كان!!!

**ReRe** · 23-09-2007 05:28 AM

كان
لا املك ف نفسي غير اللسان
فقلبي وعقلي في طريق واحد يتجهان
ولساني يردد لهما شتان
ابدا لن يلتقي الجمعان
سأذهب بالضحكة في مكان
به المسرات ألوان
سأمضي الآن بآمان
ولكما الدمع هنيآن
بالاه بالشكوي بالهم اطنان
سأترككما به تتواسيان
سيعينكما علي غدر الزمان
سيظل يحرقكما حتي تنتهيان
حينها سأتي لأقول لما الهوان

فقد كنتما معا بمثابة بركان
ولكنه أثر الكتمان
فأصبحت الجنه من حوله جنان
فما وجد امامه مفر من الكتمان
عاش يتمتع بالحرمان
من الشكوي من النجوي من خروج الانان
ومات علي حاله ليصبح كان.

كنتما معا بحر ليس له ضفتان
يبلع موجه خوفا علي الأنام
فكان منهم( ليس له أمان)
وأخذ يحسر في نفسه لعلهم يقولو خايبتان
بحر يدعو للاطمئنان
وجاءوا وعمرو البلدان
فتلاشي ليصبح كان

كنتما معا بمثابة نجم لمعان
في سماء به الظلمة نوعان
ظلمة لون وظلمة نفس وشتان
لمع في كلتا الظلمتان
فتاه بين الفريقان
وبدء يخفت حتي اصبح كان

مازال لساني يردد الملام
وقلبي ينظر لعقلي الخجلان
فكان عليه عبئان
عبء التردد وعبء النسيان
وهاهما يتحاسبان
ولكن متي فقد فات الآوان
فاصبح الاثنان كان

**ReRe** · 23-09-2007 05:31 AM

ومن الهبل اللي فوق ده يا حلوين نستنتج ان لتحويل المفرد الي مثني علينا بوضع الف ونون

وماتنسوش تحفظوا اخوات كان وكمان ولاد عمها اللي اتزكروا ف نفس الهبل اللي فوق

**| **Silent Guardian** ●** · 23-09-2007 10:10 AM

يا خبر يا ريري
بعد مكنت خلاص هعيط
تعملي فيا الملقلب ده؟
جميلة قوي و بيتهيألي انتي قلتلي جزء منها قبل كده
المهم الى اللقاء في التعليق المفصل بعد التعذيب الجامعي اليومي

**● **همسة** ●** · 23-09-2007 12:48 PM

ايه يا بنتى الياس ده
بس تعرفى حلوه فعلا

**ReRe** · 23-09-2007 05:05 PM

شكرا يا همسه علي مرورك اللي نور التوبيك والجمد لله انها عجبتك

**ReRe** · 23-09-2007 05:11 PM

ههههههههه ما انت عارفني يا مصطفي بطلع بطلع وبنزل علي الفاضي
ومستنيه التعليق المفصل بس بسرعه علشان انا عندي تفاصيل ت

~X(

**● **TiTaNiC LoVeR** ●** · 23-09-2007 10:21 PM

ههههههههههههههه
قلبى اتقطع
انا جبت كيس مناديل وخلص

**7oDa_elray2** · 25-09-2007 12:11 AM

مينفعش كده
الياس معاكى على طول
يا ريرى
بس بجد تحفة

***star_alone*** · 25-09-2007 12:12 AM

ايه ده يا ريرى ده انتى طلعتى سوسه

بس بجد جميله

والمره الجايه عاوزين حاجه لجمع المؤنث والمذكر بتوع عم سالم

**Romance_taha** · 25-09-2007 02:52 AM

شكراً ريرى على المشاركة الجميلة دى فى قسم الشعر .. ويا ريت تنورينا على طول كده .. بكلام حلو ..
لكن هابقى اقولك رأيى فيها بعدين .. بقى .. بلاش ازعلك .. هههههههههه