يوميات شاب روش في الجيش 1

[Sweet Soso]

الحلقة الأولى

يوميات شاب روش في الجيش



زيكو شاب روش يموت في الروشنة و الملابس الروشة و الماركات العالمية و لبسه استايل خالص و لازم السلسلة اللي عليها صورة جيفارة في صدره و الحظاظة في ايده .



زيكو كل يوم بيحب يسهر بره و مقضيها تظبيت كل يوم مع واحدة شكل .

و معروف انه دنجوان الجامعة و كل البنات بتموت فيه و طبعا كل الولاد بيحقدو عليه طبعا مين زيه .


و على طول بيعدي السنة في تلاته أكيد يعني هومش فاضي للمذاكرة و الحاجات اللي تزهق دي .

خلاص النتيجة طلعت و الحمدلله زيكو نجح بمقبول على اخره و بعد رفع ماديتين .


زيكو بدأ يشوف نفسه بقه الواد خلص جامعة و خد مقبول قد الدنيا و عايز يشوف بنات جديدة غير بتوع الجامعة .

كل يوم يروح كافيه شكل و مفيش واحدة عجباه عشان يظبطها و طول ما هو في الكافيه الشيشة مبتفارقهوش .


و في يوم شاف سالي و قال بكرة البت دي حظبطها .

و صحي تاني يوم العصر زي العادة و بدأ يجهز عشان يروح الكافيه و عمال يحط خطط ازاي يوقع سالي في حبه .


لكن جرس الباب يرن مامته تفتح تلاقي جواب لزيكو .

زيكو فتح الجواب و بدأ يقراه من هنا و راح أغمن عليه ياعيني .




زيكو حبيبي مالك حصلك حاجة
الجواب ده فيه اه ؟؟؟؟؟؟؟؟
مامته تمسك الجواب و تقراه و تلاقي انه .
.
.
.
.
.
.
.
.
ينهار يانهار جواب استدعى للتجنيد !!!!!!!

ايه اللي حيحصل لزيكو و ازاي حيتقبل الموضوع ده

استنو الحلقة الجاية من مسلسل يوميات شاب روش في الجيش .

مع تحياتي

يا رب تعجبكم

[Spider GirL(•'.'•)]

باين عليها جامدة
منتظرين اول حلقة فى الجيش بس ما تتأخريش علينا