساهم بشكل ملموس
ف التهاب البواسير..

■ إحنا بنبنى الكبارى عشان:
- مصر تنام تحتها
- المواطن يرتاح عند نزلة الكوبرى
- ننقل الأزمة
من ٦ أكتوبر لميدان التحرير..

■ السؤال الأخير:
أكتب فى سطرين أو كلمتين
أو ما تيسر..
عن معنى كلمة جهة سيادية
ولو ف وسط الطريق
القلم نزف أو اتكسر..
إوعى تبطل غُنا

على سلامه

[| سندباد ●]

ولو انى معرفش علاقته ايه بالشعر

بس اهو كله كلام

كفاية
تعبنا

[elly tshofo]

[Spider GirL(•'.'•)]

الحقى استخبى بقا يا يسرا
الأمتحانات اثرت ع دماغك

[| Amino2 ●]

ليه بس تجيبوا سيره السياسه
ربنا يخليلنا الحكومه
والشعب
ههههههههههههههههههههههه
اهو كلمتين يمكن ينجحونى
تفتكروا ليه معداش على مصر
.....................
ولا
.......................
ولا
.......................
وعلى فكره اقصد بالثلاثه حجات مش ولابد

[Beauty]

انت بتقولى فيها يا امانى الامتحانات قصرت خالص يعنى
ميرسى كتير ياجماعه على المرور الجميل

[| Tears Of The Moon ●]

هاهاهاااااااااااااااااااا ااااااااااااااااااااااااا اى
يا معلم يا معلم يا معلم يا معلم
جااااااااامدة

[| Nadooosh ●]

ههههههههههههههههه

تحفة تحفة تحفة

الجملة المعتادة
(هم يبكى وهم يضحك)

شكرا عشان بجد ضحكت جامد

[MeEeGoOoO(•'.'•)]

على سلامه ده راجل تمام

[NHP]

منطقة أسفل القفا
قبة تحتها دكان عصير
عمل مشترك بين ميكى وسمير-
عن طريق الاتصال بـ ٠٩٠٠
عنده لاب توب وموبايل بكاميرا
يقولوله روح اتطعم
- قلة أدب-
بتشرب بانجو وتلعب قمار
فى قهوة المعلم سعد رزة
- تساعد على انتشار أمراض القلب
المواطن يرتاح عند نزلة الكوبرى
ههههههههههههههههههههههههه هههههههههههههه ع فكرة الموضوع جامد جدا وحلو انا هكتب ف سطرين عن بلدى انا دلوقتى ف ثانوية والوزير بيقول 12 ف مية ف امتحان اسئلة لطالب المتميز والمصرين الله اكبر الله ما لة حسد اذكى ناس يعنى لو 25 ف كل مدة والانجليزى مش بعرف احل يبقى بعون الله 30 ف مية ياة هو حد طايل