خواطر "الورد الحزين"

[السحاب المنير]

خواطر

هذه الكلمات ليست شعر وليست بقصة ولكنها خواطر تدور بداخلي كثيرا ولا تكاد تتركني ابدا

فبداخلي حزن عميق يتجدد مع الايام ولا يزول ابدا
ويستمر ويستمر كأنه ملازمنى كظلي مدي الحياة
كلما احول ان اتغلب عليه يهزمني في النهاية وينتصر هو

فلماذا لا انتصر انا؟ لماذا لحظات السعادة لا تدوم؟
لماذا الحزن دائما يترك اثر اكثر من السعادة؟
لماذا تكون السعادة لحظات وتمضي؟
لكن الحزن ايام وشهور وسنوات ويكاد يستمر طول حياتى.......

حاولت كثيرا اناتغلب علي نفسي ولمني لا استطيع اجبارها علي ان تعيش لحظة مصطنعة لحظة غير حقيقية
وهكذا يستمر الحزن بداخلي ويبقي له الاثر الاكبر!!!!

وعندما تتبدل المشاعر من حب صادق الى كره شديد
فلماذا لا تعود مرة اخرى الى ذلك الحب

وعندما تتباعد المسافات بين البشر لماذا لا تقرب مرة اخرى؟
لكن قد يحدث بعد وبعد تام وقد يدوم.........

ولماذا تشعر بالحرج من اقرب الناس اليك؟
ولماذا لا تجد من تشكو اليه بحرية؟
وعندما تجد من تشكو اليه لا تجد نفسك تتحدث بصراحة
وكأن الجزن كتب ان يكون بداخلك انت!!!!!!!!!!

ومن كل هذا لا تجد سوى الدموع مخرج لك
وايضا دموع الحزن اكثر بكثير من دموع الفرح التى قد لا تتعدي دمعة او اثنتين في لحظة مشاعر جياشة.....

حتى عندما اشعر بالحزن من اقرب الناس الىّ فقد احن اليهم مرة اخرى ولكن سرعان ما يحدث شئ يجعلني اعود الي الشعور القديم تجاههم مرة اخرى
وكأن هذا الشعور نقش علي الحجر لا يتغير...
لماذا كل هذا يحدث؟
لا ادري أبشر انالا يشعر بالسعادةانا
ام انّى تعودت علي غيابها
حتي وان اتت اليه فلا يشعر بوجودها وكأنها طيف زائر اوسراب لا يصدق

لكن عندما يأتي سبب حزين يجعلني استرجع كل لحظات الحزن والاسباب القديمة التي لا تغيب عن ذهني ابدا
وكأنها كتاب مفتوح امامي مسجل ومدون باستمرار امامى لا يغيب عن عيني ابدا

ولماذا لا اجد من يقدر مشاعري هذه؟
وكأن المشاعر اصبحت شئ معدوم بين الناس حتي وان كانوا القرب اليك

فكل ما اشعر به الآن كأني في سجن معتم لا استطيع الخروج منه
ومفتاحه مع اقرب الناس اليك ولكنهم القوا به في التهلكة "حتى لا يكون هناك امل في الحرية" ويراك تبكي وتراه يضحك من داخل قلبه "قد يهيئ لك ذلك" حتي وان لم يكن يفعل ذلك..............

فلا اجد من اصرح له بذلك والاهم فلازم ولابد ان احافظ علي صورة اقرب الناس هؤلاء
فأسمك مقترن بأسمهم؟

انني لا اقصد اليأس من رحمة الله او الاعتراض علي قضائه ولكن هذه الخواطر تنتابني كثيرا فأردت ان اخرج جزء مما بداخلي

أنا آسفة لو انا ازعجتكم بكلماتي دي
بس دي كلمات صادقة خرجت مني في لحظات بكاء شديد لم اجد نفسي سوي اني امسكت بورقة وقلم وكتبت ما اشعر به.

الورد الحزين

[| MonyanA ●]

اية يا بت الكلام ده؟؟؟؟؟؟؟؟؟؟؟؟
لسه برضه؟؟؟؟
ليا كلام تانى معاكى

[..●●آه...لو●●..]

عارفه يا ورد من خواطري برضو
كتبت
عارف لما الدنيا تعاندك فجاه
لما تحس انك هتموت من الوحده
وكل اصحابك باعو في لحظه
افتح قلمك واقطع ورقه
اكتب من غير متفكر اتهور
عاتب...صالح عاكس واحده
او اقتل حتى مين هيعاتبك ولا يلومك
ده انته بتتكلم مع ورقه
.............................
بجد جميل انك تطلعي اللي جواكي يمكن انا برضو كنت حزين لما كتبت الكلام ده بس وانا بكتب حولت الكلام من ياس وحزن لضحكه من وسط ينبوع الالم
الغرض من الكتابه اني اتخلص من الشحنه اللي جوايا
وان الناس احس بيها انها معايا ومع بعض
واحب اقولك انك لقيتي المكااان السليم
يا رب يفك كربك
......................................
رجاء
حاسبي من ان الكتااابه تاسرك جواها

[!..!]

