إن جئتك اصرح بحبى

**Spider GirL**(•'.'•) · 27-12-2009 11:54 AM

إن جئتك وصرحت لك بحبى

أنا التى تؤمن بأن الحبس أهانة للفكر قبل الأعضاء ؟

تتشوش افكارى عند معانى الكرامة والكبرياء ؟؟!
لا أسمح لذاتى بالتعبير عن نفسها
أهو نبل أن احب واتخفى ؟!
تحضرنى المشاعر فاظهر العكس بأسم الكبرياء؟
هل من حقى أن اعبر عن مشاعرى ؟؟
وكيفابقيها حبيسة ؟؟

واتغنى بحبك السري ... "سر لا يتجاوز حدودى"

الحب ليس له تقليد
ولا علاقة بين الفضيلة وبين صمتى وانتظارى

أقرأ لنزار قبانى قصيدته ( مع الجريدة )
"تتركه يذهب أدراج الرياح دون ان تقوم من مقعدها لتلحقه ، فتعلمه عن نفسها ووجودها ، ترقبه يختفى وتبقى ساكنة ...
تبقى مثل جريدته وحيدة "

واستمع لأم كلثوم تشدو بحرقة معلنة عن حبها الصامت
" حيرت قلبى معاك وانا بدارى واخبى .بدى اشكيلك من نار حبى .. بدى احكيلك ع اللى فى قلبى "

لكنها تتراجع وتردد بكبرياء المهزومة
" وعزة نفسى منعانى "

****

عندما تعبر المرأة عن حبها لرجل يعتبرها اختا ..او رجل يكره ان تعترف له امرأة

هل هتخذلها الأهانة وتكسر كبريائها ؟؟ ( سؤال للبنات )

وانت عندما تأت لك امرأة تعترف لك بحبها .. هل هتغير رأيك فيها ؟ ( سؤال للولاد )

**جوليت** · 30-12-2009 10:56 PM

طبعها مقدرش أعبر عن كلامك لانى من أشد المعجبين بكلماتك بجد حلو قوى يا أمانى أحسنتى التعبير .
اما بالنسبة للسؤال فانتى أكتر واحدة عارفة أجبتى أنا مش ممنعة ان البنت تقول للولد لو كانت متاكدة من حبها ومتاكدة أنه كويس وبما ان التاكيد دا صعب فصعب انها تقولة .
اماأناعن نفسى صعب عليا قوى لو روحى فيه أنى أقولةلو بعده هيضيعنى هفضل بعده على أنى اقولة بس أناكدةوعارفةأنى غلط

**Dody Doda** · 30-12-2009 11:42 PM

مش عارفة
بس ممكن اقرر بعد ما اقرا مشاركات من الاولاد بس بشرط انهم يكتبوا الحقيقة
عموما سؤالك حلو وكلماتك جميلة جدا

**TOYOTA** · 31-12-2009 12:23 AM

وبما انى اول ولد اشارك فى الموضوع ده
ممكن البنت تعبر عن طريقة اعجابها بأى ولد
بغض النظر عن الطرق التقليديه
مثل لفت انتباه
تبعت مع وحده صحبتها
أخذ رقم تليفونه وتكلمه
بس اكيد فى الحاله دى بنفهم فى معظم الاحيان غلط
وتتدخل فى مواضيع التسالى وكده
اكيد مفيش حد فاهم حاجه
ممكن البنت تعبر عن احساسها للولد لما تكون متأكده ان الولد ده
هيحبها ويحميها من نفسه
سواء بطريقه مباشرة وصريحه
واعتقد دى صعبه عند البنات شويه
والطريقه التانيه الغير مباشره
كما وضحتها من قبل
يارب ما اكون طولت عليكم
واعتقد ان فى ولاد هنا فى المنتدى يقدروا يفيدوكم فى هذا الموضوع
اكتر منى
بس انا ارجح ان الواحد لو معجب بحد مش يتردد ويروح يصرحه بحبه
وانا من مؤيد الطريقه الأولى
وهى المباشره
وشكرا تقبلوا
تحياتى
toyota

