هنقلب المنتدى ونخلّيه دمار !

[!..!]

مسا الخير عليكوا

أهم حاجة مش عايزة المُشرفين والسوبرات يزعلوا مني !

هدخل في الموضوع علطول

بداية ما إشتغل فكك مني 2007 كان في أعضاء كتير ..بس

لظروف لا يعلمها إلا الله بعضهم إختفوا في ظروف غامضة

وأكيد

كان لهم مجهود جميل في المنتدى .. وكمان ذكريات مع الأعضاء

اللي لسه موجودين دلوقتي معانا .. وكان لهم آثر في فكك

وتقديراً لهم .. وللأعضاء القدام اللي لسه موجودين معانا

هنقلب المُنتدى !

أيوه هنقلبه .. دي حاجة سهلة وبسيطة خالص

كل 3 ايام هنحدد 3 اعضاء .. ونعرفهم .. كإنهم معانا !

نعرفهم إزاي ؟؟

نعرفهم من مواضيعهم اللي كتبوها ..

ويمكن لمّا يرجعوا تاني يلاقونا لسه فاكرينهم ..

كل اللي هنعمله إننا هنضغط على إسم الأعضاء المحددين ..

وهتظهر لنا قائمة بمواضيعهم .. واللي هيعجبه موضوع معين

هيحط لنا لينك الموضوع هنا ...

وهنرد على المواضيع اللي هتعجبنا

وشروط إختيار المواضيع ..

1- كتابة إسم العضو .. ووضع مواضيعه تحت إسمه .

2- لكل عضو منا الحق في إختيار موضوع واحد فقط من

كل قسم .

"يعني كل واحد مننا هيختار من كل قسم موضوع واحد بس"

3- عدم تكرار الموضوع الذي تم إختياره من قبل .

(هيدينا فرصه إننا نشوف مواضيع أكتر للعضو المحدد )

4- يُفضّل إن المواضيع تكون بقلم الأعضاء .

(في بعض الأقسام .. سواء في منتدى الحوارات

أو المنتدى الأدبي ..)

5- ممنوع منعاً باتاً إختيار مواضيع الترحيب أو آخر الأخبار ..

مش عايزين نعلّق حد على باب المنتدى

ـــــــــــــــ

يمكن المشرفين هيتعبوا من المواضيع القديمة اللي هتطلع ..

بس هما أدها

إستعدوا للدمــــــــار

Whm

...

[!..!]

والأعضـــاء هيكونوا :

[| Mannora ●]

بجد مش لاقيه كلام اقوله يا وهم الا اصفق ليكى


فكره رائعه رائعه رائعه

وبجد كلنا معاكى ومش تقلقى المشرفين هيشيلو معاكى

واى حد هيكرر هيتعلق على باب المنتدى زى ما انتى عايزه

[| Tears Of The Moon ●]

فكرتك تحفة يا وهم
وان شاء الله المشرفين معاكى

[| لولا ●]

شكرا ليكى يا وهم وفكرتك حلوة جدا وطبعا المشرفين معاكى وانا اولهم

[قلب صادق]

نايس بجد فكرتك جميله جدا

تستاهلى عليها ترقيه كبيره اوى

تقبلى مرورى

[| Nadooosh ●]

تمام قوى يا وهم
واحنا معاكى ياسكر

[..●●آه...لو●●..]

طب دلوقتي نعمل ايه نختار العضو الاول من التلاته دوووول
انا ممكن اختتتار مورا جوافه
وفيه مووووضع له في دماغي هدعبس عليه لو وافقنا عليه كان تحفه اسمو دكتور نفساني حضرتك
وممكن دكتوره وهم تكمل الموضوع لو عجبها
ها مين فاكر معايا الموضوع وبيرشح موررررا جوافه

[● TiTaNiC LoVeR ●]

ماشى

[!..!]

هو أنا مش عارفة أشرح للدرجة دي ؟؟

تفاتيفي أنا حددت 3 أعضاء .. ومش هنختار حد منهم ..

كلهم هنختار لهم مواضيع وإحنا هنرد عليها

وكمان خليتهم 3 اعضاء علشان نشوف أكبر قدر من مواضيع

الأعضاء ..

تقريباً محدش فاهم مني حاجة !!

ــــــــــــــــــــــــ

فين يا جماعة المواضيع اللي إخترتوها ؟؟