إحساس مختلط حسيت بيه وزاد على اللي عايشة فيه

ـــــــــــــــــــــــــ ـ

أقولك حاجه يا ورد غير اللي تفاتيفي (آه...لو) قالهالك

يمكن أنا غيركم إنتوا الــ 2 في حاجة

بس مشتركين في حاجة تانية

مشتركين إن في لحظة الحزن بنعبّر عن حزننا بالورقة والقلم

بنكتب اللي حاسينه .. اللي واجعنا .. ويمكن محدش يعرفوا

غيرنا !!

بس اللي مختلفين فيه .. إني بموّت اللي بكتبه قبل ما حد يقراه !!!!

ـــــــــــــــــــــــــ ـــــــــــــــــ

جميلة خواطرك يا ورد رغم إنها حزينة ..

وأكتر حاجه بتتعبني .. لما حد يصقف لإحساس حزين

بس هصقف لِك

...

ربنا يسعدك ياورد

..

[السحاب المنير]

على فكرة لما كنت باكتب الكلام ده
عمرى ما فكرت ان حد يقراه او يشوفه
لكن بصراحة كنت حاسة ان شحنة الحزن اللى جوايا لسة مخلصتش عشان كدة كنت قررت انى اكتب الموضوع
وكويس انى لاقيت حد بيعمل زيى في لحظة حزنه
بس انا الحمد لله بقيت كويسة دلوقتى هو بس الكلام بيكون كبير قوي في وقت الزعل
و بعد كده باقول لنفسى ايه الكلام الكبير ده و ازاى خرج منى و باستغرب نفسى جدا

وعلى فكرة كلماتك كمان جميلة جدا وحسيت انها قريبة مني زى الكلمات اللى بتخرج منى

علي فكرة انا كنت داخلة علي المنتدىدلوقتى عشان اطلب من ادارة المنتدى حذف الموضوع
لكن بصراحة اتفاجأت لما لقيت ردكم ده وده فرحنى كتير
وشكرا على ردك وكمان النصيحة الجميلة دى

[السحاب المنير]

على فكرة انا كمان باموت اللي باكتبه بس باموته بعد فترة مش علي طول كده عشان كمان احس بالفرق بين الفترة دي و قبل كدة

وكويس اني نلت شرف انك تصقفيلى

وربنا يسعدنا كلنا يا رب

[dark spider]

تسلم ايدكي يا ورد يا خزين

[| Mannora ●]

ياااااااااااااااااااااااه يا مى....

ايه كميه الحزن دى....

انا معاكى انك فى زعلك بطلعى حاجات جواكى كبيره

وتيجى تستغربى بعد كده

بس تصدقى الواحد بيرتاح اوى لما يخرج اللى جواه

كأن حمل كبير اوى انزاح من عليه


بس حزين اوى ....بصى للجانب المشرق فى اى حاجه

حتى لو اليمه او حزينه..اكيد ربنا حاططها لينا لهدف..

لعبره لدرس.....مش تسيبى نفسك لظلمه اللى الحزن بيأخدك ليها

بعد كده مش هتعرفى تخرجى....

وتضيعى احلى واجمل اوقات فى حياتك فى حزن...

والندم مش هينفع....

وكمان كفايه ان عندك صاحبه زى منى دى عسل وعندها كميه تفائل وامل

تكفينى وتكفيكى وتكفى العالم....

واكيد الصديق بيكون احسن ملاذ فى وقت الضعف الحزن....

[السحاب المنير]

تكرم و الله يا رونالدو
شكرا ليك كتير

[السحاب المنير]

انا والله يا منار مش عارفة انا جبت الكلام الكبير ده منين
ولا ازاى جتلى الجرأة انى كمان اكتبه على المنتدى
بس الحاجة اللى شجعتنى انى مش اعرف حد معرفة شخصية على المنتدى قوى
لكن ارجع اقولك ان هو ده الكلام اللي خرج منى فى انفعال و بكاء شديد
ليس تجمل وليس بكذب
وكمان لولا وجود منى دا انا كان زمانى انتحرت من زمااااااااااااااااااااان جدا
بس الحمد لله انا تمام دلوقتى
بس عشان تعرفى معنى السعادة لازم تدوقى الحزن
وعشان تعرفى الجمال لازم تكونى شوفتى القبح عشان تفرقى بينهم