**matata** · 31-12-2009 12:52 AM

طبعا ابدعت ابداع ملوش حل
وده العادي منك
هو طبعا لو بنت تعترف لولد ده ميقللهاش
ولا يخليه يغير رايه
فيها ده الانسان العاقل
بس هو ليه الحق في الموافقه او الرفض
لاني في الحب شايف ان البنت زي الولد بتحب وبتحس زيه وممكن اكتر للعلم ومن حقها تعبر
وهو برضه زيها له حق القبول او الرفض
المهم لو رفض متغيرش هيا رايها فيه والغرور يمسكها
ولا هو الغرور يمسكه الغرور انها اعترفتله

وشكرا على الموضوع الجميل
\

**..●●**آه...لو**●●..** · 31-12-2009 02:11 AM

لا مش من حق البنت انها تصرح بحبها

انا شفت الموضوع ده فين قبل كده

سيبك بقى من حوار هو بعيد او قريب
هو صديق او ابن الجران او الكلام ده كلو
اشتري راحه بالك لميت سنه قدام...
مفيش ولد غبي
او ولد ميحسش ان فيه بنت بتحبو
يكفي من البنت التلميح
ومتنتظرش كتير
لو مردش يبقى
ملوش لازمه الانتظار
ولو
علقها برضو يبقى ملوش لازمه الانتظار
حاله واحده بس انها تحارب علشانو
لو قالها
بحبك...

**| سندباد ●** · 31-12-2009 04:18 AM

والله كلام مصطفى معقول

فعلا التلميح يوصل لنفس الهدف

-------------------
لكن لو واحدة اعترفت لحد بحبها
بتهيألى انا
انه مش هيقللها من نظره
لانها انسان وبتحس
وزيها زيه فى كل حاجة

وجايز يقدرها

بس لازم تاخد بالها
هى مناسبة ليه ولا لأ

عشان مش تحرجه
او تحرج نفسها

**| Mannora ●** · 31-12-2009 02:40 PM

من رأى انا انها لو بتحبه تلمح ليه بس....

ولو مش فهم يبقى العيب فيه بقى....

واكيد هو لو جواه حاجه بتبان عليه

وهى بردو نفس الشىء لو جواها حاجه بتبان...

وبيحسها....اصلها صعبه جدا جدا

انها تروح تقوله كده فى وشه بأحبك...

ولازم قبل حتى ما تلمح ليه تفكر مليون مره...

ان كان الانسان ده اللى يستاهلها ولا لا

ولو بجد يستاهلها وبتحبه وهو جواه حاجه

ساعتها ممكن تضحى باى حاجه وتحارب اى حاجه

فى الدنيا...

ليا تعليق على عرضك للموضوع

بجد كلامك تحفه تحفه...

تنفعى يا بت فى الصحافه

بجد عرض رائع اوى اوى

**| **Silent Guardian** ●** · 31-12-2009 04:22 PM

مساحة محجوزة

**اريج الورود** · 31-12-2009 04:39 PM

موضوع رائع وكلماته جميلة اما بالنسبة:
هل هتخذلها الأهانة وتكسر كبريائها ؟؟ ( سؤال للبنات )

عن نفسى يعنى رايى الشخصى انا عمرى ما هاعترف بحبى لحد الا زوجى او خطيبى لان الاعتراف بيه ومفيش علاقة رسمية ملهوش فائدة مش هيوصلنى لحاجة الا انى ابقى ضعيفة وافرضى ان قلبى مال لشخص وحبيته صوريا يعنى متعمقتش فيه يعنى لسه معرفش حقيقته واعترفت له باعجابى انا معرفش حدود رد فعله ان كان هيستجيب زى كل الافلام الاجنبى
او هيععمل نفسه حسين فهمى ويفضحنى زى كل الافلام المصرى
ولا هينتهى الحب بالفشل والفراق ولا يتبقى الا الالم زى كل الافلام العالمية
الموضوع معقد بس مش سهل عليا انى اعترف لشخص ايا كان بحبى لان بحس انه بيفقد معناه لما بننطقه طول ما هو فى القلب محفوظ ومش هيضرنى بحاجة ولكن ان طلع على لسانى فى كذا احتمال اكثر الاحتمالات مؤلمة فبلاها بقه احسن تسلم اديك موضوع رائع بصراحه

معلومات الموضوع

إن جئتك اصرح بحبى

الموضوع: إن جئتك اصرح بحبى

أدوات الموضوع