طرق الانتحار العصريه .خش و ادعيلي(قصدي هتدعي عليا)

[قلب صادق]

لو انت زهقان من دنيتك وخلاص مش طايق العيش والعيشة
واللى عايشينها ؟
لو حماتك ولا مراتك طلعوا عينك وعين اللى خلفوك وخلاص مش قادر عليهم ؟
لو عايز خلاص تنتحر بس مستحرم تعملها وخايف تموت كافر ؟

تعال هنا وانا اقولك ازاى تخلص من دنيتك وتكون كمان شهيد مش كافر؟

اخترلك حاجة من الحاجات دى :

1:- قف فى ميدان عام وقل رأيك بمنتهى الصراحة فى
الحكومة والنظام والفساد ( وانا اهو لو طلع عليك نهار . )

2:- قف فى طابور عيش واعمل نفسك فهلوى وحاول
تتخطى اللى قدامك ( باقى الطابور هايكلوك قبل الخبز احيانا )

3 :- روح مستشفى من مستشفيات الحكومة علشان
تعمل عملية جراحية ( بس بشرط اكتب وصيتك قبل الذهاب )

4:- روح مستشفى استثمارى لنفس الغرض
( هايفضوا بطنك من اللى فيها مثل الكلاوى والقلب والكبد

5:- اركب اتوبيس نقل عام او ميكروباس
( بس بشرط يكونوا هايعدوا على ترعة او شريط قطار )

6:- زعل مراتك وارفض طلبها انها تصيف السنة دى
( بس بشرط يكون عندك ساطور محترم واكياس سودة )

7:- اعمل نفسك رايح تحج ولا تعمل عمرة واركب عبارة
(بس بشرط تكون عبارة السلام 500 بتاعة ممدوح اسماعيل )

8:- اقعد امام التليفزيون واتفرج على تصريحات الوزرا والمسئولين
وعلى برامج الاطفال والاعلانات
( بس الموضوع دة ممكن يطول معاك شوية لأنك هايجيلك شلل الاول قبل ما تجيلك نقطة )

9:- اعمل نفسك وطنى وروح بلغ عن مخالفة او سرقة او فساد
( بس بشرط يكون اللى هاتبلغ عنة مسنود من فوق )

10:- اعمل نفسك فييس واعزم مراتك وعيالك على عشوة
فى مطعم مشهور وانت مفلس
( بس اوعى تنسى تسرب المدام والعيال قبل ما تيجى فاتورة الحساب )

والله يرحمك .....

منقول للامانه بس لقيتو لزيز جدا

اتمنى ينال الاعجاب

[!..!]

كدا مش إنتحار ..

ده قتل مع سبق الإصرار والترصد والإنتقام من النفس ..

بس من غير حاجه بيموتونا بالبطئ !

شكراً ليك

..

[| Amino2 ●]

يا اخى حرام عليك
انت بتشحعهم علينا
خليهم يسبونا فى حالنا بقى
اووووووووف

[Spider GirL(•'.'•)]

كدة كدة
احنا بنموت بالبطئ
ويمكن اساسا ما نكونش عايشيين

[● paradise_z0ne ●]

يااااااااااااااه

حاجات تضيع فعلا بالزات عمليات فى مستشفيات الحكومة

[dark spider]

[| لولا ●]

:- قف فى ميدان عام وقل رأيك بمنتهى الصراحة فى
الحكومة والنظام والفساد ( وانا اهو لو طلع عليك نهار . )
هههههههه انا فى دى معاك

[قلب صادق]

تسلمو بجد يا شباب على المرور

الجميل وتعليقاتكم الرائعه

يلا كل واحد يختارلو موته من دول

وانا مش مسؤل بقى اه

هههههههههههههههههههههههه

بجد بجد ربنا يحفظ المسلمين اجمعين

من اللى بيحصل وبنشوفو وبنسمعو

لكم منى كل تقدير واحترام

[| Nadooosh ●]

هههههههههههههههه

هم يبكى وهم يضحك

شكرا

[قلب صادق]

والله عندك حق بس هوه

ده حال الدنيا

نورتينى