لو عاكسك ؟ ... هقوللك تعملي ايه ؟

**| لولا ●** · 01-01-2010 07:24 PM

هاقولك كآم طريقه تحرق دم آو تودي في داهيه أي حد بيعكسك

ماهو جيل منيل بعيد عنك ياختي تكوني مشيه في حالك لا بيكي ولا عليكي يطلعك

الواد زي عفريت العلبه ويقعد يعاكس ويقرفك يعني زي اللزقه مش بيهمد طبعاً دول

بنشفهم في كل حتة

فمثلا إذا صادفت واحد من الي بيعاكسو ويالهوووووي لو كان

من المراهقين والي لسه بياخد مصروفه من باباه وكمان وزنه زي الريشه

يعني يجي حوالي 40 كيلو وحاول يديكي رقم الموبايل بتاعه وكنتي في طريق

فرعي مافهوش زحمه ناس تعملي ايه ..؟!ّ انا اقولك تعملي ايه ..!ّ

أولا : هانصحك بحاجه وبعد كدا اقلك تعملي معاه ايه :

لازم يابنتى تتفرجي على مباريات المصارعه الحره وتتعلمي منها كام حركه منيله علشان تدمرى أي حد بيعاكسك..

لو كنتي مش بتحبي تتفرجي على المصارعه اشتركي في نادي وتعلمي لعبه الكارتيه و لا الجودو

زوئيه على الارض ... طبعا هاترميه على الارض بعد ما تديه سيف يد فى دماغه ترديه طريحاً على الأرض وياريت تكون ضربتك

له ضربه مخلبيه و قوية شويه بس اوعي تتكيه على زمارة رقبته لا يفطس في ايدك و لآ حآجة بعد ما يكون مرمي على الأرض

حطى رجلك اليمين على بطنه علشان تحل البركه ورجلك الشمال استخدميها لتثبيت اديه بعد كدا اقلعي جزمتك

وطاااااااخ ومنين يوجعك لحد ما تطلعي البلا على جتته بس ياريت يكون لون الجزمه

فاتح لونها علشان ما تعمليش في وشه علامات فارقه يعني خليكي حنينه ... وفى الاخر تعمليله الفينيش بتاع الاندر تيكر

طيب لو قبلتي النوعيه دي مثلاً في حديقه او كافتريا او كازينو تعملي ايه الاول لو كان جاي بعربيه ياسلام

تبقى كملت تجيبي مسمار وياريت يكون كبير وتعالي جنب عربيته و إرسمي على الابواب وشنطه العربيه لوحه تستاهل

تتحط في متحف الشمع في فرنسا من حلاوتها يعني بعد ما ترسمي على العربيه بإيديكي الي تتلف في حرير ما يبآنش

لون العربيه الاصلي وياحلاوته لو كانت العربيه لصآحبه او ابوه او مأجرها ياخرابي

حاتطلع عنيه في تصليح ما آفسدته عملته السوده ..

طيب لو قآبلتيه مثلا في السوق اقولك تعملي ايه تخليه يمشي وراكي لحد ما تورم رجليه وتشوفي لسانه طالع لبرا 30 بوصه من التعب ...

ووشه بئى زي الطمطمايه من التعب خدي بقى رقم الموبايل والبيت و ما تنسيش كمان اسمه وروحي حالاً لمكان السفاره الأمريكيه و إكتبي رساله تهديد

بوجود قنبله في السفاره وانك فاعلة خير وان الي عملها واحد و تقولي اسمه و تكتبي رقم الموبايل بتاعه ورقم بيته

وسيبي الباقي على رجال الضفادع البشرية وحرس الحدود ورجال الأمن وكل من له صلة سوف يقومون بتغيير معالم وجهة ....

و احتمال البنتاجون يبعتو قوه من الكوماندوز تقبض عليه ويبقى يخلي المعاكسات الي قرف بيها بنات الناس تنفعه ..

طبعا حليني بقى لحد ما يثبت انه مالهوش دعوة بالتهديد دا و انه بريء لانه هايكون متهم لحد مايثبت العكس و ربنا لا يوريكم ...

بعد ما يخرج احتمال يتخرص عن الكلام خالص او يجيله حول او كساح او شلل اطفال او تلاقيه سارح في ملكوت الله ..

في طريقه تانيه بعد ما تآخدي رقم الموبايل بتاعه و رقم بيته تروحي اقرب إداره لمكافحه المخدرات واكتبي العبارة التاليه

(( كمية حشيش للبيع بسعر مغرى لعدم التفرغ ))

للحجز أو الاستفسار أرجو الاتصال على صاحب الرقم التالي واكتبي بقى رقم الموبايل و رقم البيت و أسمه ....

وبكده قولي عليه يارحمن يارحيم

**● **MiSs. NeRmOo** ●** · 01-01-2010 07:53 PM

ههههههههههههههههههههههه
اية دا يالولا احنا متفقناش على كداا
جاامديين جداا ياقمرااية تسلمى ع النصاايح

**| لولا ●** · 01-01-2010 07:56 PM

العفو اى خدمة يا قمر بس ابقى اعملى بالنصايح دى

**| Amino2 ●** · 01-01-2010 08:25 PM

أيه ده يالولا بس
انتى طلعتى مفتريه اوى
ده احنا حتى غلابه والله
متسمعوش كلامها يابنات
دى عاوزه تضيعكوا

ياخوفى لاعاكس واحده فى يوم
وتطلع الواحده دى انتى
يانهار اسود
ده انا هاكل ضرب

**| لولا ●** · 01-01-2010 08:39 PM

هههههههههههههههههههه ايووووووووة هتاخد ضرب كتير جدااااا بس متخافش يا دوبك كسوووووور مش عوزاك تقلق خاااااااالص ما انتوا بجد خنقتونا يا عم الحاج

**قلب صادق** · 01-01-2010 09:23 PM

ههههههههههههههههههههههههه هههههههه

فينيش ايه واندر تيكر ايه ومصارعه ايه

بالزمه دى تبقى بنت اصلا

ثم الحمد لله انا مش بعاكس اخاف يتعمل

فيه فينيش من بتاع لولا قصدى اندر لولا

يووووووووووه لاء ادر تيكر هههههههه

توبيك لزيز اوى اوعو يابنات تسمعو كلام

ابله لولا لانها هتوديكو ورا الشمس

تسلمى بقى وكفايه كده