مصر مش عجباك ؟ طيب عايز تروح فين

**Messi** · 23-09-2007 08:32 PM

كتير من المصريين والشباب خصوصا دايما تسمعهم يقولوا
انا زهقت من البلد دى عايز اهاجر ومرجعش تانى
وممكن انت تكون واحد منهم
طيب عايز تروح فين ؟
عايز تسيبها ليه؟
مفكرتش ليه الدنيا كلها بتيجى مصر وانت اللى عايز تسيبها ؟
اقولك انا
بتقول:مش لاقى شغل
اقولك :دورت على شغل وملقتش .ولا دورت وملقتش الشغل اللى يناسبك
تقولى : حال البلد ميسرش عدو ولا حبيب وانا زهقت وعايز ارتاح
اقولك:هو لو فى بيتك فى مشاكل هتسيبه وتهاجر وتسيب اهلك . ولا احنا اللى اتعودنا نكون سلبيين وبنتهرب من مشاكلنا دايما
واكيد لو قابلتك مشاكل فى البلد اللى انت سافرتلها هتسيبها وتروح لغيرها وهكذا

المشكله ان كلمه الهجره بقت نغمه على لسان الشباب وهو مش عارف معناها
اذا كان الشاب مشتغلش فى بلده هيشتغل برا ازاى
دا غير المعاناه اللى المصريين بيلاقوها برا مصر ودا طبعا موضوع مش محتاج كلام والناس اللى شغاله برا مصر تتكلم
ومش بعيد ابو الهول ييجى كمان يومين يقول انا عايز اهاجر واسيب البلد دى واروح فرنسا اصل انا زهقت من القعده ومفيش شغل!!!!!

**مواطن مصرى** · 24-09-2007 01:24 PM

هههههههههههههههههههههههههههههه
هى حلوة ياميسى بس على رأيك ساعتها مش هتبقى غريبة

بجد الموضوع ده اللى انت اتكلمت فيه مهم قوى ياميسى وللأسف موضوع خطير جدا
وفعلا الناس فاكره ان اللى بيسافر برة السفر ده بيبقى حاجة سهلة عليه
هو اه بره بيجيب فلوس مفيش كلام بس ايه المقابل قصاد الفلوس دى غير التعب والاهانة والبهدلة
السفر مش نعيم والله يا أخوانا
وكمان كفاية غربتك برة ماليكش حد يسأل عليك ولا حد جانبك فى شدتك ولا حد يفرح معاك وقت فرحك يعنى بجد دى كفاية لواحدها
وبعدين على رأيك ياميسى
أحوال البلد مش عجباك طيب وبعدين ؟؟؟؟؟؟؟؟
كلنا هنسيبها وتخرب ولا ايه
مش المفروض ان دى بلدنا يعنى احنا اللى نصلحها لو مش احنا اللى نعمر ونبنى مين هيعمل كدة لو مش أحنا اللى هنصلح مين هيصلح
وبعدين انت لو خرجت برة وسافرت واشتغلت وبقى معاك فلوس كتير
ياترى بالفلوس الكتير اللى معاك دى هتعرف تشترى وطن زى مصر ؟؟؟؟؟؟؟؟؟؟؟؟؟؟؟؟
سؤال محتاج فعلا اجابة

شكرا ياميسى لموضعك الجميل ده وفعلا نحن فى حاجة لموضوع زى ده

والموضوع ده عايز كلام كتير قوى
شكرا ياريس
خالص تقديرى

**7oDa_elray2** · 25-09-2007 12:10 AM

تسلم يا ميسى
على الموضوع

**Messi** · 25-09-2007 12:11 AM

شكرااااااااااااااااااااااااا يا حوده على تعقيبك الجميل
والمشكله ان الواحد هنا ميرداش يشتغل بكرامته ويروح هناك يمسح جزم و ينضف البتوع دول ......
ولو حد قله تشتغل كده فى بلدك ممكن يقتله
يعنى يرضى يبهدل بره وميبدبهدلش فى بلده اللى لها حق عليه وعلى اهله

**Spider GirL**(•'.'•) · 24-08-2008 09:38 PM

موضوع متميز احمد
هو ايو الهول هيهاجر هو كمان يلا جات عليه هو

يمكن حال البلد سئ للغاية لكن ممكن بدل مانفكر فى الهجرة والهروب نفكر اننا نصلح بلدنا ونشتغل ونحاول نصححها
شكرا احمد
اه صحيح انا عايزة اسافر
بس سياحة مش هجرة