والله خــربــوهــــــــــــا

**Beauty** · 23-12-2009 02:04 AM

خروبها

الأوله آه

والتانية … آه

والتالتة ... مفيش

معنديش

نفسي أقول آه

معنديش

قالوا إقلعوا

قلعنا

ومفيش بتعكوا

وبتاعنا

وصار متاعهم .. متاعنا

وألف مرة إتلسعنا

و برضك مفيش

الأوله …آه

والتانية .. آه

والتالتة ... مفيش

قالو إبصموا

بصمنا

ده بكرة سكر

وسمنا

سيبنا غيرنا رسمنا

إتقسمنا

على اد ما فينا من جراح

ابتسمنا

الأولة .. والتانية .. والتالتة

مفيش

الدنيا ...هاصت .. وهيصنا

ريحنا لما .. تيسنا

تاه الطريق من اتوبيسنا

يئسنا

لا عرفنا ليه قلعنا

ولا عرفنا

إيه لبسنا

الأوله والتانية والتالتة مفيش

واهى ماشية تجرى المسائل

ولا حد سائل

تصحى مرسي

ينام وائل

ده انا كنت واد م الأوائل

وكنت شاطر شطارة

وكنت فن .. وعمارة

وكنت صاحب تجارة

معرفش إيه اللى صابنى

فى قلبى ضاعت سمارة

خربوها

خربوها ولاد القطقوطة

لا طرحت باميه ... ولا قوطه

وسابوها فى سرير مربوطه

و يا ريتهم طلعم رجاله

و يا ريتها رايقه .. ومبسوطه

خربوها

دول سرقوا الهوا ... والضى

ويا عينى ... عليها بلد

يا ريتها ما قالت أى

ويا ريتها ما جابت ولد

خربوها

دول سرقوا النخلتين .. والنهر

والمدرسة

والهندسة .. والجبر

سرقوا الشوارع ... والمعانى

والأغانى

وسيد درويش .. والريحانى

سرقوا المشاعر .. والمزاهر

والبخور

سرقوا الحزن

سرقوا حتى القبور

خربوها

دول سرقوا الطيب .. والزين

وسرقوا …الكحل من العين

وسابوها تاكل بالدين

وان يوم أتعدلت

عوجوها

خربوها ولاد ال .....

على سلامة

**قلب صادق** · 23-12-2009 02:42 AM

ايه الكلام العالى الجميل ده

كده ربنا يسترها عليكى وعلينا بقى

تسلمى على التوبيك وخلى بالك بقى

تقبلى مرورى

**..●●**آه...لو**●●..** · 23-12-2009 02:43 AM

مين علي سلامه بقى
علشان انا حبيتو من قبل معرفو اهو
ايه ده
بجد تحفه يا ياسو
ايه الابداع ده
انا بحب الناس اللي بتكتب اللي جواها بالطريقه دي
بجد جميله اوي
يسلم ذوقك دايما

**MeEeGoOoO**(•'.'•) · 23-12-2009 03:04 AM

ده ابسط تعبير عن اللى اغلب الشعب المصرى عايز يقوله

تسلم ايدك ياياسو

**!..!** · 23-12-2009 05:04 AM

هنفضل لإمتى نندب حالنا ؟

مرسي ووائل وإحنا هنفوق إمتى ؟؟

أغلب الناس في حالة من التبلُد والتواكل

وفي الآخر يقولوا هنعمل إيه يعني ؟؟

لنا الله !!

ماشي أكيد مالناش غير ربنا وبعدين إحنا فين بئا ؟؟

ويبقى الوضع على ما هو عليه .......

شكراً يا ياسو على إختيارك

.

**| Mannora ●** · 23-12-2009 07:03 AM

جميله اوى يا ياسو وبجد بتعبر غن كتير من الشعب

مش عارفه وانا بأقراها حسيته

زى اسلوب جاهين....

اسلوب بسيط...وبيعبر عن اللى جواه بكلام بسيط وجميل والكل يفهمه

تسلملى ايدكى يا قمر