الولد بيحب انهى بنت خشى اعرفى انتى وهو

**| Amino2 ●** · 25-12-2009 09:43 PM

لازم تقراوه للاخر

هو مش وحش

هو هيشدكوا على فكره

دي بقه نصايح للبنات

أولا : الولد بيحب البنت الرقيقة

الحل : رفعوا صوتكم يا بنات .

و أول ما تشوفى حاجه وحشة .. سورقى (يغمى عليكى) من كتر الرقة قولي ياي اعملي اي حاجه
عيطى كتير . العياط دليل
على الاحساس المرهف . نوحي ليه ..
نكدى عليه الليله متخليهوش ينام مبسوط

ثانيا: الولد بيحب البنت الرومانسية

الحل :اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى مش مسموع

:">ثالثا : الولد بيحب البنت المؤدبه :">

الحل : قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل

الحل : كل ما تشوفى حاجه جديدة قلديها . يقولوا الموضه الشعر الاصفر
اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .

ملحوظه : لو مش عارفه ايه الموضه اختارى لك مغنيه او مذيعة و قلديها .. خليكى نسخة منها .

خامسا :الولد بيحب البنت الدلوعة

الحل :ادلعى ياختى انتي و هى . ما تبقوش مسترجلين نفسكو كده .

سادسا : الولد بيحب البنت الجذابه اللى بتكون محور اهتمام الآخرين :X

الحل : فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى
مدوخاهم بسحرك و جمالك .

سابعا :الولد بيحب البنت اللى بتحسسه برجولته و تحسسه بنفسه

الحل : ايه ده ! .. ايه العضلات دى كلها
دى احلى عضلات شفتها فى حياتى .
يا سلام !! ايه الشياكة دى كلها . انت أشيك ولد شفته فى حياتى .
مش مهم هو لابس ايه . انبهرى و خلاص
يا سلام !! انت تقاطيع وشك حلوه بشكل ( حتى لو كان اخد مطوه في وشه قبل كده )
و طول مانتى قاعده اشكرى فيه خليه كده قاعد نافش ريشه . و فرحان زي الطاووس الدكر .

ثامنا : الولد بيحب البنت الواقعه عليه خالص

الحل : كل شويه كلميه فى التليفون بأى حجة . قابليه فى كل حته يروحها
إعملى عليه كماشة . بحيث مايعرفش يزوغ منك و لا يشوف غيرك ادامه . روحى له الشغل او الجامعه بس بلاش الشقه اللهم بلغت اللهم فاشهد .

تاسعا: عددى مواهبك

اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده .
وبلون البيض المسلوق .
ولازم تكوني بتعرفي تغني

عاشرا : الولد بيحب البنت اللي عاملاه شغلتها

الحل :قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

النتيـــــــــــجــة

لو الولد وقع فى دباديبك و قال عاوز يرتبط بيكى : اوعى تقولى ايوه !
لااااا .. اتقلى شوية . اعملى نفسك يتفكرى .. سهريه ..
لوعيه
بهدليه .. لكن ماتتقليش العيار ليطير منك .
لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه من اللي قرأو الموضوع ده برضه

للأسف هو ده اللي بيحصل معانا شباب وبنات
معدش حاجه اسمها حب حقيقي

amino2

**جوليت** · 26-12-2009 02:13 AM

كل الكلا دا زى الفل وبينفع احيانا
بس الحب زى القدر بيخبط فيك متعرفش جه امتى وهيعمل اية وياريت محدش يقول مفيش حب لو فشل 99%من قصص الحب يكفينى 1%

**!..!** · 26-12-2009 02:46 AM

يانهاري على التفاهه ..!

في بعض النقط اللي قولتها .. تمام

بس

الشئ اللي بيزيد عن حدّه بينقلب ضده

وكمان (سواء هي أو هو) لما يكونوا بطبيعتهم أفضل بكتير

شكراً يا أمينو2

.

**| Amino2 ●** · 26-12-2009 06:16 PM

انا فعلا معاكى فى الراى يابنوته ان الحب لو فشل 99 مره برده فى حب وفعلا الانسان مش محتاج يحب كتر من مره
شكرا لمرورك بجد ومنوره التوبيك

**| Amino2 ●** · 26-12-2009 06:19 PM

طبعا شكرا لمرورك ياوهم
وانتى عندك حق بس الموضوع اصلا مطروح بطريقه فيها شويه كوميديا بس فى نفس الوقت هو مفيد والله وبيعلمنا اللى بيحصل
وشكرا لمرورك مره تانيه ياوهم
وقولى بقى حل اللغز صح ولا غلط

**Spider GirL**(•'.'•) · 26-12-2009 07:05 PM

انا بقا رأى ان البنت تبقى ع طبيعتها اجمل واجمل
ومش مهم رأى اى حدفيها غير رأيها فى نفسها
والحب هو اللى هييجى لها مش لازم هى تدور عليه ولا تجرى وراه

***NONIA*** · 27-12-2009 01:17 AM

الحمد لله الحب لسه موجود يا امينو وممكن يجي في لحظه

ثانكس عالتوبيك اللي موتني من الضحك دا
ونصيحه مني للبنات اوعوا حد يعمل كده
امينو هايوديكم ورا الشمس

هههههههههههههه