الجزء التانى-حملة هنتغير بجد

[| Nadooosh ●]

السلام عليكم
=وعليكم السلام
+ايه اخبارك ؟
=كله تمام ..بس مخنوق شويه
+ليه ياعم كده
=مفيش امى زعلانه منى شويه
+..
=بس هى اللى غلطانه
+..
=علشان انا معملتش اى حاجه
ومرة واحد لقيتها..
+استنى بقى ممكن اتكلم
انت كل شويه تقاطعنى
=اتفضل
+بالله عليك انت عارف انت زعلان من مين ؟
=من امى
+شكرا على الاضافه
هو انا بقولك من خالتك
انا بقولك انت عارف مين هى الام ؟
=طبعا
+مين ؟
=هى اللى تعبت واللى ربت واللى ..
+لا فكك من الكلام بتاع زمان ده
وخلينا نتكلم بجد
+عارف الام دى يعنى ايه ؟
=يعنى ايه ؟
+قبل ما اقول لك معناها
حاول تشيل الكلمه دى من حياتك
وبجد جرب وتخيل وقولى
="مغمض عينيه"
لو شيلت الكمله دى
....
مفيش حد يفهمنى بجد
من غير ما اتكلم
مفيش حد يهتم بيا بجد
مفيش حد لو زعلان يحللى
مشاكلى من
غير ما اتكلم
مفيش حد اتناقش معاه بحريه
مفيش ...
+مفيش دى هتقولها حوالى 2مليون مره
وخلى بالك معنى كلمه مفيش
انه مش موجود
+وتخيل بعد كل مفيش
لو اصبح ليك حياه
=فعلا حياتى مش هتبقى موجوده
لان هى سبب وجودى فى الدنيا
+انا مش قصدى ولكن انت موجود دلوقتى
لكن الكلمه دى مش موجوده
حياتك هتبقى عامله ازاى
هيبقى كل كلامك زعيق
لان مفيش حد فاهمك
هتبقى مش منظم
وحياتك هتبقى فوضى
لانك ماتعرفش شئ عن النظام
وحاجات كتييير جدا
هتتغير للاسوأ
والاكبر من ده
مفيش دعوتها
الجميله
اللى تريحك وتفرحك
وكأنك مالك للدنيا
وبرضه ماتعرفش هل ربنا راضى عنك ولا
لاءه لان رضى ربك من رضاها
=يااااااه ..ده انا امى حاجه كبيره اوى
+لا كل اللى اتكلمنا عنه
ده عن كلمه
أم
فما بالك بمعنى كلمه أم
=......!!!
+معنى كلمه أم
الحنان
العطف
الفهم من اول نظره ليك
العنايه بيك
الدعوه ليك
الحضن اللى بيساوى
الدنيا باللى فيها
"يقطع الحوار بكاء صاحبنا"
+انت بتعيط
والله انت تعبان
انتى امك لسه قدامك
روح وبوس ايديها
واوعى تقول الكبرياء
لان مهما تكبر وتتكبر مش على
امك وابوك
روح والحق
دعوتين يغيروك بجد
"صاحبنا يجرى دون اذن"
"طبعا علشان يلحق عوتين
من الحاجه الوالده
وانت فين من امك
وابوك
روح لهم
ولو مات واحد منهم
ادعيله انت
وهتلقى حياتك تتغير
يلا ده من غيرهم
انسى حاجه اسمها تغير
او حياه من غيرهم "
+ يلا ..السلام عليكم

________________________________

[| Amino2 ●]

الله بجد
الموضوع معمول صح فعلا وكمان جميل اوى
معنى كلمه أم
الحنان
العطف
الفهم من اول نظره ليك
العنايه بيك
الدعوه ليك
الحضن اللى بيساوى
الدنيا باللى فيها
وانا والله هقوم ابوس ايديها دلوقتى واقولها تسامحنى على اى حاجه عملتهلها ضايقتها منى

[!..!]

الحمد لله إن الحملة رجعت تاني

وطبعاً .. موضوع النهاردة .. مش محتاج كلام

لإن مهما إتكلمنا عن الأم مش هنوفيها حقها

ربنا ما يحرمنا منهم أبداً .. ولا يحرمهم مننا

مين اللي هيرفع لهم الضغط غيرنا ؟

واللي فقد والدته ربنا يصبّره

ويعوضه بالخير ..
ـــــ

شكراً يا منتوسا

..

[مااقدراكون غيرانا]

جزاك الله خيرا منتوسة لحملتك الرائعة وجعل ماتقدمى بميزان حسناتك

يارب كلنا نتغير للافضل ونهتم برضا الله ونبعد عن الاخطاء لنقلل ذنوبنا

والبداية فعلا ارضاء الوالدين والتودد لهما

يارب ارحم والدى واسكنة فى جناتك

وبارك لوالدتى فى عمرها وصحتها وقربها لطاعتك .