نسيت النوم (رضا)

**لست قلبى** · 06-01-2010 06:45 PM

احتاجوا حضن يضمهم ..يجونى يشكوا همهم
َاسيب دموعى تشكى .. وامسح بايدى دمعهم
وجيب خيرلى ده كله منين ... انا موجوع تعبت خلاص
ويوم ورا يوم ..هموم بالكوم ودور على موتى
شبعت عذاب يدق الباب ... ماليش احباب مفيش غير دمعه فعيونى
حاولت اهرب من الالم ... داويت جراح اللى اتظلم
احلم بقلب يحبنى ... وصحى على صرخة ندم
يعدى كل يوم ويفوت ... اقول بكرة اكيد هرتاح
حبيبى ليه سابونى بموت .. خلاص زمن الحبايب راح
ويوم ورا يوم ... هموم بالكوم وادور على موتى
شبعت عذاب يدق الباب ... ماليش احباب مفيش غير دمعه فى عيونى

يا جماعة دى مش كلماتى دى كلمات اغنية للفنان (رضا) لو تعرفوه اسمها نسيت النوم كلماتها عجبتنى فقلت ارفعها ليكم لانها تستاهل كلمات رائعة
وعلى فكرة انا مسمعتش الاغنية بس انا قريت كلماتها وحتى انا معرفش الفنان رضا ده واول مرة اسمع عنه كمان فلو حد سمعه يقوللى تقييم الصوت بتاعه لانى خايف ليكون صوته وحش واجى اسمعها يخلينى أغير نظرتى فى كلمات الاغنية لان الكلمات محتاجة فنان صوته قوووى ولحن جامد يقدر يوصلها للجمهور
ومعلش طولت عليكوووووووووووا توقيع ( شاعر محتاج مشاعر)

**| Mannora ●** · 07-01-2010 04:24 AM

حلوه بجد تسلم..كلمات جامده

بس سورى يعنى هنا القسم بتاعنا اللى بنكتب فيه بنفسنا

فممكن لو اغنيه عجبتك تحطها فى انا وفكك منى وهواك

معلشى بقى غلسه صح

**MeEeGoOoO**(•'.'•) · 07-01-2010 04:36 AM

على فكره الاغنيه دى جامده بجد انا سمعتها ورضا طبعا معروف ان صوته مميز جدا

واسمع الاغنيه وهتعجبك بجد

تسلم ايدك

**لست قلبى** · 07-01-2010 05:08 AM

سوررررررررررى يا جماعة انا مكنتش اعرف كده ان منتدى الشعر خاص بكتابات الاعضاء فقط الظاهر ان كلمات الاغنية أغرتنى زيادة عن اللزوم وده الدافع اللى خلانى ارفعها ليكم بجد عذرى للجميع

**لست قلبى** · 07-01-2010 05:26 AM

سورررررررررررى يا جماعة لتانى مرة شكل النهاردة يوم الاعذار انا جيت اكتب الكومنت الاولانى اتضح ان محمود اخويا مكنش سجل خروج وبالتالى الكومنت اترفع باسمه هوا وبدل محذف المشاركة بتاعته نسيت ودخلت انا باسمى وكتبت الكومنت لتانى مرة بس بتوقيعى انا على العموم لما يدخل هوا بقى يبقى يحذف مشاركته